[محمد عبد الفتاح]

مش رجوله منك خالص علي فكره


- مش رجوله منك انك تروح الاستاد قبل الماتش 8 ساعات بدري في حين انك بتنزل صلاه الجمعه في الركعه التانيه


-مش رجولة منك تعاكس واحدة ف الشارع (أياً كان لبسها) لمجرد انها لوحدها رغم انك عارف كويس جداً انها لو كانت ماشية مع واحد عمرك ما هتعرف تبصلها (أياً كان لبسها بردو)


-مش رجولة منك انك تبتسم ف وش خطيبتك أو زميلتك ف الكلية لحد ما يجيلك شد عضلي ف وشك وترجع البيت متحاولش تبص ف وش أمك أو ابوك أو حتى تكلمهم !!!!!


-مش رجولة منك تسقّط البنطلون ولما تتسأل ليه تقول بكل بساطة علشان حجره ضيق !!!!!!!!!


-مش رجوله منك انك تفضل ماسك السجاره طول اليوم وانت لسه بتاخد مصروف من ابوك


-مش رجوله لما تسمع اللي بيحصل في فلسطين وتقول وانا مالي لما يبقوا ييجوا مصر


- مش رجوله لما تبقي عارف انك غلطان وبتكابر لمجرد انك مش عايز تقول اني غلطان


- مش رجوله انك تكدب علي حد لمجرد انك تضحك


- مش رجوله لما تقف ساعتين تتخانق مع واحد صاحبك عشان هو اهلاوي وانت زملكاوي ..في حين انك مش هتقف خمس دقايق تكلم في مساله دينيه


- مش رجوله منك لما تقف تتجادل مع واحد اذا كان عمرو دياب احسن ولا تامر (كتك ستين نيله)


- مش رجوله لما تضرب واحد اصغر منك في الجسم مع انك هتبقي كتكوت لو هو اكبر منك حبتين مع انه نفس الموقف


-مش رجولة منك انك تتريق على اللي رايح واللي جاي لمجرد التريقة وكل واحد فينا فيه العبر



-مش رجولة منك لما تكون قاعد ف مواصلة وتلاقي راجل كبير مش قادر يقف ومتقوملوش....


-ومش رجولة خااااااااالص انك تكون ف نفس المواصلة وتشوف بنت أو ست كبيرة الناس عمالة تعدي من جنبها وتخبط فيها وانتا قاعد كالثلجة الشمالية !!!!!!!!




الخ....الخ....ألخ




وعموماً......في ناس الكلام مش هيأثر فيهم لسبب بسيط جداً



ان الرجولة ملهاش قطع غيار

[redaabdeltawab]

مش رجوله منكم خالص انكم تشوفو موضوع جميل زى ده و متردوش عليه

[ahmeddija]

الموضوع دا رغم انه مش طويله
بس بيحمل معاني كتيره جدا جدا
تسلم حبيبي علي الطرح

[ابومحمود2010]

شكرا استاذ محمد على هذا الموضوع ونتمنى من الله ان ينصر الاسلام والمسلمين

[م حداد]

شكرا استاذ محمد على هذا الموضوع

[hamadasat96]

تسلم ايدك
موضوع واقعي متميز
وربنا يهدي الجميع

[m_nadim]

تسلم ايدك

وجزاك الله خيراً

[mylover]

تعرف اللى دخل ومكتبش رد يبقى صدقنى من ضمن مش رجولة خالص وموضوع رائع ربنا يكرمك فعلا لسه الدنيا بخير

[فؤاد أحمد فؤاد]

[محمد صلاح2050]

تسلم ايديك

[shakawa~sat]

تسلم ياغالى موضوع جميل بسى ياريت الناس
يوصلها الحالة الى بنمر بيها ونتجنب اى اخطاء بتصدر مننا
شكرا ياااااااااااااغالى

[اسامه الحكيم]

كلام حلو وله معانى

تشكـر ابـو (جنا) على هــذه الرجولــه

وللعلــــم

كل رجـــل ... ذكـــر

ولكـــن

ليس كل ذكــر ... رجـــل

وفققك الله الى ما تحبه ويرضاه

[ابو شادى]

شكرا لك اخى الكريم على هذه الكلمات الرقيقه منك

[ضياءقمصان]

المشاركة الأصلية كتبت بواسطة اسامه الحكيم

كلام حلو وله معانى

تشكـر ابـو (جنا) على هــذه الرجولــه

وللعلــــم

كل رجـــل ... ذكـــر

ولكـــن

ليس كل ذكــر ... رجـــل

وفققك الله الى ما تحبه ويرضاه

سيبك انت الحكيم حكيم

[maria111]

والله العظيم عندك حق ( الرجوله لا تباع ولا تشترى) شكرا وبارك الله فيك