السوفت الجديد لpansat9090hd السوفت رقم 2 توقف الجهاز على اربع شرط

bebo606 · #1 2014/04/13, 04:55 PM

pansat9090 hd
اعطيته السوفت الجديد رقم 1 واشتغل كويس جدا وفعلت ******* المدفوع

وقلت اعطي للجهاز السوفت رقم 2 لتشغيل اليوتيوب وقنوات **** وجدت الجهاز توقف وشاشة الريسيفر عليها اربع شرط - - - - والجهاز متوقف تماما
حاولت اعمل طريقة أ / امساعد لما الجهاز ياخد ملف خطأ مفيش فايده عملت كل حاجه والجهاز متوقف تماما

ارجو من حضراتكم اللى عنده حل يقولي اعمل ايه

والحظ السئ ان مهندس / طارق الجندي اجازة اليوم

bebo606 · #2 2014/04/13, 06:34 PM

منتظر ردود حضراتكم وحل للمشكلة دي

الجهاز متوقف تماما وجايب اربع شرط على شاشته ( - - - - )

اسف للازعاج والف شكر لحضراتكم

عدقى · #3 2014/04/13, 08:57 PM

خد السوفت الجديد بنفس طريقة استاذ امساعد

طارق الجندى · #4 2014/04/13, 10:27 PM

انا متواجد معاكم على الساحة بص استخدم السوفت رقم 1 بطريقة استاذ مساعد هيشتغل معاك والجهاز هيقبل بس امشى على الخطواط صح وانا متابع معاك ان شاء الله ومش تقلق
اكبر خسارة ليك هو انك تشرفنى بكرة فى المركز وانا هقوم باللازم

bebo606 · #5 2014/04/13, 10:48 PM

اقتباس:

المشاركة الأصلية كتبت بواسطة طارق الجندى

انا متواجد معاكم على الساحة بص استخدم السوفت رقم 1 بطريقة استاذ مساعد هيشتغل معاك والجهاز هيقبل بس امشى على الخطواط صح وانا متابع معاك ان شاء الله ومش تقلق
اكبر خسارة ليك هو انك تشرفنى بكرة فى المركز وانا هقوم باللازم

الف شكر لحضرتك مهندس / طارق الجندي

علشان كدا انا بحب حضرتك يوم اجازتك ورغم كدا بتدخل وبترد علينا

وزيارتي لحضرتك دا شرف لي ومكسب كبير مش خسارة

هجرب ان شاء الله حالا وهرد على حضرتك لو موجود بعد خمس دقائق

bebo606 · #6 2014/04/13, 11:44 PM

ياه ه ه ه ه
مهندس / طارق الجندي مش عارف اقول ايه لأن كلمات الشكر النابعة من القلب وليست المزيفة في كل ارجاء العالم لن تكفي حضرتك

فعلا حبي وتقديري واحترامي لحضرتك ليس من فراغ

الحمد لله عملت زي ما حضرتك قولت بالظبط ورجع الجهاز واشتغل وبقى زي الفل

والله من الصبح وانا بنزل السوفت رقم 1 وبعمل زي ما الاستاذ/ امساعد بيقول لكن كنت ناسي اسمي السوفت rom ولما حضرتك قلتلي استخدم السوفت 1 بطريقة استاذ / مساعد افتكرت تسمية السوفت rom

لكن السبب ايه في اللى حصل وانا خايف انزل السوفت رقم 2 يعمل زي ماعمل الأول ويتوقف الجهاز

اسف للاطالة والف شكر لحضرتك وجزاك الله كل خير وبارك لك في صحتك ومالك وزوجتك وأولادك وجعلهم ذرية صالحة ان شاء الله

طارق الجندى · #7 2014/04/14, 12:49 AM

ربنا يخليك ياباشا نزل السوفت وير رقم 2 ومش تقلق ان شاء الله هيشتغل معاك تماااااااااااام

bebo606 · #8 2014/04/14, 02:55 AM

معلهش انا اسف جدا جدا

لكن الجهاز لايقبل السوفت رقم 2 ولا يقبل ملف الاقمار للاستاذ الفاضل / عدقي

وفي نفس الوقت قبل ملف القنوات اللى حضرتك منزله مع السوفت الجديد وفيه قمر نايل سات والاوربي

وطبعا اليوتيوب مش شغال وقنوات **** على النظام القديم ومفيش فيها قنوات bein sport
مش عارف اعمل ايه

bebo606 · #9 2014/04/14, 03:03 PM

مهندس / طارق الجندي ربنا يكرمك ايه الحل الجهاز مش بياخد السوفت رقم 2 ولا ملف الاقمار المتحرك للاستاذ / عدقي

