[amrlion]

السلام عليكم

اهلا باخوتى واحبائى فى منتدى مصرواى سات
المنتدى الفضائى الاول


طبعا بعد كتابة عنوان الموضوع الكل سيدخل هنا على امل وجود سوفت كيوماكس H7 الجديد


متعشمين بمن يقوم بحركة جدعنه وينزل السوفت
وينهى فتره طوووويله من الانتظار والترقب لنزول سوفت يحيى جهازهم الذى اشتروه بابهظ الاثمان

ويجدوا من يصرخ بصوت عالى

قرب قرب قرب هنا

عندنا سوفت الاتش 7 الجديد حصرى وب75ج بس


ولكن اعذرونى فالموضوع لايحتوى على اى سوفت وير

ولكن الموضوع يحتوى على ما اهم من السوفت والاجهزه والقنوات

انا هنا لأتحدث عن كمية من الاهمال والابتزاز والاحتكار والجشع والطمع

اذهلنى بعد كل ما قدمناه سابقا عن عبدالعال واجهزته الردئيه ودعمه الصفرى انه بدأ كثر من الناس البحث عن الجهاز وعلى استعداد لدفع مبالغ طائله فيه بعد نزول السوفت الجديد

في ايه يا جدعاااان؟؟؟؟؟؟؟؟؟؟؟؟؟؟؟؟

انا لو كان عندى رغبه 1% انى امتلك اتش 7 فالرغبه دى انتهت تماما بعد ما رأيته من ذل وجشع وطمع من مستودره وشركائه

بعد ما ندفع اكثر من 800ج فى جهاز لا يسوى نصف ثمنه وبعد اكثر من 4 شهور معاناه وحرمان مع الجهاز وبعد ما حصلت المعجزه ونزل سوفت للجهاز بتحديث الفوريفر الى 3.109 نجد ان السوفت محتكر ويتم تنزيله لمالكى الجهاز باسعار وصلت الى 75ج؟؟؟؟

لييييييييييييييييييييييييييييه

ده بدل ما ينزل السوفت على خدمة التحديث على الجهاز مع اعتذار من الشركه عن التأخير؟؟؟ + تعويض للعملاء بمد فترة ******* او IPTV؟؟؟

ليه بتسمحوا للجشعين يعملوا فينا كده؟؟؟؟؟؟؟؟؟

عبدالعال منبه على كل تاجر لديه بعدم رفع السوفت عالنت علشان يلم قرشين حلوين منكم

وطبعا التجار ما صدقوا لانهم هيلموا قرشين حلوين برضه

الا من رحم ربى

واحنا بكل سذاجه نجرى نحدث الجهاز وندفع ثمن السوفت اللى هو من ابسط حقوق مالكى الجهاز

لهذه الدرجه هانت نفسنا وكرامتنا علينا كمصريين؟؟

وهتعملوا ايه فى السوفت الجاى؟؟؟ واللى بعده؟ واللى بعده؟

هتنتظروا قد ايه على ما ينزل ؟؟؟؟ وهتوصوا مين المره دى يجيبه؟ وهتدفعوا فيه كام؟؟؟؟

ماخلاص عبدالعال وشركائه لقوا الزباين اللى بتدفع وهى راضيه وساكته ومرحبه

قولناها وسنكررها الى الابد

لابد من اضراب كامل عن اجهزه الكيوماكس الجديده واولهم H7 الى ان نجد دعم محترم ومتواصل ومتوفر
نجد موقع للشركه يحتوى على كل مايخص الاجهزه
صيانه وضمان محترمين

غير هذا لا شراء لاى منتج كيوماكس او خلافه من اى نوع اخر

حتى لو الكل مش هيلتزم بالكلام ده لو التزم البعض سيحدث تغيير كبير فى نسبة المبيعات

بلاش نرخص نفسنا للدرجه دى ونسيب نفسنا فريسه لناس مبتزين وجشعين يبتزونا بكل سهوله وفى ابسط حقوقنا

الا وقد بلغت اللهم فشهد

[sameh_sam21]

صح صح صح صح صح

[فني تركيبات]

المشاركة الأصلية كتبت بواسطة amrlion

عبدالعال منبه على كل تاجر لديه بعدم رفع السوفت عالنت علشان يلم قرشين حلوين منكم

وهو ده اساس الجشع والابتزاز

المشاركة الأصلية كتبت بواسطة amrlion

وطبعا التجار ما صدقوا لانهم هيلموا قرشين حلوين برضه

بالضبط كده
مثل الاخ محمد دعدوش حاول ابتزاز الاعضاء
واللى عايز السوفت يروحلو المحل وطبعا بفلوس
وليس ماقال بدون ولا مليم
غير الضحك على الاعضاء انه هاينزل السوفت اليوم

[amrlion]

هنقول ايه بس يا ابو افنان

ارجع واقول العيب على المشترى هوا السبب فى كل شىء

[فني تركيبات]

