[pero2009]

انا جبت دايزك 8 مخارج - ماهى الاقمار الممكنه اللى تتركب فى اسيوط على هذا الدايزك (حد اقصى ثلاث اطباق متر )

[starsoft]

1- Nilesat
2- Amos
3- Bulgariasat

4- Hotbird
5- Eutelsat 16
6- Astra 19.2
7- Astra 23
8- Badr

التركيبة 1-2-3 طبق لوحده هاتخلي البلغاري سنتر وأموس ونايل سات مسطره علي يمينك وانتا خلف الطبق وهاتشيل كفر العدسة بتاعة أموس والثلاث عدسات متلاصقين تماما مع بعض

والتركيبة من 4-8 طبق لوحده سنتر الطبق استرا 19

دي أقصي استفادة من عدد الأقمار اللي ممكن تركبها وأهما بالنسبة للشيرنج وعدد القنوات

[gamsdh]

تمن كل العدسات دي ممكن تجيب متور لطبق 120

[starsoft]

خلي عندك صبر شويه في استرا 23 في الضبط وحاول الحصول علي طبق 120 لاستقبال الأقمار بإشارات عاليه ومستقره

[starsoft]

وبالنسبة للتركيبة الأولي
تابع الموضوع التالي

http://www.masrawysat.com/vb/showthread.php?t=2757009

[starsoft]

مع العلم انه يمكن تركيب جميع الأقمار السابقة علي طبق واحد 120 سم ولكن تتطلب مجهود كبير وحرفيه كبيره في التركيب وانت ذكرت ان عندك 3 أطباق اقترحت عليك التركيب علي عدد طبقين فقط

[pero2009]

الف شكر ....طيب ممكن اركب طبق تالت لو عندى جهاز كيوماكس h7يكون فيه القمر هيلاس سات و ياه سات علشان القنوات الايرانيه و لا ده صعب على اساس بيقولوا ان جهاز كيوماكس فيه 2 تيونر؟؟؟؟؟

[pero2009]

اخي الكريم gamsdh الموضوع مش موتور الموضوع الطبق الثابت اكبر ميزه انك بتعمل قائمه المفضله كلها قنوات مثلا رياضيه لكل الاقمار دون الرجوع للموتور و تتحرك شرق و غرب و بعدين كل شويه تجيب حد يعيد ضبط الموتور قصه كبيره

[starsoft]

المشاركة الأصلية كتبت بواسطة pero2009

الف شكر ....طيب ممكن اركب طبق تالت لو عندى جهاز كيوماكس h7يكون فيه القمر هيلاس سات و ياه سات علشان القنوات الايرانيه و لا ده صعب على اساس بيقولوا ان جهاز كيوماكس فيه 2 تيونر؟؟؟؟؟

العفو ياغالي
بالنسبة للتركيبة الشرقيه تابع الموضوع التالي للأخ الفاضل أ.أسامه حامد

http://www.masrawysat.com/vb/showthread.php?t=2373588

[starsoft]

شوف ايه الأقمار اللي انتا عاوزها أو مهمه بالنسبة لك من هذه التركيبة

[pero2009]

تسلم يا غالي و ياريتك كنت فى اسيوط علشان فى أسيوط فى مشكله معظم الفنيين كلهم كلام واحد مايعرفوش اكتر من نايل و اوربى و عربسات مش اكتر

[باسم البوب1]

المشاركة الأصلية كتبت بواسطة pero2009

تسلم يا غالي و ياريتك كنت فى اسيوط علشان فى أسيوط فى مشكله معظم الفنيين كلهم كلام واحد مايعرفوش اكتر من نايل و اوربى و عربسات مش اكتر

يا كبير اسيوط فيها فنيين عمالقة

[starsoft]

المشاركة الأصلية كتبت بواسطة pero2009

تسلم يا غالي و ياريتك كنت فى اسيوط علشان فى أسيوط فى مشكله معظم الفنيين كلهم كلام واحد مايعرفوش اكتر من نايل و اوربى و عربسات مش اكتر

متشكر جدا أخي الكريم علي كلامك
هاديلك شوية نصائح بسيطة

حاول تركب بنفسك علشان تقدر تتعلم لنفسك لأن الظروف المناخيه متقلبه ممكن تغير ضبط الأطباق في أي وقت ومش كل شويه تبعت تجيب فني هاتبقا مكلفه عليك جدا

كانت زمان مهنة بالنسبة لي وللكثيرين ولكن مع الوقت وزيادة عدد القنوات علي النايل سات وتنوعها وقلة الأطباق المتحركة الكبيرة وكثرة الأطباق الثابتة أصبحت مهنة الجميع

التركيب سهل جدا مش صعب بس محتاج وقت وصبر وتكون علي درايه بمواقع الأقمار وتركيب العدسات علي مساطر

التركيبة السابقة ركبتها علي طبق 240 كانت متعبة جدا لكبر حجم الطبق والوقوف علي سلم كبير ولما ركبتها علي طبق ثابت كانت أسرع وأسهل بكتير جدا

الخلاصة حاول بنفسك مش هاتخسر حاجه لحد ماتجيب اخرك في الضبط وان وقف أمامك حاجه اسأل هنا في هذا الصرح العظيم ماحدش بيبخل بمعلومه يعرفها والجميع يتسابقون من اجل ايصال معلومه لشخص محتاج إليها

[pero2009]

تسلم يا كبير على المتابعه انابقول على فكره معظم الفيين مش كلهم ...بس صدقنى انالو لقيت حد كنت كلمته وماتعتبكوش معايا .....بس سؤال تاني ممكناركب على الدايزك 8 دايزك تاني 4 فى ناس قالتلى ينفع علشان الدايزك 8 ده 1.1 والدايزك4 1.0 فاينفع ...لكن راي تاني بيقولي بلاش تشتت الرسيفر والتيونر ممكن يتعب و ناس تالته بتقول الرسيفر كيوماكس إتش 7 فيه 2 تيونر ممكنتركب اقمار تانيه .....ايه رأيكم علشان انتماوسع خبره فى المجال ده و لكم جزيل الشكر

[starsoft]

يفضل رسيفر 2 تيونر أفضل وتقدر توصل عليه دايزك تاني 8 مخارج إذا كان متاح أمامك واحد اخر أو 4 مخارج وأعتقد ده كفايه جدا
أنا عن نفسي والحمد لله عندي 3 دايزك 8 مخارج