بعض مشاكل وحلول دائرة البور وبرنامج لمعرفه قيمه المقاومة للمحمول

احمد مروان محمد · #1 2018/09/13, 05:45 PM

سلام عليكم
هذا العمل اهداء لموقع مصراوي سات
بعض هذه المشاكل والحلول من تجربه شخصيه
اتمني من مشرفي القسم وعمالقه مصراوي سات لو في تصحيح لاي معلومه اكون شاكر جداا لحضراتكم
اولا صور من دايره البور اللي تم الشرح عليها وبيكون معظم الدوائر متشابهه

1-المشكله لمبه حمرا متقطعه
* الحل*
تغيير مكثف المجاور ب ايسي البور وبيكون بالاغلب رقمه 25 فولت / 47 ميكرو ونغيره بقيمه اعلي مثلا 50/47
طب تم تغيير المكثف ونفس المشكله هنغير السلكون المتصل برجل المكثف وادي صوره للمكثف والسلكون

2- المشكله الجهاز فاصل بور نهائيا
*الحل * اولا التاكد من كابل الكهربا ومفتاح البور ان وجد ثم التاكد من الفيوز وبيكون علي شكله الطبيبعي او ع شكل مقاومه ثم التاكد من مراحل تمرير التيار مثل سليكونات التوحيد وبفه تمرير التيار ودي بيكون رقمها NTC 10D-9وبيكون لونها فالغالب اسود حتي وصوله لمكثف 450فولت/10ميكرو ونقيس بالافو ع طرفي المكثف بوجود فولت ام لا ثم المقاومات المتصله ب ايسي البور والتاكد من خروج قيمه الاوم المظبوطه لكل مقاومه وطبعا دي مشكله موضوع معرفه قيمه المقاومه ودي ليها حل رااااائع جداااا وهوه تطبيق هتقوم بتحميله ع الموبيل وسهل جداااا وانا بستعمله شخصيا وهرفع التطبيق ف المرفقات نرجع لمشكلتنا بعد التاكد من كل المراحل دي ومفيش اي بور ع مخارج الدائره يبقي تلف ايسي البور وسعره رخيص جدااا

3-المشكله جميع مخارج فولتات دايره البور مرتفعه مثلا ال3 فولت بيدي 4 او5 او ال 15 فولت بيدي 18 او20 او المخارج كلها منخفضه مثلا ال3 بيدي 2 فولت و15 بيدي 11 فولت والكلام هنا لكل المخارج مش مخرج بعينه الحل سهل جداااا
*الحل* بعد تغيير مكثف ال450 فولت /10 ميكرو باخر وتغيير اي مكثف منتفخ الخلاصه بقي في مقاومه متصله بال TL431ومتصله بالارضي نغيرها بدون اي قياس وادي صور لمكان المقاومه

4-المشكله مخرج دائره البور مش مظبوط يعني مثلا ال3 بيدي 2 او 4 يعني منخفض او مرتفع عن قيمته المظبوطه والكلام هنا لمخرج واحد او اتنين مش جميع المخارج
*الحل* تغيير المكثفات المتصله بالخط اللي فيه المشكله
طب غيرنا المكثفات ونفس المشكله الحل هنا بقي ف مقومات الخط هتلاقي مقاومه متصله بالارضي وبخط الفولت تتغير بنفس قيمتها وادي صوره كمان

اخيرا وليس اخرا موضوع قياس قيمه المقاومه ودي بقي حلها سهل جداااا في تطبيق اسمه RESISTOR COLOR CODES وده تطبيق سهل جدااا تقدر تحمله ع التليفون اندرويد بتقدر تعرف بيه قيمه المقاومه سواء كانت 4 او 5 او حتي 6 باند كل اللي هتعمله هتلاقي او ماتفتح التطبيق الالوان اضغط ع اللون وهيفتح القائمه اختار لون المقاومه وهكذا في اقل من نص ثانيه هتلاقي القيمه مكتوب عندك وادي صورة التطبيق من الداخل

ليه بقي انا تاعب نفسي ف كل الدوشه دي مع اني من السهل جداااا اغير دايره البور باخري جديده وسعرها كله 20 جنيه
كلام حلو ومظبوط وانا بالفعل عملت كده بس لقيت مشكله ف اكتر من ريسيفر بيجي الجهاز فيه عيب دايرة بور اروح بقي مغير الدايره باخري جديده تظهر بقي مشكله ملعووووووونه تلاقي بعض الترددات مش شغاله والبعض شغال تمام وده حصل ف اكتر من ريسيفر الزبون يقولي كان شغال كل الترددات تمام طبعا قولت المشكله ف ترانزستر الاشاره او مكثفات المتصله بترانزستر الاشاره المهم جربت كل شي ونفس الوضع ترددات شغاله والاخري لاء طب دايره البور الجديده بايظه جربت اكتر من دايره بور نفس الوضع بس ربنا الهمني بفكره طب ماتصلح الدايره الاصليه اللي كانت راكبه وبالفعل صلحت الدايره وجربتها كل الترددات اشتغلت تمام عشان كده في بعض الريسيفرات لازم دايرة البور تركب زي اللي كانت فيها مع انها نفس مخارج دايره البور الجديده بس هنقول ايه ريسيفرات ماشيه بدماغها
اتمني اني اكون وفقت ف الشرح لحضراتكم واسف جدااااا ع الاطاله
واخيرا تطبيق معرفه قيمه المقاومه وده للتليفون الاندرويد
اضغط هنا

