[bebo606]

والله نسطتيع التأثير على شركات النت تأثيرا ايجابيا عند اتخاذ قرار جدي من الجميع بعدم دفع اشتراكات النت شهر او شهرين

النت عندنا في مصر أسوأ نت في العالم واغلى نت في العالم والله حرام وكل دا ليه ؟
لأننا مش قادرين نمتنع عن النت لمدة شهر او شهرين

هذه دعوة لمقاطعة النت بعد هذه الزيادات الغير مبررة ونحن ننتظر ان تقل اسعار الاشتراكات مش تزيد

حسبي الله ونعم الوكيل

ان شاء الله لن ادفع اشتراك النت هذا الشهر وميعاد الدفع عندي 25 / 9

ياريت من فضلكم اجد استجابة من حضراتكم

هذه هي الزيادات :-

http://www.elfagr.org/2750777

تحياتي واحترامي لحضراتكم

[bebo606]

طبعا عدم دفع الاشتراك والمقاطعة في حال وجدت استجابة من الجميع

غير كدا يبقى مفيش فايدة ولا امل وسوف ادفع الاشتراك

تحياتي

[كريم إبراهيم]

نت قليل أسعار كتير شعار شركات النت الجديد

[kareka20]

واللهى لو فى استجابة من الشباب انا معاك (مقاطع)

[الحسام المنتصر]

شعب مصر المحروسة يستحيل ان يجتمع على شىء يكون فى صالح الجميع
.. ريح نفسك !!!!!!!!!!!!!!!!!!!!!!!!

[manfaloti]

الزياده هى تطبيق ضريبه 14% فقط على فاتوره الانترنت التى لم تكن تطبق من قبل

وطبعاً علشان كل واحد شغله مرتبط بالانترنت هندفع غصب عننا ومحدش هيقدر يقاطع غير اللى شغله ملوش اى صله بالانترنت

[khaledelsheref]

والله دا حرام علي ايه الزيادة يعني هوة النت سريع اوي

[karimbo]

دلوقت الانترنت بالنسبة لبعض الناس ضرورة قصوى .. تواصل مع قريب بالخارج او عمل ودول بالنسبالهم استحالة المقاطعة وبالنسبة لناس تانية مش ضرورة .. لو على المقاطعة يبقى الفئة الاكبر اللي بالنسبالها النت مش ضرورة هي اللي المفروض تقاطع

ولكن في الزيادة الاخيرة دي شركات الانترنت والمحمول ملهاش علاقة .. الزيادة هي زيادة ضريبة القيمة المضافة اللي بتصب في مصلحة المواطن وغرقتنا من كتر الصب علينا .. عموما مش عاوز اتكلم كلام قد يؤخذ عليا واتطرق لمواضيع خارج نطاق الحديث
بس ببساطة زيادة النت زي زيادة البنزين والسولار والمواصلات والاكل واللبن والشرب والادوية .. كل شيء يتعلق بضريبة القيمة المضافة .. اللي هي هم ازرق نازل على دماغ اللي جابونا في كل حاجة
فلو ناوي تقاطع .. قاطع كل شيء بقى عليه ضريبة القيمة المضافة .. مش الانترنت بس .. لكن الشركات ملهاش علاقة .. لما تبقى الشركة نفسها هي اللي تزود نبقى نقاطع .. لكن مادام الزيادة كضريبة هنعمل ايه بقى .. ربنا كبير

[ghanem]

اسعار الانترنت في السعودية المخصصة لشرائح البيانات دون فاتورة



سرعة النت



تعتبر افضل شركة تقدم في خدمات الانترنت المنتقل

عندنا مصريين في السعودية يشتغلون في قطاع اتصالات عندنا

[k2k32012]

الزياده دي بجد ول كلام وهتطبق من امتي لو الكلام صحيح حد

[محمود85]

الذيادة اطبقت خلاص الناس دفعت على الجديد

[karimbo]

يا جماعة مش زيااااااااااااااااااادة .. الاسعار زادت بسبب ضريبة القيمة المضافة اللي خوتونا بيها اعلانات في التلفزيون واللي بتصب في مصلحة المواطن :D
شركات الانترنت والمحمول ملهاش علاقة .. الحكومة طبقت ضريبة على كل الخدمات ومنها الانترنت .. عشان بس منقعدش نسب ونلعن ونقول نقاطع الانترنت واللي مايقاطعش يبقى متخاذل وخلافه ونصب غضبنا في الجهة الغلط
http://www.masrawy.com/news/news_eco...9-%D9%85%D9%86

