[pamfic_drl]

السلام عليكم ورحمة الله
بأختصار يا جماعه انا معايا عدسة ليك ريسفر اشتريتها عشان اتعلم فيها فعاوز اعرف طريقة تعديل ليد عدسة اي ريسفر اتش دي الميني وياريت لو فيه مخطط او صور فيها شرح
الاطراف اللي عندي 5 واسمائهم كالتالي : ir / c / g / d / v
واكون شاكر ليكم جدا

[WALID85AYA]

لا يوجد مخطط واحد يشمل جميع الاجهزة
ولكن الفكرة بكل بساطة
الطرف ال G ، هذا يقابله علي بوردة الريسفر الارضي، يعني اتصاله بأي نقطة ارضي في الريسفر ، ويمكنك تحديد الارضي بالافوميتر علي وضع الصفارة
وبالنسبة لـ Vcc هو خط التغذية 5 فولت او 3 حسب تغذية الريسفرة
وده طبعا بتحدده ايضا بالافو علي وضع DC
يتبقي لنا 3 اطراف ، بالنسبة للطرف IR هنقوم باتصاله مباشر لأي نقطة من النقاط الثلاث المتبقية ونشغل الريسفر بعدها ونجرب الريموت إن لم يعمل جرب النقطة الثانية ثم الثالثة ، لحين الحصول علي اشارة الريموت
ويتبقي لك طرفان dat-clk بنوصلهم علي الطرفين حتي نحصل علي اضاءة شاشة العدسة ، وجدت الاضاءة بها مشاكل قم بعكس الطرفين وبكده تكون قد انتهيت من التعديل
ارجو ان اكون قد وفقت ووصلتك المعلومة

[مجدى ابوعطا]

استاذ كبير الله ينور عليك

[zekoo2003]

الله ينور عليك

[pamfic_drl]

الشرح ده انا شوفته قبل كده ومفهمتش حاجه واتمني من حضرتك يكون فيه صور بتشرح ده

[عمر شهوانى]

ده تعديل حيسهل عليك فهم كلام الاستاذ وليد
http://www.masrawysat.com/vb/showthread.php?t=2870929

[تامر مسعد]

اكتب اسم الجهاز ورقمه

وايضا رقم البورده

لسهوله تقديم المساعدة

[samir fathy]

المشاركة الأصلية كتبت بواسطة WALID85AYA

لا يوجد مخطط واحد يشمل جميع الاجهزة
ولكن الفكرة بكل بساطة
الطرف ال G ، هذا يقابله علي بوردة الريسفر الارضي، يعني اتصاله بأي نقطة ارضي في الريسفر ، ويمكنك تحديد الارضي بالافوميتر علي وضع الصفارة
وبالنسبة لـ Vcc هو خط التغذية 5 فولت او 3 حسب تغذية الريسفرة
وده طبعا بتحدده ايضا بالافو علي وضع DC
يتبقي لنا 3 اطراف ، بالنسبة للطرف IR هنقوم باتصاله مباشر لأي نقطة من النقاط الثلاث المتبقية ونشغل الريسفر بعدها ونجرب الريموت إن لم يعمل جرب النقطة الثانية ثم الثالثة ، لحين الحصول علي اشارة الريموت
ويتبقي لك طرفان dat-clk بنوصلهم علي الطرفين حتي نحصل علي اضاءة شاشة العدسة ، وجدت الاضاءة بها مشاكل قم بعكس الطرفين وبكده تكون قد انتهيت من التعديل
ارجو ان اكون قد وفقت ووصلتك المعلومة

مش بقولك إنته كبير وعلشان خطرى سيب لنا شويه
المنتدى فيه بقى فيه حيتان كبيره أكتر من إلأول
ونبى خليهم واحده واحده علينا علشان ناكل عيش
هههههههههههههههههههههههههههههههههههههه

[WALID85AYA]

المشاركة الأصلية كتبت بواسطة عمر شهوانى

ده تعديل حيسهل عليك فهم كلام الاستاذ وليد
http://www.masrawysat.com/vb/showthread.php?t=2870929

المشاركة الأصلية كتبت بواسطة TAMER MOSAED

اكتب اسم الجهاز ورقمه

وايضا رقم البورده

لسهوله تقديم المساعدة

تسلموا اساتذتى الكرام

[WALID85AYA]

المشاركة الأصلية كتبت بواسطة samir fathy

مش بقولك إنته كبير وعلشان خطرى سيب لنا شويه
المنتدى فيه بقى فيه حيتان كبيره أكتر من إلأول
ونبى خليهم واحده واحده علينا علشان ناكل عيش
هههههههههههههههههههههههههههههههههههههه

