[zezo prince]

تجربتى مع تى داتا حتى الغاء الاشتراك الحمد لله
اولا انا مشترك فى شركة تى داتا او المصرية للاتصالات حاليا من عــام كامل
وكنت مجبر للاسف على الشركة ديه بعد تغيير الخط الارضى لفايبر قبلها كنت مع اورانج dsl وكانت الامور جيدة
المهم طول العام الخدمة سيئة بنسبة 70% مع تى داتا ع سرعة 1 ميجا غير محدود كل شوية الخدمة تفصل وممكن تفصل بالساعات خصوصا فى فترة الصيف وهكذا لحد الشهر اللى فات قولت اجرب نظام ميجا بلس ده باقة 200 جيجا
اشتركت بعد ما اتاكدت ان الخط بتاعى يستحمل السرعة كاملة فضلت اول 7 ايام السرعة 3 ميجا فقط بعد ما كلمت خدمة العملاء فى اليوم السابع من الاشتراك السرعة عليت 16 ميجا لكن لمدة 24 ساعة فقط لان اليوم التامن قلت السرعة ل 14 ثم 13 ثم 11 ثم الان بعد 21 يوم من الاشتراك السرعة بالظبط 6 ميجا فقط !!!
عملت شكوى طبعا فى اليوم السابع من الاشتراك او خدمة العملاء نفسها عملتلى لما علو السرعة عندى 16 وكانت الشكوى بخصوص عدم استقرار الخط مر حوالى 14 يوم كاملين ولا جديد يذكر فى الشكوى المقدمة اتصالات يوم والتانى الــــــــــــــخ ونفس الكلام بالنص ياريت تسيب الراوتر مفتوح ونصبر كام يوم او فى اي قطع او لحام ع السلك ؟ او فى فنى هينزل لحضرتك خلال يومين !
واشياء من هذا القبيل لحد مازهقت وقرفت بصراحة الشهر مر ومفيش اي حل للمشكلة ديه خالص خدت قرار انى الغى الخدمة نهائى وارجع شركة اورانج تانى
ديه تجربتى الشخصية مع تى داتا ونظام ميجا بلس بالتحديد وان الشركة ديه مشاكلها لازلت موجودة رغم اندماجها مع المصرية وشكرا

[م/محمدزيان]

طب حضرتك قعدت قد اية لحد ما كنسلو الخط
وانت رجعت تانى لاورنج والسرعة كام فى اورنج بالسعر لو سمحت

[adel513]

نفس المشكلة شركة زبالة بمعنى الكلمة
خطى ميجا بلس 16
واتصلت بالعملاء بيبعتوا فنى ولما يتاكد ان الخط والسلك سليم يرفعوا الخدمة
ل16ويروح وبعد ست ساعات ترجع تانى
وكررت شكوتى ويتم الحل وبعدها ترجع

[الحسام المنتصر]

الاخوه الافاضل كل الى عنده شكوى من تى داتا لا بد ان يتصل برقم 155 ويسجل شكوه
لان كثرة الشكاوى مطلوبة . حتى تتحرك الشركة لحلها .. وتقبلوا تحياتى

[zezo prince]

المشاركة الأصلية كتبت بواسطة م/محمدزيان

طب حضرتك قعدت قد اية لحد ما كنسلو الخط
وانت رجعت تانى لاورنج والسرعة كام فى اورنج بالسعر لو سمحت

انا لسه مكنسل امبارح وقالو ان الموضوع بياخد 5 ايام
اما اورانج فانا رجعت لاورانج من فترة قبل ميجا بلس كمان فقولت اجرب ميجا بلس يمكن يكون احسن التركيب خد 3 اسابيع وساعتها كان فى عرض اسمه احسن سعر عملت سرعة 4 ميجا غير محدودة ب 250 جنية اللى موجود حاليا فى اورانج باقات اسمها home dsl سعرها جيد لكنها كلها باقات بجيجات معينة

[zezo prince]

المشاركة الأصلية كتبت بواسطة adel513

نفس المشكلة شركة زبالة بمعنى الكلمة
خطى ميجا بلس 16
واتصلت بالعملاء بيبعتوا فنى ولما يتاكد ان الخط والسلك سليم يرفعوا الخدمة
ل16ويروح وبعد ست ساعات ترجع تانى
وكررت شكوتى ويتم الحل وبعدها ترجع

نظام ميجا بلس ده يعتبر افشل حاجة عملتها الشركة
اولا مفيش اي حد بيوصلو السرعة كاملة بجانب عدم ثبات السرعة هتلاقى ناس كل يوم سرعة شكل
ثانيا سحب الجيجات بيكون عالى جدا يعنى لو شخص واحد وشغال ع النت كتير 10 ساعات مثلا فى اليوم تحميلات وتصفح ويوتيوب وواي فاى طبعا هتلاقى نفسك سحبت فى اليوم الواحد مش اقل من 5 جيجا او 6 جيجا كمان ده لو انت لوحدك يعنى لو عامل باقة 100 جيجا هتلاقيها خلصت بعد 15 يوم
ثالثا واخيرا اسعار الباقات عالية جدا باقة 100 جيجا فقط ب 182 جينة !
اما ال 200 جيجا انا دفعت الشهر 300 جنية فى السنترال رغم انها المفروض 296 !
الفكرة كلها فاشلة جدا

[zezo prince]

المشاركة الأصلية كتبت بواسطة الحسام المنتصر

الاخوه الافاضل كل الى عنده شكوى من تى داتا لا بد ان يتصل برقم 155 ويسجل شكوه
لان كثرة الشكاوى مطلوبة . حتى تتحرك الشركة لحلها .. وتقبلوا تحياتى

للاسف مضيعة للوقت ومش هتوصل لحل

[cabo]

ماانت عشان تتصل ب155 وتسجل شكوى لازم تكون مسجل مع الشركة شكوى من عطل وتقريبا يكون مر عليه 24 او 48 ساعة وميكونش اتحل وتكون واخد منهم رقم البلاغ عشان تديه لرقم155 لما تتصل بهم
على فكرة الموضوع دة كتير اى نوع من انواع السرعة عند تى إى داتا واعتقد ان الشكاوى دى موجودة فى الشركات كلها فى الكام سنة الاخرانيين لانى قرأت خبر من كام يوم كانوا النواب فيه بيتكلموا ان خدمة النت رديئة وبيفصل كتير وفيه خطة لرفع كفاءته على بداية السنة الجديدة وكدة وحد ادنى للسرعات 4 ميجا
معرفش مدى صحة الكلام دة يعنى هينفذوه ولا هيكون كلام اونطة