المشاركة الأصلية كتبت بواسطة amrlion

هنقول ايه بس يا ابو افنان

ارجع واقول العيب على المشترى هوا السبب فى كل شىء

انت عارف ياعمرو
قمه الجشع والابتزاز وصلت لايه
البيه عبد العال وصل الجهاز الى 900 بعد السوفت
ايه اللى بيحصل ده

[amrlion]

ههههههههههههه

السلام عليكم
وعليكم السلام ياحبيبى

انا عايز جهاز اتش 7 ياعم عبدالعال لو سمحت

تحت امرك يا حبيبى

والله عندنا نوعين اتش 7
النوع الاول من ابو سوفت جديد وده ب900ج

وعندنا النوع التانى ابو من غير سوفت جديد وده ب700ج

وانت براحتك



حاجه قلة ادب يا ابو افنان بس عبدالعال معذور لقى ناس طيبه بتدفع فبيدفعها

[walid2020]

المشاركة الأصلية كتبت بواسطة ابوافنان

انت عارف ياعمرو
قمه الجشع والابتزاز وصلت لايه
البيه عبد العال وصل الجهاز الى 900 بعد السوفت
ايه اللى بيحصل ده

كلام جميل يابو افنان
طيب السؤال نجيب جهاز ايه كويس وسيرفره فوريفر جي شير
نرجو وصف العلاج بعد تشريح المرض
انا فعلا نازل اشتري وبصراحه كنت هجيب اتش 7
بس كده انا بتشتت
نرجو النصح من الكبار
ولوهجيبه تنصحوني بمنين اجيبو
شكراً

[amrlion]

المشاركة الأصلية كتبت بواسطة walid2020

كلام جميل يابو افنان
طيب السؤال نجيب جهاز ايه كويس وسيرفره فوريفر جي شير
نرجو وصف العلاج بعد تشريح المرض
انا فعلا نازل اشتري وبصراحه كنت هجيب اتش 7
بس كده انا بتشتت
نرجو النصح من الكبار
ولوهجيبه تنصحوني بمنين اجيبو
شكراً

عايز فوريفر ليه دلوقت؟؟؟

علشان دش تى فى بس؟؟؟

جميع الباقات اللى فاتحه الاتش 7 بعد التحديث فاتحها اغلب الاجهزه

حتى النوفا فاتحه VHD2

هات اى جهاز مستعمل بسيرفر سى سى كام

مؤقتا الى ان ينزل جهاز فوريفر محترم كستارسات او تايجر او ستارماكس

[فني تركيبات]

المشاركة الأصلية كتبت بواسطة amrlion

مؤقتا الى ان ينزل جهاز فوريفر محترم كستارسات او تايجر او ستارماكس

بالفعل ياعمرو
سوف ينزل جهاز ستار سات بسيرفر فوريفر اول السنه الجديده
وسوف يسحق جهاز عبد العال
على الاقل شركه ستار سات محترمه وتتعهد للعملاء بخدمه ما بعد البيع من سوفتات وملفات وحلول للمشاكل
بخلاف المدعو عبد العال اللى بيرمى اجهزته الفاشله بالاسواق
ولايسأل فيها وكل يومين ينزلك خرده جديده

[amrlion]

المشاركة الأصلية كتبت بواسطة ابوافنان

بالفعل ياعمرو
سوف ينزل جهاز ستار سات بسيرفر فوريفر اول السنه الجديده
وسوف يسحق جهاز عبد العال
على الاقل شركه ستار سات محترمه وتتعهد للعملاء بخدمه ما بعد البيع من سوفتات وملفات وحلول للمشاكل
بخلاف المدعو عبد العال اللى بيرمى اجهزته الفاشله بالاسواق
ولايسأل فيها وكل يومين ينزلك خرده جديده

اثلجت صدرونا بالخبر الحلو يا ابو افنان

بس دى معلومه عندك ولا توقع؟

[القمارى]

انا مقاطع كل اجهزه عبدالعال ده ضحك على الناس حسب الله ونعم الوكيل

[walid2020]

المشاركة الأصلية كتبت بواسطة ابوافنان

بالفعل ياعمرو
سوف ينزل جهاز ستار سات بسيرفر فوريفر اول السنه الجديده
وسوف يسحق جهاز عبد العال
على الاقل شركه ستار سات محترمه وتتعهد للعملاء بخدمه ما بعد البيع من سوفتات وملفات وحلول للمشاكل
بخلاف المدعو عبد العال اللى بيرمى اجهزته الفاشله بالاسواق
ولايسأل فيها وكل يومين ينزلك خرده جديده

كلام محترم وبالفعل ستارسات شركه كبيرة
يامسهل الحال
شكراً لك ابو الافنان
والاخ amrlion

[mohamed soror]

هل حد عنده معلومة ..بايه الجديد على السوفت الجديد ده ..عشان يتعمله الضجة دى كلها ....هو ايه الجديد من الباقات اللى فتحها...

