[حماد]

الكثير من اخواننا. يعانى كثيرا من عدم ضبط المدار بتاعه ..

يعنى ممكن الفنى يجى ويضبط اقمار واقمار لا.. ويقول لنا كده المدار على الشعرة وبعد ما يمشى نجد الكارثة والمصيبة ان المادر ما فيش اصلا..


لذا خطرت ببالى فكرة .أن اجميع الطرق المشهور فى المنتدى للاخوة الكرام .ابراهيم مصراوى. طارق السقا. ناصر فارس. عادل عامر. .

والموضوع ايضا. عرفانا لهم بتميزهم وتالقهم فى هذا المجال..



نبدا على بركة الله ..

اولا: طريقة الاستاذ الفاضل ابراهيم مصراوى..



. - ضبط قمر منتصف القوس وهو العرب سات 30 شرق
ويتم التضبيط على التردد.

10924
h
.17000
ولابد ان تأتى باعلى اشاره للتردد.



2 - الذهاب الى عرب سات 26 شرق ويتم التضبيط على التردد
11747
v
27500
ويجب عليك احضار اكبر قدر من الاشاره يصل الى 98%.



3 - الذهاب الى النايل سات 7 غرب وان لم تجد اشاره عليك بتحريك البولار ناحيه اليمين وانت خلف الطبق عندها سوف تجد اشاره ممتازه للقمر
عند توافر اشاره ممتازه لهذه الاقمار هنا عليك بتربيط البولار جيدا
ثم عليك التشييك على استرا 19 واسترا 28 والهسبا
وان وجدت فيهم اشاره ضعيفه هنا عليك التعامل مع مسمار الميزان للخفض والرفع..




ثانيا: طريقة الاخ طارق السقا..

قم بتركيب الاستاند على ميزان و ركب الطبق و اظبطه على الاقمار التاليه

اقوى تردد للنايل سات 7 درجه غرب

11747
عمودى
27500



اقوى تردد للقمر الاوربى 13 درجه شرق

11747
افقى
27500




اقوى تردد للعرب سات 26 شرق

11747
عمودى
27500



هات على النايل سات اشاره و اطلع بالطبق على العرب سات 26 هات اشاره عليه هو ايضا
جمع اشارات على القمرين ملحوظه عند وجود اشاره على العرب سات ستجد لا يوجد اشاره على النايل سات
تعمل ايه يا غالى لف البولار شويه بسيطه ناحيه الغرب و انت خلف الطبق ستجد اشاره على القمرين
وبعد كده جمع اعلى اشاره على القمرين النايل و العرب 26 شرق و اربط طبقك يا غالى بهذه الطريقه
تم ضبط المدار بالكامل معاك من الهسباسات 30 درجه غرب حتى ابستار 75 شرق..




ثالثا: طريقة الاخ ناصر فارس..

اولا تركيب الاستاند ويجب ان يكون موزون لضمان استقبال جيد


لظبط الطبق نقوم بتوجيهه على عرب سات تردد 11747



ثم نتجه الى النايل ونفس التردد واعلى اشاره للقمرين

وتكون تقريبا بنفس القوه اى من 90% الى 100%على

القمرين فى الاطباق الكبيره



ثم نتجه الى عرب سات 2bو نقوم بظبطه على التردد10924افقى 1700
الى ان نلتقط اعلى اشاره ويجب ان يكون البولار والطبق فى

وضع مستقيم لان هذا القمر هو منتصف قوس الاقمار



وبعد ذلك نربط مسمار رفع وخفض الطبق

ولانستعمله بعد ذلك الا فى اضيق الحدود

وبعد ان نأتى باعلى اشاره نقوم بربط خفيف للطبق

ونتجه بالطبق الى التركى

وعلى التردد 11747 افقى

ولكن لاتوجد اشاره

هنا يبدأشغل البولار نحركه ملليمترات فى اتجاه التركى

الى ان تظهر الاشاره




ثم نتجه الى الهسباسات على التردد12303عمودى 27500

ونقوم بظبطه على اعلى اشاره



الى ان نجمع اعلى الاشارات للقمرين التركى والهسباسات
وكده بيكون مدار الاقمار مظبوط

ونقوم بربط جميع المسامير جيدا

نقوم بتركيب الموتورمع ملاحظة ان يكون الموتور على الاخر حتى


يستطيع التقاط الهسباسات 30 درجه غربا وايضا الى
lmi فى 75 شرق


ثم نقوم بتركيب سلك الموتور مثلا اللون الاخضر والازرق



يتركبوامع فردتين الارضى والكهربا ونعرفهم منين بيكونو فردتين ذات سمك اكبر او محملين
اما فردتين السينسور بيكونو رفيعين يركب فيهم الفردتين الباقيين احمر

واصفر وبعد ذلك نركب الاخضر والازرق فى m1 وm2 وببدأ بتخزين الاقمار...



رابعا: طريقة الاخ عادل عامر..

