مشكلة فى خط النت بيعمل disconnect

mohmed3000 · #1 2018/02/14, 06:18 PM

السلام عليكم
انا مشترك فى خدمة dsl بسرعة 2 ميجا فى شركة tedata
النت فية مشكلة كبيرة انة بيعمل disconnect
لمبة الراوتر بتفضل شغالة ولمبة ال adsl و internet بيفصلوا
النهاردة عمل كدة اكتر من 20 مرة
وانا بكتب البوست دة عمل كدة مرتين
المهم كلمت المصرية للاتصالات قالولى وصل للفيشة الرئيسية
انا عندى 3 فيش تليفون
قدمت شكوى وجاء الفنى وشاف الاسلاك قالى كل حاجة عندك سليمة يبقى المشكلة فى الكابينة او السنترال
استنيت كام يوم والمشكلة مستمرة برضة
وكلمتهم بعتولى فنى تانى كان مستعجل مبصش على حاجة وقالى علشان انت عامل كذا فيشة تليفون
المشكلة دلوقتى ان النت عمال يفصل يمكن كل دقيقة وحاجة تقرف
والمفروض الخط فايبر ويستحمل لحد 17 ميجا
هل حد منكم واجة المشكلة دى ؟ وتنصحونى اعمل اية ؟ وهل الطبيعى انة يكون فى الشقة فيشة تليفون واحدة بس؟

mnmn1979 · #2 2018/02/14, 08:06 PM

انا حصلت و ماتزال تحصل عندى نفس مشكلتك دى و كلمت شركة النت كتير ..
و الردود كلها اعمل ريستارت للراوتر او وصل ع الفيشه الاساسية مباشرة و كلام كله اى كلام و لغايه دلوقتى النتيجه واحده ..
انا كده ع فكرة من شهر 8 اللى فات ع فكرة ..
لو حد عنده حل يارييييييت

SSGH_555 · #3 2018/02/14, 09:09 PM

في تجارب بتحصل دلوقتي وتعديلات في السيستم - لان المفروض من بكرة في عرض هينزل زي ميجا بلس كدة بس السرعة هتبقي اعلي

mohamed_egy · #4 2018/02/14, 10:14 PM

عندى نفس المشكله بقالى اسبوع فى الشرقيه

mohmed3000 · #5 2018/02/17, 12:03 PM

اقتباس:

المشاركة الأصلية كتبت بواسطة mnmn1979

انا حصلت و ماتزال تحصل عندى نفس مشكلتك دى و كلمت شركة النت كتير ..
و الردود كلها اعمل ريستارت للراوتر او وصل ع الفيشه الاساسية مباشرة و كلام كله اى كلام و لغايه دلوقتى النتيجه واحده ..
انا كده ع فكرة من شهر 8 اللى فات ع فكرة ..
لو حد عنده حل يارييييييت

انا عندى من حوالى شهريين والفنى شاف الاسلاك لقاها جديدة كلها وقالى يبقى المشكلة من الكابينة او السنترال وكل شوية اكلم خدمة العملاء واهزقهم
بس المشكلة لسة مستمرة بيعمل ديسكونكت كتير كل يوم مع ان السرعة وصلالى كاملة

mohmed3000 · #6 2018/02/17, 12:04 PM

اقتباس:

المشاركة الأصلية كتبت بواسطة SSGH_555

في تجارب بتحصل دلوقتي وتعديلات في السيستم - لان المفروض من بكرة في عرض هينزل زي ميجا بلس كدة بس السرعة هتبقي اعلي

هما قالوا كلام كتير محصلش والوزير نفسة قال ان اقل سرعة فى مصر هتبقى 8 ميجا فى نهاية 2017 ومفيش حاجة حصلت اساسا كله كلام

mohmed3000 · #7 2018/02/18, 01:49 PM

مفيش حد من خبراء النت هنا يقدر يساعد ويقولنا اية سبب المشكلة دى ؟

totokar · #8 2018/02/19, 08:39 AM

الحل الوحيد ان تصل الى المدخل الرئيس الداخل الى الشقة وتأخد خط التليفون القادم من البوكس وتقوم بتوصيله فى الاسبليتر ثم تأخذ من التجاه الاخر فرع للروتر والفرع الأخر للبواط الموصل للشقة وبكده يبقى الروتر تم توصيله بشكر رئيسى وفى نفس الوقت تركنا لك فيش الشقة الثلاث كما هما . ارجو أن أكون قدمت معلومه جديدة .

حمادة السمكة · #9 2018/02/19, 05:01 PM

لعلم حضرتك انا مش مركب فيش وواخد الخط مباشرمن البوكس للروترمباشر مع العلم غيرت سلك التليفون من البوكس الى الروتر وكمان غيرت الروتر ومازلت أعانى من نفس المشكلة دول ناس للاسف كل همهم الفلوس وبس حسبنا الله ونعم الوكيل

nor002 · #10 2018/02/21, 03:00 AM

وعندى نفس المشكله من شهر 8/2017 لا يوجديد كل الشركة نصب لزم كل شهراكلامهم و قول المشكله من السلك فى لحيم و عملت السلك من الكابينة الى الروتر و نفس المشكله

احمد بوب2010 · #11 2018/02/24, 12:43 AM

وانا كمان عندي نفسي المشكلة يوم 30/6/2017 لغاية معا خلاص شركة تي دي داتا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ريسفرJOCKER999محتاج ملف قنوات وان كان بيعمل علي النت	v i p	ريسيفرات المعالج جى اكس ( GX 6605/6605s HD )	3	2016/10/21 10:46 AM
مشكلة ******* disconnect [0]	farrage	كيوماكس 999 HD ( V1, V2, V2.2, V3 )	2	2013/10/05 06:13 PM
مشكلة عدم ظهور صفحة النت في المتصفح اكس بلور وظهورها علي النت كت ارجو الافادة	krespo	المايكـــروتيـــك	1	2013/07/29 05:42 AM
***** 17 و40 disconnect	looka2008	كيوماكس 999 HD ( V1, V2, V2.2, V3 )	1	2010/08/12 11:36 PM