[egexa]

السلام عليكم
انا جديد في موضوع كروت الدش و قررت انى اشتري كارت usb يشتغل على اللابتوب
و اشتريت نوع اسمه
Vision Plus Vp-2000
ثمنه 225 جنيه

و دى صحفته على الموقع
http://www.visionplus-tv.com/VP_P_2000_1-1.asp

بس المشكلة انى جربت كل البرامج المشهورة للتشغيل منه
progdvb
altdvb
dreamdvb
و جميعهم ظهر فيهم نفس المشكلة و هى انه في البحث تأتى القنوات المفتوحة فقط ولا تظهر القنوات المشفرة تماما و لما جربن نزلت ملفات القنوات جاهزة لا تعمل أيضا....فهل الكارت ده للقنوات المفتوحة فقط ؟ زى بعض الريسيفرات القديمة كانت كده ؟

و هل الاشارة تكون في الكروت عموما اضعف من الريسيفرات لانه الكارت لا يلقط اشارة من بعض الترددات في حين انه الريسيفر يلتقطها عادى في نفس الوقت.

ياريت حد متخصص في الموضوع ده يفيدنى
شكرا لكم

[ABOZIAD@AHMAD]

اى كارت ياغالى مهما كان اسمه بيشغل القنوات المشفرة مع المفتوحة وتوجد اثناء البحث لأى برنامج

المهم الان هل يوجد اشارة فى القنوات المشفرة فى ملف القنوات الجاهز ام لا

اما بالنسبة للأشارة فهى بصفة عامه اضعف من الريسيفر

[egexa]

المشاركة الأصلية كتبت بواسطة ابوزياد واحمد

اى كارت ياغالى مهما كان اسمه بيشغل القنوات المشفرة مع المفتوحة وتوجد اثناء البحث لأى برنامج

المهم الان هل يوجد اشارة فى القنوات المشفرة فى ملف القنوات الجاهز ام لا

اما بالنسبة للأشارة فهى بصفة عامه اضعف من الريسيفر

شكرا على الرد يا ابوزياد

مثلا تردد الجزيرة الرياضية 12284 يعمل على الريسيفر و توجد اشارة لكن في الكارت لا توجد اشارة من نفس الطبق و نفس الكابل...فما الفرق بين الريسيفر و الكارت؟ هل الكارت ضعيف مثلا؟ ولا لازم اعدادات في البرنامج عشان يجيب القنوات المشفرة؟

و ملفات القنوات الجاهزة نفس المشكلة بعضها يلتقط اشارة ولكن مفيش صورة طبعا لانها قنوات مشفرة و البعض الاخر لا توجد اشارة مع انها موجودة اشارة على الريسيفر....فما الحل ؟!

[الحمادوى]

القنوات اللى بتعطى اشارة على الرسيفر والكارت لأ

لو مستوى جودتها اقل من 45% يبقى انت محتاج تعلى الاشارة شويه باعادة ضبط الطبق


كروت الستالايت بتقل الجودة عن الرسيفر 15% تقريبا ولا تعطى اشارة لو الاشارة ضعيفة على الرسيفر

وارجوا منك قص السلك واعادة توصيل الكنكتور (الصامولة ) من تحت ومن عند الطبق والسلك ميكونش فيه وصلات لانها بتقلل من الاشارة

[sekonal]

يا جماعة التردد ده القنوات اللي فيه hd
من نوعية dvb-s2
و الكارت ده dvb-s مش 2
ف بالتالي مش هيقرا التردد ده
لازم كارت من النوع dvb-s2

[ابو ملك 2]

على فكرة اخى انا ىعاغوم

[ابو ملك 2]

انا اشتريت نفس الكارت وشغال معى كويس

[ابو ملك 2]

بس الكارت اللى عندى vp 1000 ويعمل كل القنوات وجميع البرامج

[سيد2002]

انا عندى نفس الكرت وشغال تمام اتفضل الملف فى المرفقات



فك الضغط وانقل الفلدر الى المصار اللى متثبت فيه البرنامج

C:\Program Files\ProgDVB

[rachidsebiha]

استعمل أخي كارت sky star2 هو أفضل كرت قنوات لحد الآن و على تجربة مني و ياريت تستعمل الكرت الذي يدعم قنوات HD

[مجدى2012]

ممكن لم بتجى تعمل بحث بتعمل على المفتوح فقط وتلغى البحث عن المشفر

[bigman_1012000]

الازم تشغل كابل الكهرباء لوطلعت من البرنامج ورجعت تشغل القنوات بتفقد المفتاحدة عن تجربة ويريت نسخة بروج خفيفة

[Mo.Redwan]

الكارت دا عندي .. مشكلته في الإشارة في بعض الترددات

علشان تشتغل تقفل البروج وتشيل الكابل وتوصله تاني وتشغل البروج هتشتغل علي طول القناة إن شاء الله

أما بالنسبة لبحث القنوات المشفرة فمعرفش إزاي بصراحة

إنت افضل حاجة تنزل ملف القنوات من موقع البرنامج اوتوماتيك قبل البحث

وكل القنوات بتنزل

[wtpmjgda]

موضو جميل وانا بردو كرتي vp2000‎ ‎

[wtpmjgda]

بس لما اشتريت الكرت مكنش في اصطوانه تعريف