[Ahmed_asaad]

السلام عليكم
بما انى نويت ان شاء الله اجيب طبق ٢٤٠برفكس مستعمل كنت عاوز اعرف حجمة بالضبط عشان خايف منة وهل يدخل من باب الشقة ولا لا و يطلع ازاى فوق السطح بالحبال مثلا طيب مهو هيتجرح ويتلف من الحكة فى العمارة ولازم اخزنة طبعا فترة لغاية ما القاعدة تنشف فهل يدخل من الباب ولا لا منظر ردود خبرائنا الاعزاء

[م /احمد جمال]

قيس قطر طبق وقيس قطر الباب وشوفي فرق وطبق لٱ يقل عن215ولا يزيد عن 220
ولاحسن يطلع بحبل متين

[Ahmed_asaad]

اولا الف شكر على الرد
يعنى ال ظ¢ظ¤ظ- برفكس مش بيبقى ظ¢ظ¤ظ- بالضبط بيبقى ظ¢ظ¢ظ- اخرة دة الى عرفت افهمة؟
طيب لما اطلعة بالحبل هيحك فى العمارة اية الحل؟

[الحاج شريف]

المشاركة الأصلية كتبت بواسطة Ahmed_asaad

السلام عليكم
بما انى نويت ان شاء الله اجيب طبق ٢٤٠برفكس مستعمل كنت عاوز اعرف حجمة بالضبط عشان خايف منة وهل يدخل من باب الشقة ولا لا و يطلع ازاى فوق السطح بالحبال مثلا طيب مهو هيتجرح ويتلف من الحكة فى العمارة ولازم اخزنة طبعا فترة لغاية ما القاعدة تنشف فهل يدخل من الباب ولا لا منظر ردود خبرائنا الاعزاء

حلة الطبق 240 لا تدخل عادة من باب الشقه العادى
هناك تحضيرات لنقل الطبق ورفعه للسطح يجب مراعاتها
أولا فك البولار وأذرع الطبق وترك كل مسمار مربوط مكانه حتى لا تفقد المسامير
لو فيه زرجنه فى الفك إستعمل مزيل صدأ زى WD40 أو زيت فرامل وجاز كما يفعل البعض
ثانيا أربط الحله على صليبه خشب بالحبال حتى لا تفتل منك أثناء النقل والرفع (خشب خفيف زى خشب الصناديق المهم إستقامته )
ثالثا أمن على الحله أثناء النقل حتى لا تتخبط منك ويفضل نقلها على فرنتونه نص نقل
رابعا يمكن رفع الحله للسطح بواسطة فردين قصاد بعض إذا كان السلم واسع كفايه وله بسطات وهذا أفضل
أو رفعها للسطح بواسطه حبلين حبل للرفع أثقل من حبل الغسيل أو حبل غسيل جديد مجوز ويشبك من أعلى ، وحبل من أسفل ( حواش) يستخدم لإبعاد الحله عن جانب العماره
الفرد الذى سيسحب من أعلى يفضل أن يكون متوسط القوه غير متهور ، ويمكن فردين لو أمكن ، أما صاحب الحواش فهو الذى سيوجه طريق الصعود
ولا يفضل الرفع من واجهة البلكونات حيث يصعب إبعاد حلة الطبق عنها

هذه إحترازات عامه والله أعلم
تحياتى أستاذ أحمد وتمنياتى بالتوفيق

[م /احمد جمال]

ارجو مسح مشاركه السابقه
الاستاذ شريف جابلك من الاخر
الطبق المصري قطره خارجي في حدود 230 ويعتبر صعب دخوله
من مدخل بيت والاحسن طلوعه من الخارج بحبل
حسابي في المشاركه سابقه كان علي قطره داخلي ودا سهو مني الاهم قطر طبق كامل

[Ahmed_asaad]

المشاركة الأصلية كتبت بواسطة asharif

حلة الطبق 240 لا تدخل عادة من باب الشقه العادى
هناك تحضيرات لنقل الطبق ورفعه للسطح يجب مراعاتها
أولا فك البولار وأذرع الطبق وترك كل مسمار مربوط مكانه حتى لا تفقد المسامير
لو فيه زرجنه فى الفك إستعمل مزيل صدأ زى WD40 أو زيت فرامل وجاز كما يفعل البعض
ثانيا أربط الحله على صليبه خشب بالحبال حتى لا تفتل منك أثناء النقل والرفع (خشب خفيف زى خشب الصناديق المهم إستقامته )
ثالثا أمن على الحله أثناء النقل حتى لا تتخبط منك ويفضل نقلها على فرنتونه نص نقل
رابعا يمكن رفع الحله للسطح بواسطة فردين قصاد بعض إذا كان السلم واسع كفايه وله بسطات وهذا أفضل
أو رفعها للسطح بواسطه حبلين حبل للرفع أثقل من حبل الغسيل أو حبل غسيل جديد مجوز ويشبك من أعلى ، وحبل من أسفل ( حواش) يستخدم لإبعاد الحله عن جانب العماره
الفرد الذى سيسحب من أعلى يفضل أن يكون متوسط القوه غير متهور ، ويمكن فردين لو أمكن ، أما صاحب الحواش فهو الذى سيوجه طريق الصعود
ولا يفضل الرفع من واجهة البلكونات حيث يصعب إبعاد حلة الطبق عنها

هذه إحترازات عامه والله أعلم
تحياتى أستاذ أحمد وتمنياتى بالتوفيق

الف شكر لحضرتك
بس انا كان ليا سؤال انا واصحابى الى هنطلعة ان شاء الله اعمل ازاى الحواش دة لان السلم عندى واسع جدا وكل حاجة بس اخرة عند السطح باب شقة وحضرتك بتقولى مش هيخش فانا عاوز طريقة الحبل الحواش

[م /احمد جمال]

هتربط حبلين او حلل لسحب الي اعلي وشخص من تحت ماسك حبل مربوط مربوط من الطبق من تحت كل ما طبق يقرب علي اي حاجه هيخبط فيها وهوطالع الراجل اللي تحت يحاول يحوش طبق بحبل اللي في ايده زي رفع العفش بالضبط

[الحاج شريف]

المشاركة الأصلية كتبت بواسطة Ahmed_asaad

الف شكر لحضرتك
بس انا كان ليا سؤال انا واصحابى الى هنطلعة ان شاء الله اعمل ازاى الحواش دة لان السلم عندى واسع جدا وكل حاجة بس اخرة عند السطح باب شقة وحضرتك بتقولى مش هيخش فانا عاوز طريقة الحبل الحواش

ربنا يوفقكوا إن شاء الله ، ده كروكى للحواش أرجو أن يكون واضحا

[Ahmed_asaad]

المشاركة الأصلية كتبت بواسطة asharif

ربنا يوفقكوا إن شاء الله ، ده كروكى للحواش أرجو أن يكون واضحا

الله ينور علي حضرتك يا استاذنا
الف شكر ربنا يستر ومقعش من السطح
كنت عاوز بس طريقة ربط الحبل بالتفصيل