[bebo606]

ترس الليمت المسئول عن توقف الماتور ناحية الشرق والغرب

هل ينفع اشيله واستغنى عنه لأنه عامل قلق واترك الماتور حر يتحرك براحته ناحية الغرب والشرق

طبعا هظبط الماتور على 30 غرب و57 شرق ومش هزيد عنهم

مش عارف دا كلام عملي ولا ايه ----- معلهش ليس لي اي خبرة

لكن اعرف افتح علبة الماتور وعارف شكل ترس الليمت كويس

في انتظار رد حضراتكم لان الماتور متوقف عند قمر 3 شرق ولا يتحرك نهائي ناحية الغرب

الف شكر

تقبلوا تحياتي

[الحاج شريف]

اهلا بك أخى الكريم
من الخطأ رفع ترس الليميت من مكانه فوظيفته حماية الطبق ، لكن إن كان هناك مشكله فأنصحك بتصفير الموتور
ويتم ذلك كالتالى
فك الموتور من ذراع الطبق وحركه ناحية الغرب بإستخدام سهم يمين أو شمال حتى يتوقف عن الدوران
لو بقى من ذراع الموتور شىء خارج الجراب أدخله يدويا حتى بوصه واحده أى تكون المسافه خارج الجراب بوصه واحده
مبدئيا خلى ترس الليمت الأقصى عكس ترس الليمت الأدنى (ناحية الغرب) أى اعطى مجال نصف دوره لترس الليمت
ثم أربط الموتور بالطبق وجرب الأقمار من هسباسات غربا حتى القمر الذى ترغب شرقا
لو كانت نصف دوره لترس الليميت الأعلى كافيه فهو خير وبركه لو كانت زياده ممكن تقللها وتجرب تانى والعكس
لكن راعى ألا يتخطى الطبق زاوية 65 شرق طالما لاتحتاج لذلك من أجل ألا يسقط الطبق ناحية الشرق
مع تحياتى لحضرتك وتمنياتى بالتوفيق
والله أعلى وأعلم

[عقل غندور]

كلام رائع ياغالي والله مهندس كبير قوي قوي

[bebo606]

استاذي الفاضل المحترم الخلوق والمعطاء حتى بدون انتظار كلمة شكر

استفدت من حضرتك الكثير والكثير وكلمات الشكر كلها لا تكفي حضرتك

القصة باختصار اسناذي الفاضل كالآتي : -

جاء لي فني دش محترم جدا جدا لتظبيط الطبق

المهم ظبط الطبق وقال ان المدار مظبوط من 30 غرب إلى 52.5 شرق

كنت في هذه الفترة بتابع مباريات الدوري الانجليزي على قمر الاوربي

فقلت اروح لقمر الهسباسات اشوف اخباره ايه مشيت من الاوربي قمر فقمر الى ان وصلت للقمر 3 شرق وبعد كدا توقف الماتور عن الحركة فعرفت ان الليمت مغلق عند هذا القمر

اتصلت بفني الدش اللى اشتغل في الطبق --- فقالى مفيش مشكلة

اطلع عند الطبق وفكعلبة الماتور وشيل ترس الليمت فقلت له خبرتي محدودة جدا لكن حبي لهذا المجال جعلني أقرأ الكثير

واعرف اني لو شلت ترس الليمت يبقى كدا الماتور سوف يتحرك ناحية الغرب والشرق بدون حدود وكدا الطبق يتلقب

قال اني اصل إلى 30 غرب ولا احرك الطبق بعد ذلك

وايضا اصل إلى 52.5 شرق ولا احرك الطبق بعدها

طبعا حضرتك شرحت شرح وافي لحل المشكلة لكن ليس لي خبرة في هذا المجال الرائع والذي اعشقه لكن كهاو وليس محترف

اما موضوع ترس الليمت فدا ممكن اشيله لاني عارف شكله ومكانه والاستاذ الفاضل المحترم اللى ظبط الطبق ارسل لي صورة لترس الليمت

اسف للإطالة لكن حبيت اقول من خلال الموضوع ان المفروض كنت راجعت على الأقمار من 30 غرب إلى 52.5 شرق لكي اطمئن ان كله تمام

لحضرتك استاذي الفاضل / أ / أشرف كل الشكر والتحية والتقدير والاحترام

[الحاج شريف]

يمكنك مراجعة هذا الموضوع للأخ المهندس أحمد مبروك قبل إزالة الترس فضبط الترس موضوع أسهل وأضمن من شيله

[bebo606]

المشاركة الأصلية كتبت بواسطة asharif

يمكنك مراجعة هذا الموضوع للأخ المهندس أحمد مبروك قبل إزالة الترس فضبط الترس موضوع أسهل وأضمن من شيله

يكفيني اهتمام حضرتك استاذي الفاضل المحترم الخلوق / أ / أشرف
وان شاء الله سوف احاول اتباع الطريقة وعارف انها سهلة لكن قلة الخبرة تجعل الأمر صعب بالنسبة لي

ربنا يبارك في حضرتك ويمنحك الصحة والعافية والسعة في الرزق .

تقبل تحياتي وتقديري واحترامي لحضرتك