والغريب انه قبل السوفت الاول وملف القنوات اللى حضرتك منزله

اعمل ايه ارجو من حضرتك تتابع معايا علشان احل المشكلة دي

الف شكر واسف على الازعاج

bebo606 · #10 2014/04/14, 04:20 PM

اقول لحضرتك مهندس / طارق الجندي ما يحدث معي عند ادخال السوفت رقم 2 للجهاز

اقوم بوضع الفلاشة في الريسيفر وانتظر ثواني وبعد كدا بختار ( التحديث عن طريق الفلاش )
وادخل على الفلاشة الاقي الملف اقف عليه وادوس اوكي الاقي الجملة دي بتيجي على الشاشة ( Bad upgrade file data ) ولما ترجمتها وجدت معناها ( بيانات ملف الترقية سيئة )
ملحوظة بلاقي الملف امامه مكتوب 1kB رغم ان الملف حوالي 7 ميجا

منتظر رد حضرتك وجزاك الله كل خير

طارق الجندى · #11 2014/04/14, 07:40 PM

قم باعادة تحميل ملف السوفت وير رقم 2 مرة اخرى ثم اعد تحميلة للجهاز

bebo606 · #12 2014/04/14, 10:21 PM

اقتباس:

المشاركة الأصلية كتبت بواسطة طارق الجندى

قم باعادة تحميل ملف السوفت وير رقم 2 مرة اخرى ثم اعد تحميلة للجهاز

عملت كدا حضرتك اكتر من مرة ومفيش تغيير

وعملت ضبط مصنع وقمت بتحميل السوفت رقم 2 ولكن لا ينزل السوفت على الريسيفر
وكمان زي ماقلت لحضرتك ملف الاقمار للاستاذ / عدقي مش بينزل على الجهاز وحملته اكتر من مرة ومفيش فايده

والسوفت الجديد بصراحة جميل جدا وروعة وعاجبني قوي لكن المشكلة في السوت 2 لانه كمان بيشغل اليوتيوب وكمان قنوات bein sport

مش عارف اعمل ايه واسف لتعب حضرتك معايا

coto2012 · #13 2014/04/14, 11:40 PM

استاذي العزيز والغالي جدا عليا bebo606

انا متابع المشكلة بتاعتك من الاول خالص وكل الحلول اللي قالها ليك الاستاذ العظيم /طارق الجندي

وانا عندي 2 حل للمشلكة مع العلم ان انا مجربتش السوفت الجديد لغاية دلوقتي ومش هنزلوا دلوقتي

حضرتك قولت ان الرسيفر واخد السوفت الجديد رقم 1 والمشكلة كلها في السوفت رقم 2

تمام اووووي لغاية هنا وكمان حضرتك قولت ان السوفت بتشوف مساحتة في الفلاشة 1 kb وهو الملف مساحتة 7 ميجا تمام بردة لغاية هنا

انا هقولك الحلين اللي عندي وان شاء اللة المشكلة تتحل

الحل الاول :

هو انك تتاكد من الفلاشة بتاعتك اولا فرمتها تماما من خلال جهاز الكومبيوتر ثانيا انسخ

عليها السوفت الاول ثم التاني بس ميكونش عليها اي ملفات تانية تمام لحد هنا
نيجي بقا للرسيفر عايزك تركز معايا شوية

اولا : هتقفل الرسيفر من زرار البور من الخلف ثم وضع الفلاشة والجهاز مغلق من الخلف

وبعد توصيل الفلاشة افتح البور من الخلف الجهاز هيفتح معاك تمام وهيقرا ان في فلاشة موضوعة في الجهاز تمام لحد هنا

ثانيا : تفتح المنيو وتروح علي بند اعادة ظبط المصنع وتختار الاختيار اللي هو اعادة ظبط

الاعدادات وليس اعادة ظبط الجهاز ككل ركز في الخطوة دي وبعد كدة الجهاز هيعمل

ريسترت كدة هيبقي تمام نيجي بقا للخطوة التانية ركز معايا اوووي هنروح بقا عشان

ننزل السوفت رقم 2 وهو اللي في المشكلة تمام لغاية هنا هنروح علي الصفحة اللي بننزل

منها السوفت ولما تشوف اللاتنين سوفت قدامك علي الشاشة قبل ما تنزل السوفت شوف

المساحة بتاعت السوفت الاول والتاني زي ماهي علي الكومبيوتر ول فيها اي تغيير لو

المساحة مختلفة عن الكومبيوتر يبقا كدة العيب في الفلاشة جرب فلاشة تانية انما لو

مفيش تغيير في المساحة يبقا نتوكل علي اللة وننزل السوفت التاني لو نزل من غير

مشاكل يبقي نشكر ربنا الحمدللة انما لو منزلش وجالك نفس الرسالة اللي بتجيلك وبعديها

المساحة بتختلف زي ما حضرتك قولت يبقي هنا نيجي للحل التاني

الحل التاني :

وهو في حالة لو السوفت منزلش وجاتلك نفس الرسالة اللي حضرتك قولت عليها يبقي هتعمل اية ركز معايا جداااااااااااا

