[مح مصطفى مد]

رايح تشتري شاشة .......خد بالك !!!
- الشاشة مش كام بوصة وخلاص ........ده كان زمان..... لكن مع الشاشات الاهم ثم الأهم المواصفات وأوعى تفتكر الشاشة حسب حجم الشاشة وخلاص ...
خد بالك الشيطان يكمن في التفاصيل..... الأهم مواصفات الشاشة!!!!!
المواصفات الضرورية اللى لازم تكون موجودة:
1- جودة الشاشات إما:
HD Redy
full hd
4k
الأفضل بالترتيب 4k يليها full hd وبلاش HD Redy
2- أن تكون الشاشة تدعم البث الرقمي الارضي DVB-T2 هذة خاصية مهمة .
3- اسأل عما يسمى سرعه التردد والحركة Refresh Rate قيمته تكون 60 او 120 او 240 هرتز - كلما زاد الرقم زاد معدل تحديث الصورة وبالتالى تكون الصورة أفضل .وبخاصة في مباريات كرة القدم وأفلام الحركة.
4- عدد مخارج الشاشة ومداخلها

- فيه شاشات ثري دي وفوركى بس اسأل نفسك هل أنا محتاج المواصفات دي ؟!!! وهل فيه قنوات تبث بهذه الصيغ؟!! وهل هناك افلام الثري دي متوفرة أصلا؟!! وخد بالك تصنيع الشاشات الثري دي وقف تماما!!!!!ومحدش بيصنعها الوقتي !!

- اشتري شاشة من ماركات عالمية SONY أو LG h أو SAMSUNG أو Hisense أو Skyworth ويفضل التصنيع الكوري إن وجد وابعد عن الأسماء الغريبة لأنها مجرد أسماء لن تجدها إلا في مصر حتى ولو سعرها حلو وخليك فاكر المثل اللى بيقول "الغالى تمنه فيه " بس الفكرة مش في الثمن ....الفكرة في الضمان والدعم الفني لها علشان لو حصل للشاشة حاجة تعرف تصلحها ....رغم أن إحنا عارفين أن الحاجات دي في مصر حاجة تقرف !

وخد بالك لو سألت أى واحد بيبيع شاشات أو سألت واحد صاحبك هيحاول يقنعك بنوع الشاشة اللى عندة ويقولك ممتازة وحمارة شغل وصورتها روعة !!! ادخل النت وشوف المواصفات وقارن بين الامكانيات والسعر .

- عاوز شاشة سمارت لازم يكون عندك سرعة نت كويسة وتكون بتعرف تتعامل مع تطبيقات النت.تجربة وجود شاشة سمارت شئ مميز جدا

- الانتاج المصري من الشاشات وبخاصة LG و السامسونج فيه مشاكل بسيطة فو لقيت شاشة كوري او تركي أو تايلاندي امسك فيها بايديك وسنانك

- الشاشة في المحل بتكون صورتها خرافة بس خد بالك اللي بيعرضوه في المحل دي مادة مسجلة بمواصفات ممتازة جدا جدا علشان لما تاخد الشاشة البيت متقولش دول ضحكوا عليا.

- الشاشة المحترمة بتحتاج ريسيفر محترم يتوصل في الشاشة ومتعملش زي اللي بوظ طبخة حلوة علشان بقرش ملح وكمان لما توصل الشاشة وصلها بوصلة اتش دي بلاش توصلها بوصلة الاديو فيديو علشان الصورة تبقى أحلى

الحفاظ على الشاشة :
خلاص اشتريت ...مبروك.... بس خد بالك الشاشات حساسة جدا فيجب الحفاظ عليها والاعتناء بها:
1- يفضل ان يتم تعليق الشاشة علي الحائط وان يكون هناك فاصل للتهوية بين الحامل والشاشة وياريت يكون بينها وبين الحائط مسافة لا تقل عن 10 سم أو أكثر!!! وكمان علشان لو حبيت توصل الشاشة بريسيفر او جهاز ألعاب أو هارد .

2- عدم مسح الشاشه بأى سائل غير السوائل المخصصه لذلك.عند محلات الكمبيوتر سائل لمسح شاشات الكمبيوتر

3- أسوأ شيء للشاشات تعرضها للاهتزاز كثيرا وبخاصة من جانب الأطفال فهذا يدمر الشاشة في شهور قليلة ويجعل عمرها الافتراضي اقل .