التفاصيل اهيه من اسبوع في موقع مصراوي ده غير اللي كان قرا قانون القيمة المضافة الجديد كان هيعرف من سنة ان الضريبة دي هتطبق


"يبدأ اليوم الخميس 7/9 تطبيق ضريبة القيمة المضافة على عملاء الإنترنت الأرضي، لجميع الشركات العاملة في مصر. وكان قانون الضريبة على القيمة المضافة، أعفى خدمات الإنترنت الأرضي من ضريبة القيمة المضافة، لمدة عام تبدأ من 7 سبتمبر 2016، على أن يبدأ التطبيق بدءً من اليوم الخميس. وستؤدي هذه الخطوة إلى قيام الشركات المقدمة للخدمة برفع نسبة الضريبة على خدمات الإنترنت الأرضي إلى 14% بدلا من 10% حالياً، وذلك بداية اليوم، على أن تظهر الزيادة الجديدة في فواتير سبتمبر. وستصبح الأسعار بعد زيادة الضريبة كالتالي: - سرعة 1 ميجا بتحميل 10 جيجابايت 57 جنيها بدلا من 50 جنيها، وسرعة 1 ميجا بتحميل 100 جيجابايت 108 جنيهات بدلا من 95 جنيها، وسرعة 1 ميجا بتحميل 100 جيجابايت وبسرعة 512 ميجابايت بعد انتهاء التحميل ستكون 114 جنيها بدلا من 100 جنيه. - سرعة 2 ميجا بتحميل 150 جيجابايت ستكون 160 جنيها بدلا من 140 جنيها، وسرعة 4 ميجا بتحميل 200 جيجابايت ستكون 250 جنيها بدلا من 220 جنيها، وسرعة 8 ميجا بتحميل 300 جيجابايت ستكون 400 جنيها بدلا من 350جنيها. وطبقت الحكومة ضريبة القيمة المضافة بنسبة 13% في سبتمبر الماضي بدلا من ضريبة المبيعات التي كانت 10%، ثم رفعتها إلى 14% بداية من يوليو الماضي، وتوسع قانون القيمة المضافة في فرض الضريبة على كل السلع والخدمات، فيما عدا بعض السلع والخدمات التي أعفاها من الضريبة. وضريبة القيمة المضافة هى ضريبة غير مباشرة، تفرض على استهلاك السلع والخدمات المختلفة وليست على الدخل."

[عماد رياض]

القصه مش فى الذيادة على قد ما هى اننا بندفع فلوس ومفيش خدمه جيدة انا بقول الحل هو بدايه السرعات من 2 ميجا والغاء سرعه 512 و 1 ميجا احنا نضغط بهشتاج لوزير الاتصالات بان تبدا السرعه ب 2 ميجا

[ممدوح حمدان]

انا مستعد للزيادة لا انا موصل نت من شبكة وشايف الذل اغلبية الوقت النت فاصل او ضعيف ومش بايدى حاجة لان انا فى منطقة مفهاش غير 4 او 5 خطوط وكلمنا السنترال كتير والشركة يقولوا انتظر التطوير الفايبر بقالنا سنين احمد ربنا انت فى نعمة غيرك مش طايلها الزيادة دى من الحكومة مش من الشركة

[bebo606]

المشاركة الأصلية كتبت بواسطة ممدوح حمدان

انا مستعد للزيادة لا انا موصل نت من شبكة وشايف الذل اغلبية الوقت النت فاصل او ضعيف ومش بايدى حاجة لان انا فى منطقة مفهاش غير 4 او 5 خطوط وكلمنا السنترال كتير والشركة يقولوا انتظر التطوير الفايبر بقالنا سنين احمد ربنا انت فى نعمة غيرك مش طايلها الزيادة دى من الحكومة مش من الشركة

الحمد لله على النعمة وحقك عليا وخلاص حضرتك فهمت اني غلطان وسامحوني جميعا

تحياتي لحضرتك ولجميع من شارك في الموضوع --

ولحضراتكم جميعا اعتذر بكل أنواع وألوان الاعتذار

وعمار يا مصر

تحياتي وتقديري لحضراتكم