[mahmoud torres]

السلام عليكم

انا قدمت علي راوتر في شركة وي واشتركت في عرض الخمسة ميجا

ايه رايكم في النت في شركة we وهل بعد استهلاك ال100 جيجا السرعة بتقل ل1 ميجا كاملة ولا اقل

وهل النت ثابت عشان الشيرنج ولا فيه تقطيع

[خميس عباس5]

بجد بجد زبالة وبتنزل لاقل من1 ميجا وبتجربةعندى الان

[mahmoud torres]

المشاركة الأصلية كتبت بواسطة خميس عباس5

بجد بجد زبالة وبتنزل لاقل من1 ميجا وبتجربةعندى الان

هو الناس بتقول علي حسب جودة الخط الارضي عندي

ممكن يكون الخط عندك مش كويس

[محمودالمغازى]

زبالة وبيقل عن واحد ميجا وعن تجربة على كذا خط والقديم 2 ميجا كان افضل بكتيررر

[ahmedelbendary]

اول حاجة هي السرعات بتبدأ من 5 ميجا فمفيش سرعة اقل من كده ولو انت عميل قديم وحولت لسرعة تانية مش هتعرف ترجع للسرعة القديمة اللي كنت عليها ... سرعة 5 ميجا كويسة جدا بس هي بترجع لكفاءة الخط عندك ولو خلصت ال 100 جيجا بتنزل ل 1 ميجا ولو حابب ترجع 5 ميجا تاني بتشحن كوتا اضافية 20 جيجا 34 جنيه وال 50 جيجا 68 جنيه ال 100 جيجا ب 114 جنيه ودي صالحة لمده 30 يوم من تاريخ شحنها انا ال5 ميجا واصلة كاملة عندي وجميلة , انا رفعت صورة للتاكد من كلامي .. بس ده يرجع لكفاءة الخط وشكرا

[ahmedelbendary]

ودي صورة تانيه

[ابراهيم العالمى]

انا شغالة معاية كويس جدا وبشاهد الفديوهات وبرنامج الهين بكل سهولة ويسر

[marion]

السرعة معاك هتبقى كويسة جدا على حسب كفاءة الخط الأرضى والمسافة بين الكابينة اللى هتوصل منها والسنترال (لو الكابلات نحاس )
أما لو فايبر هتوفر عليك المسافة
لازم لما تتفرج على الفيديوهات ماتشغلش جودة hd هتستهلك من الليمت بتاعك كثير جدا وخصوصا الواى فاى للموبايلات
والسرعة بتقل الى 1 ميجا بعد انتهاء ال100 جيجا
( اى مشكلة هتواجهك هتبقى في الخط الارضى او السنترال والاجهزة بتاعت النت في السنترال )

[فتى الوادى]

المشاركة الأصلية كتبت بواسطة mahmoud torres

السلام عليكم

انا قدمت علي راوتر في شركة وي واشتركت في عرض الخمسة ميجا

ايه رايكم في النت في شركة we وهل بعد استهلاك ال100 جيجا السرعة بتقل ل1 ميجا كاملة ولا اقل

وهل النت ثابت عشان الشيرنج ولا فيه تقطيع

شركه WE هى Te Data
فقط تغير اسم

[mohamed_egy]

