[شكرى المنياوى]

الجزائر سبقت مصر وعملت قناة بتذيع مباريات منتخبها وانديتها مجانا من غير وجع دماغ وقرف واطباق كبيرة واطباق صغيرة وفيدات وسى باند وكيو باند .فكروا صح عشان مصلحة شعبهم ومهمهمش لا قطر ولا بصل واحنا يامصريين اللى عندنا الحضاره والتاريخ والفراعنه . وعندنا رجال الاعمال زى ساويرس وابو العينين واحمد بهجت وابو هشيمه
.سما المصرى عملت قناة ومهمهاش الدوله ولا الحكومه .
مئات القنوات على النايلسات اللى ملهاش لازمه بنستفاد بيها فى ايه .
لو عملنا كده هل ده حرام لأ هل عيب لأ هل غير قانونى بردوا لأ.
نفسى اعرف مصر هتخسر ايه لوعملنا زى الجزائر ونخلى الشعب يتفرج على المباريات الانديه والمنتخب فى البيت .بدل ما كل واحد يروح يقعد على القهوه يصرفله اقل حاجه عشرين او تلاتين جنيه كل ماتش وهو بيته اولى بيهم .
# مصر على ابواب كاس العالم هل هنتفرج على منتخب مصر فى بيوتنا وبمعلق مصرى ونفتكر محمود بكر وهو بيعلق على ماتش مصر وهولندا ( عداله السماء نزلت على استاد بالرمو) .
والله ماهو اختراع ولا مستحيل.🙇🙇



مصرى محروق دمه من اللى بيشوفه

[موم ميدو1]

فنان والله ما اروعك واضم صوتى لصوتك

[جويد محمود]

اضم صوتى لصوتك

[السيد حامد]

اضم صوتى لصوتى اخى الغالى
ياريت والله

[احمد سعد]

ما ذكرتهم يسعون لجمع المال وليس خدمة للشعوب لكن مقترح حلو

[mgmg]

والله انت برنس من يومك ..... بضم صوتى لصوتك وياريت نصحى شوية من الغيبوبة العيشيين فيها قطاع الازاعة والتلفزيون . دول عملين يساعدو قطر تزل فينا حتى وقت اى متش داخل مصر يقطعو التعليق الازاعى من محطة الشباب والرياضة حاجة غريبة اوى ... انتم بتشتغلو لاصالح مين . دة حتى القناة التانية الارضية شلوها من على اكسبريس فى تلفزيون يعمل كدة فى شعبة بس كل شهر بياخدو مرتبات وحوافز اكتر من 100 مليون جنية ... انتم بتعملو اى لصالح الشعب عشان كدة . ياريت حد مسؤل يحاسب الناس دى . عشان احنا فاض بينا الكيل من التلفزيون المصر . ليشتغل لصالح الشعب لاما . الميعرفش يشتغل يسبها ويمشى احسن لية ولينا

[الامبراطور محمد]

هى دى مصر !!!!!

[احمد بهنس]

الله يرحمك يا فايز الزمر
لما المبارة اتخرت3دقائق بهدل مذيع القناة التانية
وكانو بيزيعو بطولة اوربا حينها
والان بيقلك بكرة تشوفو مصر
شوية حرمية على فسدين وهلو مجرة
لك الله يا شعب مصر

[عبدالسلام شعير]

لازم اضم صوتى لصوتك

[خواجه]

اضم صوتى لصوتك

[محمود فاروق]

اولا الف شكر لحضرتك انى بتفكر صح الدول العربية بتعمل اى حاجه علشان الشعب بتعها يتفرج على المنتخبات بتعتها لكن عندك النايل سات كله مفهوش ولا قناة بتزيع منتخبنا ولا انديتنا بيلعبه بره مصر ياريت يفكره شوية فى حل ومش مهم قطر ولا اى دوله تانية يلازم يعمله قناة زى دهوك او جوهرة العرب الى على الياه سات مهى ديه قناة جزائرية برضه اخنا بقى نعمل قناه على النايل سات مشفره بيس وبكده محدش يقدر يعمل معنا حاجه

[adhamelmasry]

اولا احييك اخى على ما قلته وكله كلام محترم جداااا
ثانيا انا عدى اقتراح نلغى كل قنوات التلفزيون المصرى ماعدا قناه واحده تكون شامله وباسم جديد مش زى الفضائيه المصريه اللى الواحد بيقرف يشوفها اصلا
يعنى الغى بقى قنوات النيل والتعليمى والهبل دة كله وبفلوسه
يتم انشاء قناة رياضيه مجانيه تذيع كل البطولات العالميه القاريه وبالاخص اللى بيشارك فيها فرق مصريه ونستقبلها ارضى بصوره محترمه لكل مصر وطز فى بين سبورت وقطر
طبعا يطلع حد يقولك وهيشترو البطولات ازاى
اقوله بسيطه وسهله قناه عليها كل البطولات دى وبتقدم بشكل مجانى ومحترم
هتلم اعلانات بالملايين وكمان الرعاه هيساهمو فيها بشكل كبير ولو عملو اى مسابقات من الهبله دى زى الست امينه هتلم فلوس كتيررررر
بس مين يسمع ومين ينفذ
معلهش طولت عليكم
واعتبرو انى مقولتش حاجه
والسلام عليكم

[ahmed ali01012]

انا مع راي حضرتك وقول للزمان ارجع يا زمان

[hassangared]

نفسى المسؤولين يتحركو احنا مش اقل من اى حد

[شكرى المنياوى]

المشاركة الأصلية كتبت بواسطة adhamelmasry

اولا احييك اخى على ما قلته وكله كلام محترم جداااا
ثانيا انا عدى اقتراح نلغى كل قنوات التلفزيون المصرى ماعدا قناه واحده تكون شامله وباسم جديد مش زى الفضائيه المصريه اللى الواحد بيقرف يشوفها اصلا
يعنى الغى بقى قنوات النيل والتعليمى والهبل دة كله وبفلوسه
يتم انشاء قناة رياضيه مجانيه تذيع كل البطولات العالميه القاريه وبالاخص اللى بيشارك فيها فرق مصريه ونستقبلها ارضى بصوره محترمه لكل مصر وطز فى بين سبورت وقطر
طبعا يطلع حد يقولك وهيشترو البطولات ازاى
اقوله بسيطه وسهله قناه عليها كل البطولات دى وبتقدم بشكل مجانى ومحترم
هتلم اعلانات بالملايين وكمان الرعاه هيساهمو فيها بشكل كبير ولو عملو اى مسابقات من الهبله دى زى الست امينه هتلم فلوس كتيررررر
بس مين يسمع ومين ينفذ
معلهش طولت عليكم
واعتبرو انى مقولتش حاجه
والسلام عليكم

كلام جميل بس المشكله

ان البى ان زفت
شاريه البطولات الافريقيه حتى 2026
شوفت الفساد على ايد عيسى حياتو وصل لحد فين