انت هتقفل وتفتح الجهاز من البور الخلفي 3 مرات بسرعة ورا بعض متستناش لما

الجهاز يفتح وبعدين تقفل تمام لغاية هنا وبعدين هندخل علي الصفحة اللي بننزل منها

السوفت وشوف مساحة السوفت رقم 2 اتغيرت وللا لو اتغيرت نزلوا تاني علي الفلاشة

انما لو متغيرتش المساحة يبقي نزل السوفت وان شاء اللة هينزل معاك تمام

علي فكرة الحلين دول انا مجربهم علي جهاز 9090 بتاع زبون لان انا من فترة قصيرة
اشتغلت في مجال الستلايت وربنا معاك ومعانا كلنا واتمني للجميع التوفيق

bebo606 · #14 2014/04/15, 12:33 AM

استاذي الفاضل / coto2012

والله انا بحب واحترم حضرتك جدا جدا

على فكرة رجعت الجهاز للسوفت القديم ولسه عامل مشاركة بالموضوع دا ليستفيد الجميع لو حد حب يرجع للسوفت القديم

طبعا انا نزلت السوفت رقم 1 السوفت الجديد للجهاز والريسيفر اشتغل زي الفل على السوفت الجديد
قلت انزل السوفت رقم 2 علشان اتمتع بقنوات بين سبورت وكمان اليوتيوب
وقلت كمان انزل ملف الاقمار المتحرك للاستاذ المحترم جدا / عدقي لانه فيه اقمار كتير ودا بيسهلي البحث عن الاقمار
لكن للاسف الجهاز لايقبل السوفت 2 ولا ملف الاقمار المتحرك مش عارف ليه
وعندي 4 فلاشات بفرمتهم كلهم واجرب واحده واحده لاني شكيت اول مره في الفلاشة
لكن مش معقول اربع فلاشات فيهم حاجه و3 منهم جديد

وحكاية الملف بيظهر 1kB ملهاش دخل لان السوفت رقم 1 بيظهر ايضا بنفس الحجم ورغم كدا بينزل على الجهاز وكمان ملف القنوات اللى منزله مهندس/ طارق الجندي بينزل على الجهاز كويس جدا
وزي ما قلت للمهندس / طارق الجندي لما احاول انزل السوفت 2 وادوس اوكي على الملف بتظهر رسالة بتقول ( Bad upgrade file data )ومعناها ( بيانات ملف الترقية سيئة )

الف شكر لمجهود حضرتك واسف لتعب حضرتك معايا
بارك الله فيك وجزاك كل خير

coto2012 · #15 2014/04/15, 12:37 AM

اقتباس:

المشاركة الأصلية كتبت بواسطة bebo606

استاذي الفاضل / coto2012

والله انا بحب واحترم حضرتك جدا جدا

على فكرة رجعت الجهاز للسوفت القديم ولسه عامل مشاركة بالموضوع دا ليستفيد الجميع لو حد حب يرجع للسوفت القديم

طبعا انا نزلت السوفت رقم 1 السوفت الجديد للجهاز والريسيفر اشتغل زي الفل على السوفت الجديد
قلت انزل السوفت رقم 2 علشان اتمتع بقنوات بين سبورت وكمان اليوتيوب
وقلت كمان انزل ملف الاقمار المتحرك للاستاذ المحترم جدا / عدقي لانه فيه اقمار كتير ودا بيسهلي البحث عن الاقمار
لكن للاسف الجهاز لايقبل السوفت 2 ولا ملف الاقمار المتحرك مش عارف ليه
وعندي 4 فلاشات بفرمتهم كلهم واجرب واحده واحده لاني شكيت اول مره في الفلاشة
لكن مش معقول اربع فلاشات فيهم حاجه و3 منهم جديد

وحكاية الملف بيظهر 1kb ملهاش دخل لان السوفت رقم 1 بيظهر ايضا بنفس الحجم ورغم كدا بينزل على الجهاز وكمان ملف القنوات اللى منزله مهندس/ طارق الجندي بينزل على الجهاز كويس جدا
وزي ما قلت للمهندس / طارق الجندي لما احاول انزل السوفت 2 وادوس اوكي على الملف بتظهر رسالة بتقول ( bad upgrade file data )ومعناها ( بيانات ملف الترقية سيئة )

الف شكر لمجهود حضرتك واسف لتعب حضرتك معايا
بارك الله فيك وجزاك كل خير

خلاص طلما رجعت الجهاز للسوفت القديم تمام ربنا معاك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حل مشكلة توقف H6 بعد ملف قنوات ومشكلة توقف الجهاز على اربع اصفار بسوفت كامل من على الفلاشة	عمادطلعت	تحويلات كيوماكس 999 HD	11	2023/02/13 10:20 PM
ارجوا منكم الحل في هذا الجهاز فورا 6000بعد السوفت اربع شرط	محمد الإسناوي	ملفات قنوات الأجهزه الأخرى واجهزه المغرب العربى	1	2018/09/17 05:52 PM
سترونج 4300 يو اس بي الجديد بعد تحميل السوفت جاب اربع اصفار	amam	استرونج STRONG	5	2011/12/25 05:18 PM
توقف الدنجل-واين السوفت الجديد	hanboly	كيوماكس 999 و هيروشيما و باراكليبس و فيجا و فانتوم	14	2010/12/14 03:04 AM
الحقو الجهاز توقف من السوفت 8/12	softvnn	كيوماكس 999 و هيروشيما و باراكليبس و فيجا و فانتوم	9	2010/12/10 02:01 AM