[ادهم محمود يوسف]

الطبق عندي كان جايب اشارات مش كويسة اوي وماكنتش لاقط تردد اليفن ولا بلقط فيدات ومابلقطش حاجات كتير
امبارح وانا بظبط فيه وبحاول معاه ف عليت الفلانشة بالعدسة عن طريق المسامير قيمة 3 او 4 سنتي جابت اشارة كويسة جداً ولقطت اليفن والمدار كله تمام بس تقريباً العدسة ماكنتش ثابته ف لما فكيت السلك اللي كنت بظبط بيه وركبت السلك بتاع الريسيفر اللي تحت نزلت لاقيت الاشارة باظت تاني السؤال بقا .. هل الاشارة باظت عشان العدسة اتهزت ؟ ولا ماتأثرش جامد كدا ؟
الاشارات الضعيفه اللي كانت في الاول كانت عشان الدراعات قصيرة صح .. ف هل لو عملت دراعات جديدة بنفس الطول هيظبط ولا ايه ؟
واسف علي الاطالة

[جوهركامل]

على كلامك العدسه اتحركت من مكانها
حاولت تظبط تانى وتربط العدسه على الفلانشه كويس
وبعدالربط شيك على اشاراتك تانى
قبل ماتنزل من السطح

[shrifstar84]

انت عليت العدسه من 3 إلى 4 سم الإشارة ظبطت معاك يبقى يجب عليك الحفاظ على البعد البؤرى إما عن طريق تثبيت العدسه بالفلانشه بعد رفعها أو عمل دراعات بالطول المناسب لأنك لو عملت نفس الطول حتواجه نفس المشكله

[ادهم محمود يوسف]

تمام يا استاذ جوهو انا بتوقع ان هي اتحركت لأن الاشارة قلت خالص والفلانشه تقريباً مش ثابته لأني معليها عن الدراعات بمسامير ف انا بسأل لما عليتها جابت اشارة احسن ف هل اعمل دراعات اطول هتجيب معايا نفس النتيجه ولا مالهاش لازمة ؟

[starsoft]

ثبت القطعه كويس وجرب علي السلك الأطول قبل ماتنزل مش سلك الإشاره اللي بتظبط بيه لأن ممكن يكون العيب في السلك مش القطعه

Sent from my Infinix Zero 3 using Tapatalk

[الباشا وليد]

واضح كدة من كلامك وتجربتك ان الدرعات قصيرة فحاول تثبت الفلانشة جيدا مع الوضعيه الجديدة وتتابع الاستقبال قبل النزول كما اشار الاستاذ جوهر
ولو رغبت فى تفصيل درعات جديدة عليك بيان احدثيات الطبق
قطره الداخلى وليس الخارجى وعمقه بدقة وطول الازرع الحاليه وهل هى اصليه ام لا ؟؟؟؟

[م /احمد جمال]

متابعه ممتازه استاذ جوهرمشرفنا الغالى
لازم يكون طول د رهان مضبوط وتكون القطعه والفيدداخل مجال الطبق
ان زاد البعد البؤرى تلقط القطعه الشوشره والضوضاء الحراريه من خارج الطبق
وان قل البعد البؤرى تقل رؤيه القطعه باشاره كانه طبق اقل من حجمه الطبيعى وقد قمت بتعليه الفلانشه بمسامير لكى تحصل على بعد بؤرى مضبوط وقامت الاشاره بالزيادة وعلى ما اعتقد فكره مسامير تعليه الفلانيه غير فعاله لانها ضعيت اتجاه القطعه لبؤره طبق قم بضبط الاشاره مره اخرى مع تعليه الفلانشه بالمساميرقيس من اول الفلانشه الى تانيه الدراع من أسفل وفصل دراع اطول عن القياس 2سم

[م /احمد جمال]

تصحيح لان تليفون بيعطى اختيارا ت فى كتابه
لازم يكون طول درعات طول مضبوط

[ادهم محمود يوسف]

تمام انا هراجع عالاشارة وهي كدا لو ظبطت تاني اغير الدراعات

[عادل عامر]

اولا قيس الطبق كما بالصورة مع شد المتر على وش الطبق والقياس من حرف الحلة الداخلى
والمعدن المطلوب للازرع ممكن من مواسير تندة التكتك ودى افضل لانها رفيعة وقوية ودى من اى ورشة لاصلاح التكتك ممكن تلاقيها او من اى مكان بيبيع حديد مشغول بوبات حديد او ابواب حديد

عليك بقياس القطر الداخلى من الحواف والعمق لديك لنعطيك مواصفات الازرع

[hasn_1955]

السلام عليكم ورحمة الله وبركاته
الأخ العزيز - الباشمهندس عادل عامر
لدي أستفسار بسيط
اذا كان البعد البؤري لطبق برفكس مسطح 212سم من الداخل وعمق 34سم علي حساب البرنامج 82سم ونصف تقريبا بمقاسات دقيقه والطبق بحالة المصنع ليس به أي عيوب *
هنا السؤال ** هل أضبط مسافة البعد البؤري علي حساب البرنامج ويكون هذا أفضل ضبط أم لك رأي أخر * ويكون ضبط القطعه هو موازنة العمودي والأفقي بدقه فقط ؟
الأستفسار هذا عن ضبط البعد البؤري الصحيح ويليه ضبط العمودي والأفقي
لك كل الشكر والأحترام وللأخوه المشرفين العظماء في منتداكم الكريم مصراوي سات