[اشرف حمودة]

بسم الله الرحمن الرحيم
كل التحية والتقدير لكل مصراوى بهذا الصرح العظيم
فالكم منا جزيل الشكر والتقدير
طلب من خبراء مصراوى ورجاء الافاده السريعه جدا
اولا بالمرفقات وده بعد اذنكم مشرفين المنتدى سوفتين الاول هو اللى هشغله لجهازى
والتانى هناخد منه بس قوائم تشغيل الريموت للسوفت الاول علشان الاول مش شغال بالريموت بس شغال على جهازى تمام فاضل بس قوائم الريموت عليه
فارجو المساعده على ذالك ولكم جزيل الشكر

[el_feel]

اولا موضوعك ناقص معلومات عن الريسيفر ايه نوعه ونوع المعالج وايه سبب التحويل والسوفتين متشابهين اي لنفس النوع والا ريسيفرين مختلفين


ثانيا: من الاخر مفيش حد هيقدر يلعبلك في السوفت ويركب ريموت علي ريموت عشان الحماية لسه مش معروفة كبيره يغيرك ايدي الجهاز عشان تدي السوفت بالفلاشة بدل اللودر

[اشرف حمودة]

ا

لجهازين نفس المعالج
sun plus 1506g

[اشرف حمودة]

هو فى ايه يامصراويا هو اللى يرود يرود بس علشان يطلع فينا غلط وخلاص بالرغم ان مفيش صعوبه يعنى فى كلامى مش حاجه صعبه يعنى ده انا مفسر كلا حاجه كويس جدا مش حاجه صعبه يعنى على فنى محترم يقدر يعدل على السوفت هياخد قوائم ريموت ده يحطه فى ده انم هنقعد ندور ايه الغلط فى الكلام وانا غلطان فى انى مقولتش هو معالج ايه طيب ماهو انا رديت وقولت اهو معالج صن بلص اقول ايه تانى ارجو ان اللى يرود على الموضوع يكون فاهم ويقدر يعدل مش ملوخيه هيا وكل واحد يقول كلمه ويدور يطلع غلط فى ايه وخلاص وشكرا

[el_feel]

اولا مفيش حد غلط فيك...لو حضرتك تعرف التحويلات وشغال في الريسيفرات ويعني ايه معالج صن بلس كنت عرفت وفهمت ردي

لغاية دلوقني لسه مفيش كسر حماية للكود بتاعه وانا لما قولت لحضرتك من الاخر
قصدي عشان لو لفيت كل المنتديات العربية والاجنبية مفيش حد هيرد عليك


ولو انت شايف الموضوع سهل ومش ملوخية كان حد رد عليك لكن للاسف
مفيش حد عيقدر يديك اجابة

اخي الكريم الرجاء الاتزام باداب الحوار واتمني تحسين اسلوبك في الرد
وسوف اكتفي للفت نظرك لذالك

[اشرف حمودة]

شكرا لحضرتك واخلاق حضرتك واسف لو كلامى زعلك بس هو الجهاز اصلا الاتايجر متعدل قبل كدا وشغال بريموت هيروشيما يعنى انا اقصد ان الموضوع مش صعب اللى شغلو بريموت الهيروشيما يقدر يشغلو بردو بريموت الجهاز التانى اللى انا رافع السوفت بتاعه

[el_feel]

حصل خير بس هو اوالا الريموت مش متعدل ولكن السوفت الاساسي بتاعه شغال بريموت الهيروشيما او بمعني ادق ريموت التايجر الاسود شبيه الهيروشيما فعشان كده شغال بريموت الهيروشيما
واي سوفت تاني شغال بريموت واحد بتاع الصن بلس اللي فيه فايف

فالنصيحة يا اما تفضل شغال بالسوفت اللي معاك والريموت شغال

يا اما تجيب ريموت جديد ومتوفر في جميع المحلات وتحول زي ما انت عاوز

او لو لديك ريموت متعدد بردو شغال عليه

لكن تركيب ريموت علي ريموت للصن بلس
حاليا غير متاح

[اشرف حمودة]

الف شكر لحضرتك ولتوضيح واسف مره تانيه ليك وكل عام وانتم بخير