[ayman2009]

السلام عليكم ورحمة الله وبركاته

أنا عندي مشكلة في جودة الصورة (الألوان ودرجة الوضوح) وكمان الصوت بس مش في كل القتوات !!! يعني موجه كوميدي مثلاً أو القناة الأولى واضحين لكن قناة مثلاً زي ميلودي أفلام الصورة مش نقية و الصوت بحس أنه يا إما واطي أوي أو مش حلو ف بعلي في الصوت و بيبقى شبه نقي لما الصوت يبقى عالي خالص يعني يا إما واطي يا عالي مفيش وسط

وساعات بيقولي No Signal على القناة و بعدين يرجع تاني لواحدة

طبعاً مظبوط على النايل سات

والأجهزة كلها جديدة و عايز أعرف العيب فين ؟
_______________________________________
مواصفات الطبق:
prifix Dish 70 CM = 65 L.E
With Original Stand (Prifix made In Egypt)
5Years Gurantee
_______________________________________
مواصفات ال LNB
25L.E
LNB: Qmax MST-2001
Universal Single LNB
HD Ready
Made in China
Ku Band Universal Single LNB.

Specification
Input:
Low Band: 10.7 - 11.7 GHz
High Band: 11.7 - 12.75 GHz

L.O. Frequency:
Low Band: 9.75 GHz
High Band: 10.6 GHz

Output:
Low Band: 950 - 1950 MHz
High Band: 1100 - 2150 MHz

Noise Figure:
High/Low Band: 0.2 dB. (Typ)

Conversion Gain:
50dB (Min) 62dB (Max

Band Switching:
Low Band: 0 KHz
High Band: 22KHz +/-4KHz

Frequency: 10.7 - 12.75 GHz
_______________________________________
مواصفات الريسيفر:
http://imageshack.us/photo/my-images/6/3vr24952.jpg/
Daly Star 9400 - Made In China = 100 L.E
From Daly Export Company
رسيفر رقمى
خاصية Multipicture
سرعة التحميل والعرض
2500 قناة
إمكانية ضبط مجموعات من القنوات المفضلة
_______________________________________
مواصفات التليفزيون:
Goldi -NEW Magic - 21 Inch = 640 L.E
From Goldi Shops
200Channels
Game - Zoom
Child Lock
On/Off Timer
Multi Language Menus
4Preset Picture settings
Clock -Calendar - Sleep Timer
Screen Saver In Case of no Signal
Made In China
_______________________________________

ديه مواصفات الأجهزة
وأنا سألت اللي ركب الطبق على سبب عدم جودة اللون أو درجة الوضوح أو نقاء الصورة قاللي علشان الريسيفر صيني وقاللي أجيب أستر أو ترومان 999 وقاللي العيب مش في التليفزيون

وبالنسبة للصوت مسألتوش لأني لم ألاحظ هذا العيب اللي هو عدم نقاء الصوت

وفيه قنوات كويسة وقنوات مش نقية يعني مش كلهم زي بعض
وساعات بيقولي No Signal على القناة و بعدين يرجع تاني لواحدة

فأنا دلوقتي عايز أعرف العيب في ضبط الطبق فوق ؟ ولا عشان ماركة الريسفير تعبانة ؟ ولا عيب في التليفزيون

شكراً لكم

[هشام شاهر]

فعلا للاسف الرسيفر من النوعيات الصينى الرديئه
احسنلك تغيره

[احمد ابوعيسى]

اولا السلام عليكم
بالنسبه لعيب الطبق هو عدم وجود اشاره نهائيا وليس للطبق اي علاقه بنقاء الصوت او الصوره
اذا كانت الصوره تختفي في بعض الاوقات ويكتب لا توجد اشاره ..... العيب في الطبق
بالنسبه للصوره عليك بتعديل نمط الصوره وذلك يتم عن طريق الريموت الخاص بالتليفزيون ويمكنك من خلاله تعديل الوضوح واللون والحده .....
بالنسبه للصوت معظم القنوات ليست لديها صوت وصوره نقيه
وليس هناك داعي من تغيير الرسيفر لأن الفرق لن يكون كبيرا بينه وبين اي رسيفر عادي
والله الموفق

[lordof_eg2005]

العطل من الرسيفر الدالى ستار لانة بيفقد اشارة دائما فعليك بال1هاب الى فنى صيانة سيقوم بالتسخين على ايسى الاشارة وتتحل المشكلة

[ghadh]

اخى الكريم انت ممكن تعرف العيب من فين بالضبط انك تجيب ريسيفر تانى من عند اى حد معرفتك او جارك وتجربه عندك على التليفزيون بتاعك وتشغله بعض الوقت عندك فان اشتغل كويس ووجدت فيه فرق فى الصوره والالوان فقم بتغيير الرسيفر بس جرب الاول عشان متظلمش الرسيفر متابع معاك

[ali_sh]

المشاركة الأصلية كتبت بواسطة ghadh

اخى الكريم انت ممكن تعرف العيب من فين بالضبط انك تجيب ريسيفر تانى من عند اى حد معرفتك او جارك وتجربه عندك على التليفزيون بتاعك وتشغله بعض الوقت عندك فان اشتغل كويس ووجدت فيه فرق فى الصوره والالوان فقم بتغيير الرسيفر بس جرب الاول عشان متظلمش الرسيفر متابع معاك

برافو عليك ياغالي ده افضل رأي.

