[م / سمير محمد]

السلام عليكم ورحمة الله وبركاته
وبعد
كنت من فتره اشتريت مولد للمنزل وهو كويس الحمد لله ونوع محترم اسمه lutian سعة 6 كيلو بس مش فاكر ان كان موتور نحاس او الومنيوم بس ساعتها اشتريت افضلهم
المهم حالياً عايز اشترى واحد للمحل لان احياناً الكهرباء بتقطع وبتعطل الواحد وامامى واحد بيبيع بالقسط والنوع اللى عنده حاليا اسمه oscar وعلى كلام البائع هو 6 كيلو بيخرج 3.5 كيلو فهل حد منكم اتعامل مع النوع ده وما هو الافضل من حيث الاداء الموتور الالومنيوم ولا النحاس
ياريت الرد بسرعه لانى هشتريه بكره ان شاء الله قبل الزياده المقرره فى شهر 7 وياريت السعر كاش

[WALID85AYA]

فيزيائيا النحاس اكفء طبعا واكثر تحملا من الالمنيوم لدرجات الحرارة وساعات التشغيل،، ولكن جميع المواتير بالسوق المسري الآن معظم ملفاتها من الالمنيوم،لارتفاع طبعا سعر النحاس وندرته ايضا، ولكن بصفة عامة مولد لمحل به استهلاك الكهرباء لا يساوى 10 بالمائة من الاستهلاك المنزلى يمشى الحال اى مولد ولا تخشى شيئا
ولكن ماذا عن سعر المولدات حاليا بالسوق المصرى فلا ادرى صراحة

[م / سمير محمد]

شكراً لردك يا اخ وليد
طيب هل ممكن اعرف إذا كان الموتور ده نحاس ولا الومنيوم من المولد نفسه سواء كان مكتوب عليه حاجه توضح ده ولا ممكن انظر الى الموتور نفسه واعرف ان كان نحاس ولا الومنيوم
لان طبعاً النحاس بيستحمل اكتر فى الشغل لان عندنا الكهرباء لما بتقطع بترخم جداً
والله يوم الوقفه بتاع العيد الكبير اللى فات قطعت من بعد صلاة المغرب لحد الساعه 11 ويمكن اكتر
ضيعت علينا شغل اليوم ده كله ولكن قدر الله وماشاء فعل

[صلاح رجب الجرنوسى]

للاسف بنظر مينفعش لان السلك الملفوف سوء اذا كان نحاس او الامنيوم معزول بورنيش اصفر او احمر او بنى محمر واذا كُنت عايز تعرف نحاس والا الامنيوم الا بتقشير الملف اوسلك برفق مش تقشير جامد حتى لايتقطع السلك وبعد التقشير لو كان لونه ابيض يبقا الامنيوم واذا كان مصفر يبقا نحاس وفى بعض مولدات بيبقا مكتوب عليها نحاس والبعض الاخر مرات مش اميبقا مكتوب وكمان فى بعض مولدات بيقا العضو الدائر اللى به ملفان فقط مرات بيقا الامنيوم وممكن تلقيه نحاس وكمان العضو الثابت مرات نحاس ومرات الامنيوم يعنى لازم تقشر فى العضو الدائر والعضو الثابت

[م / سمير محمد]

المشاركة الأصلية كتبت بواسطة صلاحظ،ظ،ظ،

للاسف بنظر مينفعش لان السلك الملفوف سوء اذا كان نحاس او الامنيوم معزول بورنيش اصفر او احمر او بنى محمر واذا كُنت عايز تعرف نحاس والا الامنيوم الا بتقشير الملف اوسلك برفق مش تقشير جامد حتى لايتقطع السلك وبعد التقشير لو كان لونه ابيض يبقا الامنيوم واذا كان مصفر يبقا نحاس وفى بعض مولدات بيبقا مكتوب عليها نحاس والبعض الاخر مرات مش اميبقا مكتوب وكمان فى بعض مولدات بيقا العضو الدائر اللى به ملفان فقط مرات بيقا الامنيوم وممكن تلقيه نحاس وكمان العضو الثابت مرات نحاس ومرات الامنيوم يعنى لازم تقشر فى العضو الدائر والعضو الثابت