تعالى على قمر اكسبريس تردد 12073 v27500 وهوى البولار مسامير البولار وحرك سنة بسيطة يمين وسنة شمال وتابع الاشارة وبعدها اربط مسامير البولار واذهب لقمر من اقمار منتصف القوص واظبط ميزان الطبق
مسمار ارتفاع وش الطبق..




خامسا واخيرا. طريقة اخوكم حماد..وهى طريقة بدائية . ولكن احببت ان اذكرها لعلها تنفع حد ..ابقى كسبت فيه ثواب..ههههههه



اولا ناتى على العرب سات 30شرق ونكتب التردد

10924
h
17000
ونجيب اعلى اشارة له..


وبعدين ونحن على نفس القمر نحاول نلتقط التردد ده..



ونجيب اعلى اشارة له .. من خلال مسمار الميزان .. او رفع القطعة وخفضها..

كده سوف تكون اقمار الشرق والغرب معاك موجودة بنسبة 90%

ثم نذهب الى استرا19شرق.. ونكتب التردد ده..


ونجيب اعلى شارة له..



ثم نكتب التردد 12226افقى 27500 على نفس القمر . ونحاول التقاطه..

وبعدين تراجع بقى على اقمار الغرب والشرق ستجد المدار معاك بفضل الله 100% مضبوط..



وفى الختام ارجوا ان اكون وفقت فى مساعدة اخوانى الاحباب اعضاء المنتدى الحبيب .. مصراوى سات...

[NOOR SAT]

الف شكر اخى حماد ..

الراجل اللى فى الصورة وحشنا ..



كن بييجى على الناس والحافظ ..

معاه ربنا بقة ..

[حماد]

المشاركة الأصلية كتبت بواسطة NOOR SAT

الف شكر اخى حماد ..

الراجل اللى فى الصورة وحشنا ..



كن بييجى على الناس والحافظ ..

معاه ربنا بقة ..

مش اللى فى بالك يا غالى.. ده الشيخ يوسف استس رحمه الله ..مسلم امريكى وداعية اسلامى مثل احمد ديدات ..

اما اللى ببالك كان الراجل الحاذق الفاضل صاحب البصيرة الربانية .. الشيخ .حازم صلاح ابو اسماعيل فك الله اسره ..

[asados]

اشكرك اخى حماد على هذه الموسوعة المحترمة والشاملة
ولا داعى لاقحام السياسة فى العلم فهومايقلل من قيمة الشىء

[حماد]

المشاركة الأصلية كتبت بواسطة asados

اشكرك اخى حماد على هذه الموسوعة المحترمة والشاملة

الشكر لله يا غالى .. وشاكر جدا مرورك يا غالى ....كل عام وانت بخير..

[shaltotan]

بارك الله فيك وجزاك الله خيرا استاذ حماد

[حماد]

المشاركة الأصلية كتبت بواسطة shaltotan

بارك الله فيك وجزاك الله خيرا استاذ حماد

واياكم اخى وكل عام وانت بخير...

[mohamed gamal20]

انت‏ ‏بابرنس
كل‏ ‏سنه‏ ‏وانت‏ ‏طيب

[المتر 28]

موضوع ممتاز وان شاء الله حجربه بعد كاس العالم .. مشكور على مجهودك الرائع

[حماد]

المشاركة الأصلية كتبت بواسطة mohamed gamal20

انت‏ ‏بابرنس
كل‏ ‏سنه‏ ‏وانت‏ ‏طيب

المشاركة الأصلية كتبت بواسطة المتر 28

موضوع ممتاز وان شاء الله حجربه بعد كاس العالم .. مشكور على مجهودك الرائع

بارك الله فيكم جميعا.. وكل عام وانتم بخير...

[msm123]

بارك الله فيك اخى الكريم

[msm123]

فيه سوال اخى حماد انا استقبل الترددات المزكوره ولاكن لا استقبل تردد الاسترا

12226

ما العمل هل الطبق على تلك القمر عايز يعلى لفوق شويه بكده هيكون المدار كله تمااااااااااااااااام على كلامك

[farasm]

بارك الله فيك اخى الكريم

[richard2006]

موضوع مميز من أنسان فااااااضل جزاك الله كل خير يا باشا ويستاهل تقيم 5 نجوم يا غالي
وفي أنتظار المزيد من مواضيعك القيمه والمتميزه دايما (مع الشكر للاساتذه الكرام) بالتوفيق

[باسم عادل]

يا استااااااذ حماااااااااد
ارفع لك القبعه
موضوع مميز جدااااااا
شكرا على مجهودك
فى جمع الموضوع
و شكرا على امانتك فى النقل
و كمان الف شكر على طريقتك فى الضبط
لانها برضه مميزه
و اهدى باقة ورود عطره
لكل من الاستاذ ابراهيم مصراوى
و الاستاذ عادل عامر
و الاستاذ طارق السقا
و الاستاذ ناصر فارس
بفضل الله و فضلكم
عرفت و اتعلمت ازاى اضبط المدار باحتراف
جازاكم الله كل خير على ما قدمتموه لناااا