شوف بقى وهو دة الكلام الصح
النظام الجديد دة بيكون بين العميل والسيستم بتاع الشركة
يعنى لا يتدخل فيه اشخاص
انت لو الخط عندك فيه اى مشاكل فالنت بيكون طالع نازل يعلى ويقل
السيستم هنا بيقرأ السرعات اللى طالعه ونازله عندك لمدة اسبوع
وبيروح عاطيك السرعه اقل سرعه هو قرأها
يعنى انا مشترك فيها كفائة الخط عندى بتشيل 2 ميجا وكنت مشترك الاول فى اتنين ميجا كانوا بيوصلونى كاملين مش بيقلوا
لما غيرت للنظام الجديد اول اسبوع السرعه وصلتنى 2 ميجا وبعد الاسبوع نزلت لـ 512
وكل لما اتصل عليهم يعملوا ليا تحديث للسرعه ترفع ل 2 ميجا مرة اخرى وبعد كم يوم تنزل ل 512
يعنى حاجة قرف
بس لو انت فى منطقه جديدة والخطوط عندك كويسه يبقى اشترك
لكن لو الخطوط عندك قديمة يبقى نصيحة خليك على القديم على ما يغيروا الخطوط عندك للفايبر
لان فى خطة لغايه 2022 لتغيير كل الخطوط للفايبر
دى تجربتى مع النظام الانترنت الجديد فى شركة we
وكل المعلومات دى بتوع الدعم الفنى هما اللى قالوها ليا
اصلهم بقوا اصحابى من كتير ما بكلمهم ����

[mnmn1979]

انا فى اول شهر اشتراك مع we على سرعة ال ظ¥ ميجا و السرعه كويسة اوى بس طول سلك التليفون قلقنى لانى فى الدور السابع و كابينة التليفون إللى فى الشارع بعد بيتنا ب ظ¤ عقارات ..بس المنطقه كلها فايبر و ليس نحاس ..
جربت اعمل قياس السرعه فى أوقات و ايام مختلفة مرة كانت تعمل ال ظ¥ ميجا و مرات بين ظ¤ و ببن ظ¥ ..
عموما هى سرعه كويسة اوى بالنسبة لسعرها مقارنة بشركات نت اخرى ..
طبعا لسه ما جربتش بعد ما ال ظ،ظ-ظ- جيجا تخلص الدنيا فيها ايه ...
تحياتى

[ibrahim01012]

ممتااااااز

[mahgad]

ممتازة لأن الخطوط اللى عندنا كلها فايبر سرعة التحميل ثابتة ما بين 680 و 750 كيلو بايت فى الثانية

[عبدالسلام شعير]

شركة زبالة فى كل حاجة

[mansy515]

المشاركة الأصلية كتبت بواسطة mohamed_egy

شوف بقى وهو دة الكلام الصح
النظام الجديد دة بيكون بين العميل والسيستم بتاع الشركة
يعنى لا يتدخل فيه اشخاص
انت لو الخط عندك فيه اى مشاكل فالنت بيكون طالع نازل يعلى ويقل
السيستم هنا بيقرأ السرعات اللى طالعه ونازله عندك لمدة اسبوع
وبيروح عاطيك السرعه اقل سرعه هو قرأها
يعنى انا مشترك فيها كفائة الخط عندى بتشيل 2 ميجا وكنت مشترك الاول فى اتنين ميجا كانوا بيوصلونى كاملين مش بيقلوا
لما غيرت للنظام الجديد اول اسبوع السرعه وصلتنى 2 ميجا وبعد الاسبوع نزلت لـ 512
وكل لما اتصل عليهم يعملوا ليا تحديث للسرعه ترفع ل 2 ميجا مرة اخرى وبعد كم يوم تنزل ل 512
يعنى حاجة قرف
بس لو انت فى منطقه جديدة والخطوط عندك كويسه يبقى اشترك
لكن لو الخطوط عندك قديمة يبقى نصيحة خليك على القديم على ما يغيروا الخطوط عندك للفايبر
لان فى خطة لغايه 2022 لتغيير كل الخطوط للفايبر
دى تجربتى مع النظام الانترنت الجديد فى شركة we
وكل المعلومات دى بتوع الدعم الفنى هما اللى قالوها ليا
اصلهم بقوا اصحابى من كتير ما بكلمهم ����

الكلام ده مظبوط 100%
انا السرعه عندى المفروض 5 ميجا عندى دلوقتى 1.5 ميجا بالعافيه شركه نصابه اتصلت بيهم حوالى 6 مرات ولا حياة لمن تنادى.
فى النهايه انصح حضرتك باختيار شركه تانيه زى فودافون......او اتصالات