[tarekalsaeedy]

يوجد تردد على قمر يفتح بين أوت وبين سبورت على اى رسيفير اتش دى ارجو الإفادة من فضلكم إيه التردد وعلى اى قمر

[م/محمدزيان]

اخى طارق الغالى فينك من زمان
الخاصية اسمها ip to sat
ودى خاصة بريسيفرات معينة بيتم استقبال تردد معين على الهوتبيرد وبعدها تدخل على الخاصية وتشغل القنوات على النايل سات بس فى الحقيقة القنوات كدا بتشتغل بنظام **** ولازم لها سرعة عالية لضمان ثباتها وعدم تقطيعها يعنى مش حاجة مميزة ولا حاجة من وجهة نظري
ولو مش دا ال قصدك علية ياريت توضيح اكتر علشان اعرف ابحث لك فى الموضوع

[tarekalsaeedy]

اخى العزيز محمدزيان وحشتنى بجد والشكر والتقدير والاحترام لك على الاهتمام الموضوع كنت في محل هنا فى مصر بيفعل اشتراكات بين سبورت وقال أنا أجيلك وشغلك بين سبورت والبين أوت على اى رسيفر اتش دى وأخذ 500 جنيه قلت فرجنى على القنوات عندك شفتها ومنها باقه الأفلام للبين سبورت فقلت انت هتتنى رسيفر يشغلها قال على الرسيفر عندك انا هاجى اركب عندك طبق و عدسه وشغلها ولما عرف أنا أعرف اركب الاطباق رفض وقال إنت هتعملها للناس وتكسب منها رفض يجى لما عرف انا فاهم فيها انا لمحت التردد وهو بيفرجنى التردد 12637H26000بس مش عارف على اى قمر هذا هو الموضوع وانا شوفت يعينى وعلى فكره بدون نت إشتغلت فقلت أعرف منكم ربما المعلومه عندكم اسف للاطاله

[م/محمدزيان]

طب كنت صبرت شوية اخى طارق لما تشوف العملية تمت ازاى بس على العموم انا بحثت عن الموضوع وملقتش اى حاجة خاصة بية
وممكن على ما اعتقد انه نصب لان القنوات على بدر 26 شرق وكمان بصيغة H265 يعنى شبة مستحيل انها يتم استقبالها على اى جهاز مش بيدعم الخاصية دى وانا اقصد طبعا قنوات البى اوت
طب فرضا ان فى تردد تانى على قمر تانى مش كان تم التنوية عنه على الاقل فى مواقع الترددات العالمية
اخى طارق مش عارف اصدق الراجل ال قالك وبالاخص انك شوفت القنوات
ياريت لو تحاول تفتكر اى حاجة تانية غير التردد او عمل اية علشان يشغلها وكمان هل فتح الريسيفر وفت القنوات علطول على الريسيفر والا شغالها عن طريق بلجن او برنامج ياريت تفاصيل اكتر لو تفتكر

[tarekalsaeedy]

كل مافعله اخرج الرسيفر وكتب التردد على القمر التركى 42 شرقا وبحث ونزلت القنوات لاكن ممكن هو اختار القمر تمويه على الرسيفر والقمر على الطبق فى اتجاه غير التركى

[tarekalsaeedy]

ممكن تكون العدسه مش سي بنت يعنى نوعيه مختلفه لالتقات التردد أنا مش عارف بصرآحه أنا أحاول أرسل صديق للرجل كى يجى يركبله الطبق وضبط القمر ويشغله وبعدين أروح أعرف اتجاه القمر و نوعيه العدسه ربنا يسهل

[م/محمدزيان]

ان شاء الله
بس ما تبخلش علينا بالمعلومة وتطلب مننا 500 جنية أخى طارق
هههههههههه
فى انتظارك ياغالى عن قريب إن شاء الله

[tarekalsaeedy]

عينى لك ربنا يسهل

[م/محمدزيان]

الموضوع اخى طلع بث شبكة ارضية لاسلكية
زى الدش المركزى بس لاسلكى ودا معروف جدا
بس انا اشك ان الاخ سألك عن مكانك ومحافظتك
وياريت تحدد مكانة ومكانك هنا فى الرد
ولو مسألكش عن مكانك ومحافظتك وهو بعيد عنك فدا له تفسير تانى والله اعلم
ياريت متتأخرش انك تبعت له صاحبك ويستفسر منه بدون ما يلاحظ
فى انتظارك اخى

[جلجل88]

فين المحل ده يا باشا

[السيد الوحش]

موضوع شيق ههههه متابع معاكم

[شادى صلاح]

فين المحل ده يا باشا

[م/محمدزيان]

المشاركة الأصلية كتبت بواسطة جلجل88

فين المحل ده يا باشا

المشاركة الأصلية كتبت بواسطة شادى صلاح

فين المحل ده يا باشا

الاخوة الكرام ممنوع منعا باتا ذكر اسم محلات او ارقام تليفونات او صفحات فيسبوك او مواقع شخصية او ربحية لعدم التعرض للايقاف
وشكرا لكم

[atiaf]

ما تجرب تبحث ع التردد ده ع القمر التركي

[م/محمدزيان]

الاخ طارق تقريبا اتضح انها شبكة ارسال ارضية وبيتم استقبالها عادى على اى ريسيفر hd لكن لها مناطق معينة