[mido_912]

ياجماعة انا في حاجة مش فاهمها ، أنا دلوقتي لما أعمل ابديت أعمل أبديت للرسيفر ولا للدونجل؟؟؟
انا الرسيفر بتاعي كيوماكس 999
والدونجل باركليبس الأسود الصغير ف1

لحد دلوقتي الرسيفر مش مشغال غير قنوات النايل سات بس ، واليوتلسات جايب إشارة لحد 73%، وللعلم أنا عايش في الرياض في السعودية ، بس اشتريت الجهاز من مصر.

ياريت حد يفيدني علشان انا زهقت خلاص
مش فاهم حاجة والكلمات اللي بتسعملوها صعبة خالص، إيه رأيكم تعملو قاموس لكلمات الرسيفرات ههههههههههه

[عادل قنديل]

اخى ممكن توضح نوع الدونجل ال عندك هل هو متحول بدون تعديل هارد وير اوبتعديل الكلام واضح اهوه واوضح شويه شاشه الريسيفر الباراكلبس عليها 4 اصفار ولا نقطتين خضر كلام مصرى وبالبلدى خلص اهوه ماشى ههههههه

[mido_912]

المشاركة الأصلية كتبت بواسطة عادل قنديل

اخى ممكن توضح نوع الدونجل ال عندك هل هو متحول بدون تعديل هارد وير اوبتعديل الكلام واضح اهوه واوضح شويه شاشه الريسيفر الباراكلبس عليها 4 اصفار ولا نقطتين خضر كلام مصرى وبالبلدى خلص اهوه ماشى ههههههه

حبيبي والله
كده أنا فهمت،
بص ياسيدي الباركليبس منور نقطة حمرا بس، ومش بيشتغل أكتر من كده، لأنه ميت على حسب كلام الراجل اللي اشتريته منه

[عادل قنديل]

لما هو ميت اشتريته ليه انت كده لازم تروح لفنى متخصص عشان لوكان فلاشه جديده ها يديله سوفت جديد ويشتغل ولو كان فلاشه قديمه هايعدله ريسيفر ويديله سوفت دونجل بدون تعديل وهايشتغل انشاء الله وكل عام وحضرتك بخير

[احمد محمد]

### بارك الله فيك يااستاذ\ عادل ###

[mido_912]

[QUOTE=عادل قنديل;1609996]لما هو ميت اشتريته ليه انت كده لازم تروح لفنى متخصص عشان لوكان فلاشه جديده ها يديله سوفت جديد ويشتغل ولو كان فلاشه قديمه هايعدله ريسيفر ويديله سوفت دونجل بدون تعديل وهايشتغل انشاء الله وكل عام وحضرتك بخير[/QUOT]


ههههههههه لأ ياعمي انت فهمتني غلط ، أنا مقصدش ميت يعني مش شغال، أنا أقصد إنه مش بيشتغل (الراجل قالي تحط فيه الكبل بتاع طبق اليوتلسات) وتوصله بالكهربا وبس خلاص.

إنما انا لو حطيت فيه الكبل بتاع الصوت والصورة بتطلعي شاشة سودا وعليها سريال وتاريخ صلاحية لحد 2012 كمان.

طمني والنبي يادكتور

[russia199]

المشاركة الأصلية كتبت بواسطة mido_912

QUOTE=]


ههههههههه لأ ياعمي انت فهمتني غلط ، أنا مقصدش ميت يعني مش شغال، أنا أقصد إنه مش بيشتغل (الراجل قالي تحط فيه الكبل بتاع طبق اليوتلسات) وتوصله بالكهربا وبس خلاص.

إنما انا لو حطيت فيه الكبل بتاع الصوت والصورة بتطلعي شاشة سودا وعليها سريال وتاريخ صلاحية لحد 2012 كمان.

طمني والنبي يادكتور

حمدلله على السلامة أستاذ \ mido_912
أولا يا غالى يجب الذهاب بالدونجل إلى مركز صيانه
حتى يتم الرجوع ( الدونجل ) إلى رسيفر مرة أخرى
وتتأكد أنه رسيفر ويعمل تمام ثم أعطائه أخر سوفت
للدونجل ( بدون تعديل فى الهارد وير )
وبكدا يشتغل معاك تمام
تقبل أرق تحياتى يا غالى

[mido_912]

المشاركة الأصلية كتبت بواسطة russia199

حمدلله على السلامة أستاذ \ mido_912
أولا يا غالى يجب الذهاب بالدونجل إلى مركز صيانه
حتى يتم الرجوع ( الدونجل ) إلى رسيفر مرة أخرى
وتتأكد أنه رسيفر ويعمل تمام ثم أعطائه أخر سوفت
للدونجل ( بدون تعديل فى الهارد وير )
وبكدا يشتغل معاك تمام
تقبل أرق تحياتى يا غالى

اوببببببببببببااااااااااااا

ليه كده بس؟؟؟؟؟؟ على فكرة هو بيتشغل لمبة حمرا ، انا مستحيل أوديه مركز صيانة لأن مفيش مراكز صيانة هنا في السعودية ـ أساساً محدش يعرف الحركة دي خالص هنا,

على فكرة انا كنت مستنيك من بدري لأني عارف انك انت اللي هتساعدني في الموضوع ده.
معلش انا بس عايز أعرف انت ليه بتقول إني أوديه مركز صيانة ويعمله رسيفر عادي؟ انا لما قلت ميت كان قصدي إن مش بشغله، أنا شغال على الرسيفر الكيوماكس هو اللي بيجيب القنوات.
الراجل اللي اشتريته منه قالي إنك مش هتستعمله في حاجة غير انك هتوصل كابل اليوتلسات عليه.

طمني متخضنيش كده

[mido_912]

على فكرة الراجل كمان قالي انه حاطط كريستاله جو الجهاز

[russia199]

يا أستاذ \ mido_912

أنا بقولك لازم تذهب لمركز صيانة علشان يرجع الدونجل إلى رسيفر عادى ويجيب قنوات عليه كمان
وبعدين تحمل له سوفت دونجل على طول من غير تعديل فى الرسيفر
وهو سوف يصبح دونجل بالطريقة دى
وعلى فكرة أنا بقولك الكلام ده علشان الأجهزة القديمة للدونجل تم وقف الدونجل عليها ولازم ترجع الأول إلى رسيفر ثم تتحول بسوفت وير فقط إلى دونجل مرة أخرى

[mido_912]

يااااااااااربيييييييييييييييي
على حظي
طيب تقدر تعمل فيا معروف وتقلي اعمل القصة دي إزاي؟؟

[esshak]

شوف ياباشا الاول وخليك معاى للاخر ممكن تكتب سيريال الدونجل الورقه اللى فى ظهر الريسيفر

[mido_912]

انت قصدك الدونجل صح؟
السريال:
100928paraclips05988

[esshak]

مظبوط
وافرح بسيطه جدااا وهيشتغل باذن الله
شوف ياباشا هتدخل على مشاركه حكيم وهتسيريل الفلاشه وبعدين تنزل سوفت جديد وهيشتغل

http://www.masrawysat.com/vb/showthread.php?t=261669

[esshak]

المهم عندك ريموت هيروشيما عاشان تكتب السيريال