تامر مسعد · #2 2018/09/13, 07:03 PM

اقتباس:

المشاركة الأصلية كتبت بواسطة احمد مروان محمد

سلام عليكم الموضوع تم نشره هنا
http://www.masrawysat.com/vb/showthread.php?t=2947059
وبعتذر لو اخطات ف مكانه

تم مسح المشاركه المقتبسه الخاصه بك ووضع المقصوده مكانها
وحاول فى المره القادمة تصغير الصورة شويه
وجزاك الله خيرا

احمد مروان محمد · #3 2018/09/13, 09:10 PM

اقتباس:

المشاركة الأصلية كتبت بواسطة تامر مسعد

تم مسح المشاركه المقتبسه الخاصه بك ووضع المقصوده مكانها
وحاول فى المره القادمة تصغير الصورة شويه
وجزاك الله خيرا

اشكر مرور حضرتك الاكثر من رائع وبعتذر للمره التانيه عن الخطا ف المكان وان شاء الله هيتم تعديل حجم الصور ف المشاركات القادمه تحياتي لحضرتك

تامر مسعد · #4 2018/09/13, 09:12 PM

تسلم يا هندسه
ان شاء الله هعدل الحجم بس شغال الان

Omar Fathey · #5 2018/09/13, 09:24 PM

اقتباس:

المشاركة الأصلية كتبت بواسطة تامر مسعد

تسلم يا هندسه
ان شاء الله هعدل الحجم بس شغال الان

شكرا للستاذ تامر وكنت لسه بكتب طلب تصغيرالحجم وشكرا لصحاب الموضوع على المعلومات القيمه

كرم جمال · #6 2018/09/13, 09:34 PM

موضوع ممتاز بارك الله فيك

احمد مروان محمد · #7 2018/09/13, 09:35 PM

اقتباس:

المشاركة الأصلية كتبت بواسطة تامر مسعد

تسلم يا هندسه
ان شاء الله هعدل الحجم بس شغال الان

ربنا يبارك فيك ومتشكر جدااا لتعب حضرتك بس اعذرني لاني عامل الموضوع من ع التليفون فاعذرني تحياتي لشخصك الكريم

احمد مروان محمد · #8 2018/09/13, 09:37 PM

اقتباس:

المشاركة الأصلية كتبت بواسطة Omar Fathey

شكرا للستاذ تامر وكنت لسه بكتب طلب تصغيرالحجم وشكرا لصحاب الموضوع على المعلومات القيمه

اشكر مرور حضرتك الطيب تحياتي لحضرتك

محمد ياسر ابوكارما · #9 2018/09/13, 10:12 PM

تسلم يا هندسه

samir fathy · #10 2018/09/13, 10:34 PM

موضوع ممتاز

احمد مروان محمد · #11 2018/09/14, 12:49 AM

اشكر مرور حضرتك استاذ سمير فتحي الاكثر من رائع
والاستاذ محمد ياسر الاكثر من رائع تحياتي ليكم جميعا

احمد مروان محمد · #12 2018/09/14, 12:52 AM

اقتباس:

المشاركة الأصلية كتبت بواسطة تامر مسعد

تسلم يا هندسه
ان شاء الله هعدل الحجم بس شغال الان

شكرا جزيلا لحضرتك لتعديل الموضوع بصراحه مكنتش هعرف اعمل موضوع زي كده كل الشكر والتقدير لحضرتك استاذ تامر

وجزاك الله كل خير

hagar · #13 2018/09/14, 01:51 AM

جزاك الله كل خير

Mr.Mohamed Fatthy · #14 2018/09/14, 02:23 PM

جزاك الله خيراً

ABo 3AHD · #15 2018/09/14, 03:07 PM

تسلم ايدك اخي بارك الله فيك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ممكن قيمه المقاومة دى	اسلام2010	صيانة التليفزيون	5	2019/05/30 11:57 PM
بعض مشاكل وحلول دائرة البور	احمد مروان محمد	الأعطال و الصيانة الريسيفرات الصينية	14	2018/11/17 05:51 PM
شاهدت الفيديو حل مشاكل دائرة البور هيروشيما فرخن 4 القديم قطيع اشار	ابواحمد2009	صيانة الريسيفر	1	2014/11/10 11:02 AM
مشكلة الاشارة في رسيفر رويال سكاي قطع اشارة لواحدة غيرت ترنزستورات الاشارة وغيرت 1000 فولت علي 25 في دائرة البور ونفس المشكلة لوحظ وجود زنة في دائرة البور تختفي لما اوصل دائرة البور	سيد شندي	صيانة الريسيفر	3	2014/07/10 02:47 AM
برنامج لمعرفه قيمه المقاومه	طه سعيد	صيانة التليفزيون	7	2010/06/22 08:54 PM