حبيبى استاذ سمير من بعض ما عندكم يا نجم
خلينا احنا السمك الصغير يا سيدى

[م / وليد هانى]

المشاركة الأصلية كتبت بواسطة WALID85AYA

وبالنسبة لـ Vcc هو خط التغذية 5 فولت او 3 حسب تغذية الريسفرة

تسلم ايدك وربنا يكرمك يارب
بس اسمحلى اناقش معاك الحته دى واستفيد منك حبيب قلبى
هى التغذية بناخدها حسب فولت السونسور ولا حسب فولت الجهاز ؟

[تامر مسعد]

المشاركة الأصلية كتبت بواسطة م / وليد تيتو

تسلم ايدك وربنا يكرمك يارب
بس اسمحلى اناقش معاك الحته دى واستفيد منك حبيب قلبى
هى التغذية بناخدها حسب فولت السونسور ولا حسب فولت الجهاز ؟

التغذية حسب مدخل الريجليتر الاقرب الى المدخل السنسور

فى بيقى 3.3 وفى بيقى عليه 5 فولت

هو ده الى قابلنى فى الاجهزة hd



وانتظر ردود الاخوه وبالتوفيق ان شاء الله

[م / وليد هانى]

المشاركة الأصلية كتبت بواسطة TAMER MOSAED

التغذية حسب مدخل الريجليتر الاقرب الى المدخل السنسور

فى بيقى 3.3 وفى بيقى عليه 5 فولت

هو ده الى قابلنى فى الاجهزة hd



وانتظر ردود الاخوه وبالتوفيق ان شاء الله

قصد حضرتك التغذية حسب فولت الجهاز تمام
فى انتظار المزيد من اراء الاخوة الكرام

[WALID85AYA]

المشاركة الأصلية كتبت بواسطة م / وليد تيتو

تسلم ايدك وربنا يكرمك يارب
بس اسمحلى اناقش معاك الحته دى واستفيد منك حبيب قلبى
هى التغذية بناخدها حسب فولت السونسور ولا حسب فولت الجهاز ؟

حبيب مستر وليد
طبعا حسب التغذية المتوفرة علي البوردة ، ولكن من الناحية العملية التي قمت بتجربتها بنفسي أنه لا فرق كبير بين السنسور الذي يعمل بـ 3.3 فولت والذي يعمل بجهد 5 فولت ففي الحالتين انا اقوم باختيار التغذية الأعلي وهي ال 5 فولت فعن تجاربي لن يؤثر في عمر السنسور او اداءه لأن الفرق بين الجهدين يكاد يكون بسيط ولا يسبب اي مشاكل ان شاء الله

[م / وليد هانى]

المشاركة الأصلية كتبت بواسطة WALID85AYA

حبيب مستر وليد
طبعا حسب التغذية المتوفرة علي البوردة ، ولكن من الناحية العملية التي قمت بتجربتها بنفسي أنه لا فرق كبير بين السنسور الذي يعمل بـ 3.3 فولت والذي يعمل بجهد 5 فولت ففي الحالتين انا اقوم باختيار التغذية الأعلي وهي ال 5 فولت فعن تجاربي لن يؤثر في عمر السنسور او اداءه لأن الفرق بين الجهدين يكاد يكون بسيط ولا يسبب اي مشاكل ان شاء الله

هو اللى قابلته لحد دلوقت نوعين من السونسور
5 فولت و 3 فولت
وطبعا زى ما انته عارف فى انواع كتير بيختلف ترتيب الارجل بتاعها
حسب تصميم الجهاز لكن كلهم 3 او 5 فولت
فى التلفزيون كلهم 5 وللامانة مقابلتش 3 خالص
فى الريسيفر قابلت النوعين وجربتهم مكان بعض
وللاسف النتايج مكنتش بتكون مظبوطه بمعنى
ركبت 5 مكان 3 مشتغلش احيانا
ولما اشتغل كان بياخد الاوامر متاخر جدا
ولما ركبت 3 مكان 5 السونسور سخن وعمره اصبح قصير اوى
وخرف اوامر برضو
فطلعت بمعلومة واحدة
الفولت اللى بغذى به الجزء الخاص بـ ir فقط وليس البانل كلها
بيكون حسب فولت السونسور وليس فولت الجهاز
وده اللى قابلته بكل امانة
وتسلم حبيب قلبى على الدردشة الجميلة دى