[ayman2009]

شكراً لكم جداً
أنا بردوا ما وصلتش لسبب المشكلة
هل هى في ضبط الطبق ؟؟ ولا ال LNB نوعه وحش (أنا كاتب مواصفاتة فوق) ؟؟
ولا الريسيفر هو اللي نوعه تعبان - أنا لما جيبته كنت فاكر أي ريسيفر بيجيب نفس الجودة بالنسبة للنايل سات ؟
--------------------------------------------
أستاذ أحمد::
اذا كانت الصوره تختفي في بعض الاوقات ويكتب لا توجد اشاره ..... العيب في الطبق
يعني الطبق نفسه فيه عيب ؟ ولا ال LNB ؟ أزاي ده جديد !!
----------------------------------
أستاذ ghadh ::
طيب لو جربت ريسيفر تاني بردوا صيني و ماركته DANSAT يعني بردوا مش أحسن من الدالي ستار ولقيت نفس المشكلة يبقى الحل أني أجيب حد يضبط الطبق ولا أغير ال LNB ؟ ولا السلك ولا الجاك بتاع السلك ولا أيه ؟
-------------------------------
فيه مشكلة تانية لاحظتها ::
لما بقلب القنوات الصورة بتهنج حوالي 2 ثانية مع كل قلبة قناة !!!
وأنا مش بشغل لا الريسيفر فترات طويلة ولا التليفزيون وبفصل عنهم الكهرباء بعد ما أطفيهم !! يعني الريسيفر مش بيهنج بسبب طول فترات التشغيل

[eljooker]

اختبر جهاز اخر لمعرفة اين العيب فى الريسيفر ام الطبق

[ayman2009]

أستاذ eljooker شكراً لرد حضرتك ::
--------------------------------------
طيب لو جربت ريسيفر تاني بردوا صيني و ماركته DANSAT يعني بردوا مش أحسن من الدالي ستار ولقيت نفس المشكلة يبقى الحل أني أجيب حد يضبط الطبق ولا أغير ال LNB ؟ ولا السلك ولا الجاك بتاع السلك ولا أيه ؟

[eljooker]

اولا اذا كانت نفس المشكله موجودة مع ريسيفر اخر فيجب ظبط الاشارة اولا و اعدادات خرج الريسيفر والتليفزيون و تاكد من الوصله بتاعت الاوديو و الفيديو لانها بتكون رديئه و تقبل تحياتى

[ayman2009]

شكراً لحضرتك
حضرتك قصدك أيه بضبط الأشارة ؟ هل حضرتك تقصد ضبط الطبق من فوق ؟؟

معلش فيه سؤال تاني:
الفني اللي جيه وصللي الوصله الملونه أبيض أصفر أحمر كالتالي::
وصل ال 3 ألوان بالريسيفر و وصل الابيض و الأصفر فقط بالتليفزيون و لم يوصل الأحمر بالتليفزيون بس وصل الطرف الأحمر التاني بالريسيفر فهل التوصيل ده صح ولا غلط ؟؟
وطبعاً موصلش كابل ال rf !!!!!

[احمد سعيد شديد]

ياجماعة كل ده عشان قناة ميلودى افلام سيبك منها خالص شيلها ياعم وريح دماغك ياعم الحل بسيط جدا الريسيفر صينى يعنى قول للقنوات الى شغالة ميه ميه والى بيقطع ويشتغل لوحده سيبك منه وبرحته وخد حسابك من الزبون وامشى وخلاص

[ayman2009]

أستاذ أحمد سعيد:
شكراً لمشاركة حضرتك بس المشكلة أن معظم القنوات أصلاً مش فيها نقاء في الصورة !!!! قليل أوي اللي مظبوط زي روتانا سينيما و القناة الأولى و الثانية الأرضية
لو اللي مش واضح قناة ولا أتنين ولا حتى 10 من ال 600 قناة اللي جايين مكنش حيبقى فيه مشكلة

[ayman2009]

طيب معلش عندي سؤال ::
أحنا كده كده مش عارفين نعرف المشكلة فين

لو أفترضنا أن المشكلة هي أن الريسيفر صيني يعني أي كلام ومحتاج يتغير

أنهي ماركة وموديل أقدر أشتريه عشان يجيب قنوات النايل سات واضحة ؟

معلش تعبتكوا معايا أنا مش عندي خبرة في حوارات الستالايت ولما جيبت الريسيفر ده كنت فاكر أن كل الريسيفرات بتجيب النايل سات كويس !!!! مكنتش أعرف اللي فيها

وشكل المشكلة أصلاً حتطلع في ضبط الطبق فوق !!!! ومنه لله الفني اللي جيبته بتصل به بقوله الريسيفر ساعات بيقول نو سيجنال ومش بيجيب قنوات وبعد كده بتيجي ودلوقتي هو شغال راح قاللي مش هو دلوقتي شغال ؟ طيب أنا حعملك أيه؟ لما يقطع أبقى أتصل بي وأنت أمام التليفزيون ........... حسبي الله و نعم الوكيل في الناس ديه

معلش سؤال تاني::
لو حد يعرف فني كويس يا ريت يبعتلي رقمه وأسمه و أسم الشركة أو المحل - بس أنا في منطقة الهرم !!

ويا ريت لو حد تاني قرأ كلامي وعرف المشكلة فين يا ريت يقوللي ـ أنا متابع الموضوع ده هنا أول بأول

شكراً لكم

[tito2018]

طالما انك جربت رسيفر تانى اى نوع و وصلة تانية و المشكلة لسة موجودة يبقا عيب
ظبط طبق او سلك
و بخصوص الوصلة موصل سلكين بس عادى اصل الصوت له سلكين فمش هيفرق معاك
فى الصورة
و بخصوص انك تغير الجهاز علشان صينى يبقا معظم المصريين هيغيروا اجهزتهم
انا من رايى تعتمد على نفسك و تشوف واحد صاحبك وتاخد تليفزيون و رسيفر
و تطلع تظبط الطبق هو هتلاقية عايز يتحرك حركة بسيطة بس و شوف الاشارة