انت كده لخبطتنى اكتر واكتر
هههههههههههههههههه
صاحب المحل بيقول انه نحاس ولكن مش دايما التاجر بيكون صادق
وكمان مينفعش انى اقشر فى الملف امامه مهما كان مش هيرضى بكده
وياريت لو عندك فكره تعرفنى ايه اللى بيكون مكتوب على المولد لو نحاس ومذكور عليه كده كما ذكرت انت

[WALID85AYA]

صعب اخى سمير المعرفة بمجرد النظر ، ولكن كما اشرت لك فى المشاركة السابقة صدقنى كشغل محل وحالات طوارئ يعمل بها المولد مش هتفرق نوعية الملفات عما إذا كانت نحاس او الومنيوم،توكل على الله وكل شئ عنده بمقدار ،، ماهو بيبقى نحاس وزى الفل وبيولع فى لحظه لأنه قدره وعمره كده

[تامر مسعد]

اشترى من مصدر موثوق منه وله سمعه طيبه على الاقل

المحول الملفوف بسلك نحاس بيكون حجمه اقل بنسبه 12% الى 15% عشان سلك النحاس رفيع وايضا المقاومات قيمتها اقل ايضا فالالمينوم يحتاج مقاومة اعلى
فحاول ان تجد واحد قديم وتشوف حجم الملف وكذلك المقاومات وتقارنها
او شوف فنى لف ممكن ياتى معاك او ياكد لك المعلومة ولا تنسى ان المحول الالمينوم ارخص من النحاس

معلومات بسيطه ربما تفيدك فى شئ وبالتوفيق ان شاء الله

[م / سمير محمد]

المشاركة الأصلية كتبت بواسطة WALID85AYA

ماهو بيبقى نحاس وزى الفل وبيولع فى لحظه لأنه قدره وعمره كده

ربنا يطمنك ياغالى
هههههههههههههههه
شكراً لردك

المشاركة الأصلية كتبت بواسطة تامر مسعد

اشترى من مصدر موثوق منه وله سمعه طيبه على الاقل

هو الشخص نفسه ثقه ولكنه ليس ذو خبره لانه محل بيبيع اجهزه كهربائيه بالتقسيط
واللى بيطلب منه حاجه بيجيبها وانا سألته امبارح قاللى ان اللى كان عنده اتباع وهيجيب لى واحد مخصوص النهارده او بكره ان شاء الله
ولما اكدت عليه قاللى انا مش هغشك انت بتعدى عليه رايح جاى يعنى فى وشى دايما مينفعش انى اغشك

المحول الملفوف بسلك نحاس بيكون حجمه اقل بنسبه 12% الى 15% عشان سلك النحاس رفيع وايضا المقاومات قيمتها اقل ايضا فالالمينوم يحتاج مقاومة اعلى
فحاول ان تجد واحد قديم وتشوف حجم الملف وكذلك المقاومات وتقارنها
او شوف فنى لف ممكن ياتى معاك او ياكد لك المعلومة

معلومه قيمه سيتم العمل بها ان شاء الله
وبالنسبه للمولد القديم انا عندى فى البيت واحد هحاول اقارن بين الاتنين

معلومات بسيطه ربما تفيدك فى شئ وبالتوفيق ان شاء الله

بارك الله فيك ياغالى
وفى جميع الاخوه اللى قاموا بالرد على الموضوع
وان شاء الله لو جبته هحاول اصوره وارفع لكم الصور

[م محمد الجنـدى]

اًخى الكريـم . السلام عليكم ورحمة الله وبركاته
وكل عـام والاًسـرة الكريـمة بخير
الاًفضـــل وان توفـر ولو مســــــتعمل _مولد هوندا . اًو . كوبوتا .
وقدرتـه واحد ونصف كيلو . والاًفضل المولد الملفوف .
وهذا متوفر بالسبتيه .يابانى . ومعمر . والسعر اًقل بكثير من الصينى
ولتعلم اًن جميع المولدات والمحركات غالبيتها المونيوم
والجزء الظاهر هو كرتير الزيت والمعروف بالفارغة
ومن داخله الكرنك وترس الكامة حديد فى ماركة كوبوتا
اًما فى ماركة هوندا ترس الكامة اًلمونيوم .
فـلا تشـــغل بالك بالمكونات
ولتعلم اًن المحرك العدل اًفضل من المائل
والموجود من المولدات من اًيام الثورة غالبيتها صينى
والمحرك مائل .
وان استقريت على مولد ما . فعلك بتلينه بلا حمـل
وان قيل لك باًنه جاهز للعمل . واًهم شيئ الزيت .
والاًفضل اًثناء التشغيل يعمل بلا حمل حتى يستقر صوته
خالص تحياتى

