[fihonil]

الجهاز بيعمل ريستارت كل شوية على سبارك وانيجما
انا لاحظت ان الريستارت بيزيد مع بث القنوات
يعني لو مشغل فيلم من على فلاشة او يوتيوب مثلا او بعمل سيرش على القنوات مبيعملش ريستارت
ايه السبب في كده

Sent from my ASUS_Z00UD using Tapatalk

[Dr. Hazem Tamim]

نزل سوفت انقاذ وملف قنوات متجرب
والبلاجن بتاعى لانه متجرب
احيانا بتكون ان البلاجن بيشتغل لما القنوات تشتغل ويهنج الجهاز

[fihonil]

متشكر لحضرتك
لو ممكن لينك لسوفت الانقاذ علشان جربت واحد وماشتغلش

Sent from my ASUS_Z00UD using Tapatalk

[fihonil]

دكتور حازم معلش سؤال دلوقتي الحمد لله قبل سوفت الانقاذ
كده الجهاز رجع لاصله ؟ يعني الانيجما اتشالت خلاص كده
واعمل ابديت عادي ؟ ولا هيأثر على حاجة في الجهاز

Sent from my ASUS_Z00UD using Tapatalk

[Dr. Hazem Tamim]

قبل ما نعمل سوفت الانقاذ،، الجهاز برضه بيرستر علي الانيجما ولا علي سبارك بس،، لو علي الاتنين لازم تروح بيه لفني يشوف المكثفات

[fihonil]

هو دلوقتي بيرستر مع توصيل سلك الدش على الانيجما والسبارك ، لو شايل سلك الدش الجهاز شغال تمام مع العلم اني وصلت سلك الدش برسيفر قديم واشتغل برضه كويس ؟
حضرتك معندكش فكره ممكن العيب في ايه ولو مكثفات دي بتتكلف كتير ولا بسيطة

معلش على كتر الاسئله

Sent from my ASUS_Z00UD using Tapatalk

[Dr. Hazem Tamim]

توصيل سلك الدش مرتبط بدايرة الكهربا
المكثفات او دايرة باور القطعة رخيصة مش غالية

[حلم عمرنا]

يا ريت صاحب الموضوع يقولى عمل اية ف الجهاز وحل المشكلة ولا لا لانها موجودة عندى وركنت الجهاز مش عارف اعملة اية فى التوكيل قالو هيتكلف 100 جنية تقريبا

[ahmedest]

عمل عندى كده وجربت سوفت الانقاذ وتغير السوفت والنجيما وبردو كان بيرستر وبيهنج
فى الاخر اكتشفت مكثف على البوردة هتلاقيه وارم من فوق بسيط كده (6.3v&470uf)
غيرته بواحد جديد الرسيفر بقى زى الفل لو عندك خبرة بالحاجات دى ممكن تغيره بنفسك ولوملكش يبقى توديه لحد بتاع صيانة يغيرهولك ومتنسنيش بالدعاء بسعة الرزق بقى لو ظبتت معاك

[ahmedest]

وعلى فكرة انا غيرته بواحد (10v&470uf) علشان ساعتها ملقتش (6.3v&470uf)

[fihonil]

استاذ احمد ربنا يبارك لك انا لسه شايف رد حضرتك وفتحت الجهاز وفعلا لقيت المكثف في انتفاخ بسيط من فوق هغيره ان شاء الله واجرب

Sent from my ASUS_Z00UD using Tapatalk

[م / محمد مسعد]

السلام عليكم
في البداية احب احيي كل اللي شارك في الموضوع ده بداية من الاستاذ fihonil صاحب الموضوع مرورا ب Dr. Hazem Tamim والاستاذ ahmedest
انا حصلت معايا نفس المشكلة ياجماعة في نفس الريسيفر وبعد لما عطيته سوفت الانقاذ الجهاز اشتغل كويس بس طبعا مفيش قنوات ولما جيت اعطيه ملف قنوات مرة بالبحث اليدوي ومرة تانية بتمرير ملف جاهز بالفلاشة تتكرر المشكلة ويبدأ الجهاز بالرسترة
وبفضل الله وفضل كل من ساهم في هذا الموضوع قمت بفتح الريسيفر وفعلا وجدت نفس المكثف المذكور منفوخ فقمت بفكه من البورده وقياسه ووجدته فعلت عاطل فقمت بتغييره بمكثف اخر 10 فولت 470 ميكرو فاراد وشغلت الجهاز وقمت بعمل بحث يدوي والحمد لله الجهاز عاد للعمل بشكل جيد ولا توجد اي مشاكل الان
في النهاية احب اوجه النصيحه للاستاذ حلم عمرنا باتباع نفس الخطوات وان شاء الله تتحل المشكله عنده
السلام عليكم
دائما ارض الابداع مصراوي سات

[م/محمدزيان]

المشاركة الأصلية كتبت بواسطة م / محمد مسعد

السلام عليكم
في البداية احب احيي كل اللي شارك في الموضوع ده بداية من الاستاذ fihonil صاحب الموضوع مرورا ب Dr. Hazem Tamim والاستاذ ahmedest
انا حصلت معايا نفس المشكلة ياجماعة في نفس الريسيفر وبعد لما عطيته سوفت الانقاذ الجهاز اشتغل كويس بس طبعا مفيش قنوات ولما جيت اعطيه ملف قنوات مرة بالبحث اليدوي ومرة تانية بتمرير ملف جاهز بالفلاشة تتكرر المشكلة ويبدأ الجهاز بالرسترة
وبفضل الله وفضل كل من ساهم في هذا الموضوع قمت بفتح الريسيفر وفعلا وجدت نفس المكثف المذكور منفوخ فقمت بفكه من البورده وقياسه ووجدته فعلت عاطل فقمت بتغييره بمكثف اخر 10 فولت 470 ميكرو فاراد وشغلت الجهاز وقمت بعمل بحث يدوي والحمد لله الجهاز عاد للعمل بشكل جيد ولا توجد اي مشاكل الان
في النهاية احب اوجه النصيحه للاستاذ حلم عمرنا باتباع نفس الخطوات وان شاء الله تتحل المشكله عنده
السلام عليكم
دائما ارض الابداع مصراوي سات

بالرغم ان الموضوع قديم وحضرتك رفعتة
لكن مشكور على طرحك لحل المشكلة
وبالتوفيق للجميع