[mohamed mamdouh 14]

المشاركة الأصلية كتبت بواسطة amrlion

لهذه الدرجه هانت نفسنا وكرامتنا علينا كمصريين؟؟
وهتعملوا ايه فى السوفت الجاى؟؟؟ واللى بعده؟ واللى بعده؟
هتنتظروا قد ايه على ما ينزل ؟؟؟؟ وهتوصوا مين المره دى يجيبه؟ وهتدفعوا فيه كام؟؟؟؟
ماخلاص عبدالعال وشركائه لقوا الزباين اللى بتدفع وهى راضيه وساكته ومرحبه

ايوه هانت نفسنا و كرامتنا علينا يا استاذ عمرو

لما نلاقى المصريين دايما بيتم استغلالهم واللعب بيهم و تقديم اسوء شئ فى

كل شئ ليهم والمصيبة انهم مش بيشتكوا بل بيتجاوبوا مع الاستغلال والجشع و الطمع

لييييييييييييييييييييييييييييه كل ده و عشان اااااااااااااايه

ليييييييييييييييييه بعدها نلاقى 4 مواضيع استفسارعن سعر الخردة وايوه

بقولها الخردة اتش زفت 7 للدرجة دى هانت علينا انفسنا وبقينا نرضى باسوء حاجة

يبيع السوفت وير ب 30 او 75 جنيه ولا مش عارف بكام ؟! للدرجة دى عبد العال بيستغل

المصريين و هما متجاوبين معاه بكل سهولة و راضين و فى الاخر يشتكوا و

يقولوا الجهاز مفهوش حاجة جديدة بعد لما يروح للسبوبة اللى بعدها
عبد العال بيبيع الهوا للناس عشان ايه كل ده؟؟؟؟؟؟؟؟؟؟؟؟؟

والله يسامح تجار عبد العال الجشعين وهما عارفين نفسهم ومعروفين اسم اسم لانهم مشتركين فى الجريمة بالنصب والاحتيال على الناس

بدل من اخلى التاجر هو اللى يجرى ورايا ويدلعنى ويضيف اللى انا عاوزه

زى اجهزة المغرب العربى اقوم انا اللى اجرى وراه وورا عبد العال وحتى

بلد ضايعة زى العراق عندهم جهاز زى ستار ماكس برقبة اجهزة عبد العال

وادى يا مصريين موقع الجيون فى الجزائر السوفتات ببلاش مش بفلوس ومش تعلالى تاخد السوفت من المحل و السوفت كام ببلاش و اللودرات ببلاش
http://www.zinetsatdw.com/index.php/nouveaute

وادى يا مصريين موقع الايكولينك فى المغرب السوفتات ببلاش مش بفلوس ومش تعلالى تاخد السوفت من المحل و السوفت كام ببلاش و اللودرات ببلاش
http://www.echolinkhd.com/index.php

وادى يا مصريين موقع الاستارسات السوفتات ببلاش مش بفلوس ومش تعلالى تاخد السوفت من المحل و السوفت كام ببلاش و اللودرات ببلاش
http://swdw.net/index.php/softwares

وادى يا مصريين موقع الجهاز المحترم الاردنى التايجر السوفتات ببلاش مش بفلوس ومش تعلالى تاخد السوفت من المحل و السوفت كام ببلاش و اللودرات ببلاش
http://www.tiger-sat.net

هنات علينا انفسهم بان نرضى بالقليل هانت علينا انفسنا لهذه الدرجة
يا اخى والله والله والله والله لو مفيش فى السوق اجهزة غيرها ومفيش قنوات شيرنج الا فيها فنشاهد المباريات بالفيدات افضل
بجد حسبى الله ونعم الوكيل بس العيب مش عليهم العيب على الناس اللى بتكسبه و بتشترى الخرد اللى بيجبها بتراب الفلوس من الصين وده هدفنا اننا نوعيهم و نقول الحقيقة لو لسه معرفهاش

[mohamed mamdouh 14]

المشاركة الأصلية كتبت بواسطة ابوافنان

انت عارف ياعمرو
قمه الجشع والابتزاز وصلت لايه
البيه عبد العال وصل الجهاز الى 900 بعد السوفت
ايه اللى بيحصل ده

اللى معظم الناس متعرفوش يابوافنان ان الاجهزة التى تباع الان ب900 او 950 هى اجهزة جت من الصين بسعر الدولار القديم ولم ياتى لعبد العال حاليا اى كونتينر اجهزة من الخردة من الصين
يعنى النصاب بيضحك على الناس وبيكسب الضعف هو وتجاره الجشعين
وبيوهم الناس ان الاجهزة استوردها على سعر الدولار الجديد
بجد حسبى الله ونعم الوكيل