[hammo sat]

جهاز كيوماكس 999 v8 ابو فلاشه فاصل اشاره ... ومع قياس فولتيات الباور لقيت خط 20 فولت مش موجود .. جربت كارته تانيه الجهاز اشتغل كويس .. هل اغير الدايوت اللي قبل مشط الباور او فيه مكثف معين هو اللي عامل المشكله .. وشكراً

[أحمد_رجب_ابراهيم]

غالبا يوجد قطع فى خط ال24 فولت
وايضا استبدل دايود الخط المذكور
ولابد من خروجه على مشط الباور
واخبرنا

[hammo sat]

المشاركة الأصلية كتبت بواسطة عيد500

غالبا يوجد قطع فى خط ال24 فولت
وايضا استبدل دايود الخط المذكور
ولابد من خروجه على مشط الباور
واخبرنا

غيرت عدد 2 دايوت جنب بعض ولكن نفس المشكله .. خرج الباور كله سليم ماعدا ال 20 فولت

[احمد حسين ابو عمرو]

غير مكثفات خط ال20 فولت

[hammo sat]

المشاركة الأصلية كتبت بواسطة احمد حسين ابو عمرو

غير مكثفات خط ال20 فولت

فكرت أعمل كده فعلاً بس ممكن أرقامهم لو سمحت لأني معرفهمش ,, وهل مكثف 1000/16 تبعهم ولا ده تبع خط 3.3

[أحمد_رجب_ابراهيم]

ياغالى هل يوجد 24 فولت على الدايود الخاص بالخط ولا لا يوجد؟
ان امكن ارفع صوره لدايره الباور من ناحيه الخطوط

[hammo sat]

المشاركة الأصلية كتبت بواسطة عيد500

ياغالى هل يوجد 24 فولت على الدايود الخاص بالخط ولا لا يوجد؟
ان امكن ارفع صوره لدايره الباور من ناحيه الخطوط

مشط الباور 5 خطوط ب 5 دايوتات ..
دايوت قاري 3.3 تمام .. ودايوت قاري 5 فولت تمام .. ودايوت قاري 4.1 .. وفيه 2 دايوت علي طرف البورده اعتقد ان واحد منهم خاص بال 20 فولت .. بس واحد بيقرأ 7.1 .. والتاني بيديني علي شاشه الأفوميتر 00.8-

[samir fathy]

دايود خط إل 24 فولت رقمه على البورده D8لو بعد تغيير الدايود والمكثف الملف الخاص به والتأكد أن مفيش خطوط فاصله يبقى عيب شوبر

[hammo sat]

المشاركة الأصلية كتبت بواسطة samir fathy

دايود خط إل 24 فولت رقمه على البورده D8لو بعد تغيير الدايود والمكثف الملف الخاص به والتأكد أن مفيش خطوط فاصله يبقى عيب شوبر

أنا فعلاً غيرت الدايوت بس برضه بيقرأ معايا 7 فولت .. هل كده العيب في المكثفات أجرب أغيرهم أم العيب في الشوبر نفسه؟!
ومعلش استفسار بسيط ،، هل خط 20 فولت بيكون رقمه D8 في كل كارتات الباور لأي جهاز ولا ده خاص للكيوماكس فقط؟ وشكرا لحضرتك

[samir fathy]

فرجن 8 فقط

[hammo sat]

شكراً جزيلاً يا باشمهندس

[شعبان جمعة]

المشاركة الأصلية كتبت بواسطة hammo sat

جهاز كيوماكس 999 v8 ابو فلاشه فاصل اشاره ... ومع قياس فولتيات الباور لقيت خط 20 فولت مش موجود .. جربت كارته تانيه الجهاز اشتغل كويس .. هل اغير الدايوت اللي قبل مشط الباور او فيه مكثف معين هو اللي عامل المشكله .. وشكراً

فيه مقاومة فيوزية اخى لونها اخضر جنب خرج الشوبر رابطة الدايود بخط 20 فولت اتأكد من الاول

[hammo sat]

المشاركة الأصلية كتبت بواسطة شعبان جمعة

فيه مقاومة فيوزية اخى لونها اخضر جنب خرج الشوبر رابطة الدايود بخط 20 فولت اتأكد من الاول

حضرتك تقصد اللي هي 2 رجل؟! موجوده بس لونها لبني .. طب دي اعرف ان كانت سليمه او تالفه ازاي .. هي مش متفحمه ولا باين عليها أي تلف .. ممكن طريقه قياسها بالافوميتر؟

[شعبان جمعة]

المشاركة الأصلية كتبت بواسطة hammo sat

حضرتك تقصد اللي هي 2 رجل؟! موجوده بس لونها لبني .. طب دي اعرف ان كانت سليمه او تالفه ازاي .. هي مش متفحمه ولا باين عليها أي تلف .. ممكن طريقه قياسها بالافوميتر؟

حبيبى اى مقاومة مبدئيا 2 طرف فقط
وحضرتك بقولك اللى لونها اخضر ودى مقاومة فيوزية يعنى زى الفيوز وقياسها بالافو على وضع الصفارة يعنى لو الافو اعطى صفارة تبقى سليمة غير كده تالفة وهى بتوصل خط 20 بالدايود D8

[hammo sat]

المشاركة الأصلية كتبت بواسطة شعبان جمعة

حبيبى اى مقاومة مبدئيا 2 طرف فقط
وحضرتك بقولك اللى لونها اخضر ودى مقاومة فيوزية يعنى زى الفيوز وقياسها بالافو على وضع الصفارة يعنى لو الافو اعطى صفارة تبقى سليمة غير كده تالفة وهى بتوصل خط 20 بالدايود D8

قيستها علي وضع البزر وفعلا عملت صوت صفاره .. بس الغريب ان الخط الارضي نفسه بيطلع ارقام علي شاشه الأفوميتر بس بالساالب . يعني بيطلع عغلامه السالب علي الافوميتر .. وخط ال 20 لما بوصله بوضع البازر علي رجل الترانزيستور بيصفر لكن المشكله انه قاري 7 فولت مش 20 والدايوتات سليمه أنا احترت