[م / سمير محمد]

المشاركة الأصلية كتبت بواسطة م محمد الجنـدى

اًخى الكريـم . السلام عليكم ورحمة الله وبركاته
وكل عـام والاًسـرة الكريـمة بخير
الاًفضـــل وان توفـر ولو مســــــتعمل _مولد هوندا . اًو . كوبوتا .
وقدرتـه واحد ونصف كيلو . والاًفضل المولد الملفوف .
وهذا متوفر بالسبتيه .يابانى . ومعمر . والسعر اًقل بكثير من الصينى
ولتعلم اًن جميع المولدات والمحركات غالبيتها المونيوم
والجزء الظاهر هو كرتير الزيت والمعروف بالفارغة
ومن داخله الكرنك وترس الكامة حديد فى ماركة كوبوتا
اًما فى ماركة هوندا ترس الكامة اًلمونيوم .
فـلا تشـــغل بالك بالمكونات
ولتعلم اًن المحرك العدل اًفضل من المائل
والموجود من المولدات من اًيام الثورة غالبيتها صينى
والمحرك مائل .
وان استقريت على مولد ما . فعلك بتلينه بلا حمـل
وان قيل لك باًنه جاهز للعمل . واًهم شيئ الزيت .
والاًفضل اًثناء التشغيل يعمل بلا حمل حتى يستقر صوته
خالص تحياتى

اولا تسلم ياغالى للرد على الموضوع والافاده
ثانياً انا معنديش وقت ولا خبره انى انزل السبتيه اشترى مولد وكمان 1.5 كيلو مش هيكون تمام لان ممكن اشغل عليه البيت كمان اضائه فقط ومراوح والبيت دورين فى الصيف بالذات والحمد لله الكهرباء مش دايماً بتقطع ولكن احيانا بتقطع فى اوقات صعبه يكون عندك زبون مثلاً من مكان بعيد او واحده ومينفعش انها تستنى كتير هو ده الغرض من شرء المولد
وانا اتفقت مع الراجل ودفعت المقدم وان شاء الله هييجى قبل العيد ممكن النهارده او بكره على حسب التساهيل

[م محمد الجنـدى]

اًخى الكريـم . توكل على الله
مادمت تم الاتفاق . ولكن ما اًشرت اليه سالفاً بمولد كيلو ونصف
فهو كاف جداً وفى اًثناء استخدام الغساله يتم تشغيله بمفرده
وساًحاول البحث عن رقم هاتف لك لعلنى اًستطيع المساعدة
قبل اتمام عملية الشراء .

[م / سمير محمد]

المشاركة الأصلية كتبت بواسطة م محمد الجنـدى

اًخى الكريـم . توكل على الله
مادمت تم الاتفاق . ولكن ما اًشرت اليه سالفاً بمولد كيلو ونصف
فهو كاف جداً وفى اًثناء استخدام الغساله يتم تشغيله بمفرده
وساًحاول البحث عن رقم هاتف لك لعلنى اًستطيع المساعدة
قبل اتمام عملية الشراء .

خلاص ياغالى انا جبته من البائع بالامس واللى خلانى مستعجل انه فى زياده باستمرار وانت عارف ان الاسعار هتزيد اكتر من كده مع زيادة اسعار المواد البتروليه والتى من المحتمل تطبيقها يوم الخميس القادم
وكمان انا جبته بالقسط ودى صور المولد تم العثور عليها من النت وهو اسمه oscar osc6800ce

[مـنـعـم امـبـابـى]

الف الف مبروك عليك المولد ياغالى

[م / سمير محمد]

المشاركة الأصلية كتبت بواسطة مـنـعـم امـبـابـى

الف الف مبروك عليك المولد ياغالى

بارك الله فيك ياحاج منعم

[صلاح رجب الجرنوسى]

الف مبروك عليك المولد استاذ سمير محمد