4- تثبيت فيشة الشاشه بأحكام حتى لا تفصل من الكهرباء من تلقاء نفسها والكهرباء الواصلة للشاشة يجب أن تكون بشكل منفرد بعيدا عن فكرة المشترك وده هام جدا ويفضل للحفاظ علي الكهرباء الداخلة للمنزل استخدام منظم كهرباء لان مشاكل الكهرباء تنهي الشاشات في شهور معدودة وطبعا الكهرباء عندنا في مصر بتدخل البيت أقل من المفروض

5- لو حصل حاجة للشاشة بعد ما اشتريتها واتصلت بالتوكيل ولم يلتزموا قم بالاتصال بجهاز حماية المستهلك على رقم 19588 واشرح لهم تفاصيل المشكلة ومكانهم بالمهندسين 96 شارع أحمد عرابى, بس لازم يكون معاك الفاتورة . واعرف أن حسب القانون يمكن تغيير الشاشة إذا كان العيب في خلال 14 يوم من الشراء
الموضوع منقول للاستفاده

كـــــــــل عـــــــــام و انتم بخيــــــــــــــــــر

[abdol maher]

شكرا جزيلا

[عبدالسلام شعير]

كلام جميل جزاك الله كل خير

[محمود سالم الاسكندرانى]

بارك الله فيك

[hazzuma]

المشاركة الأصلية كتبت بواسطة مح مصطفى مد

الأفضل بالترتيب 4k يليها full hd وبلاش HD Redy
2

جدير بالذكر انه مفيش 4K ولا حتى Full HD فى الشاشات الصغيرة الحجم,زى ال 24 بوصة وال 32 بوصة أيضا,,,سقط سهوا منك (عشان الموضوع منقول) موضوع البث الأرضى الرقمى للشاشات,,,تحياتى

[م.عصام العوامى للصيانه]

بارك الله فيك اخي الكريم
و كل عام و أنتم بخير

[أحمد أبو ابراهيم]

بارك الله فيك

[Ahmed Eshish]

كلام جميل والله ...حرام الناس تدفع فلوس في حجم بس وانواع تعبانة وصورة وحشة مع العلم ممكن تشتري بنفس الفلوس حاجة انضف بس حجم اصغر بس نفسيتك هتبقي مرتاحة لانك هتلاقي فلوسك في جودة ممتازة ونفسية مرتاحة

[Ahmed Eshish]

المشاركة الأصلية كتبت بواسطة hazzuma

جدير بالذكر انه مفيش 4K ولا حتى Full HD فى الشاشات الصغيرة الحجم,زى ال 24 بوصة وال 32 بوصة أيضا,,,سقط سهوا منك (عشان الموضوع منقول) موضوع البث الأرضى الرقمى للشاشات,,,تحياتى

استاذ حازم ...علي فكرة فيه شاشات 24 بوصة full hd زي الشاشة دي ماركة benq هي شاشة زمن استجابتها 1ms وتردد 75 هرتز هي اساسا للكمبيوتر بس فيها سماعات وتشتغل عادي علي الرسيفر سعرها 2500 ونوع ممتاز وماركة عالمية صفحتها علي جوميا https://www.jumia.com.eg/ar/benq-gl2...-11751099.html
وبالنسبة ل 32 لسة شاريها لاخويا سامسونج موديل 5300 full hd برسيفر داخلي ودي صفحتها علي سوق ب 3700 جنيه
https://egypt.souq.com/eg-ar/samsung...ck-37533741/i/
وتحياتي لحضرتك

[hazzuma]

انا شفت مواصفات موديل N5300 على موقع سامسونج مصر،،،بالطبع،،ليست Full HD ،كما توقعت,,,قد يكون موديل مشابه، المهم المكتوب عندك على الكرتونة،،،عموما ،ألف مبروك ،لأخو حضرتك،،،وعقبال ال 43 بوصة،مريحة للعين أكتر،ورائعة فى مباريات الكرة،وغيرها،،،إبن عمى معاه بطاقة،،،ههههه،،،،أقصد بتفرج عند واحد صاحبى،،،مجرد دعابة،،،أما بالنسبة لشاشات الكمبيوتر،وضعها مختلف شوية،وأتفق معك بالطبع فى وجود شاشات 24 بوصة من نوع Full HD،وشغال بيها (سامسونج) منذ عدة سنوات ،(ملحوظة،كلامى كان على التلفزيونات وليس شاشات الكمبيوتر)،وشكرا لمتابعة حضرتك،تحياتى

[Ahmed Eshish]

فعلا كلام حضرتك موديل 5300 في 32 hd
اما في 43 full hd وفكرت ان ما دام الفاميلي واحد فهيكون نفس full hd.. طيب ايه السبب ان هم اقل حاجة full hd 43؟
وتحياتي لحضرتك...

[Ahmed Eshish]

فعلا كلام حضرتك موديل 5300 في 32 hd
اما في 43 full hd وفكرت ان ما دام الفاميلي واحد فهيكون نفس full hd.. طيب ايه السبب ان هم اقل حاجة full hd 43؟
وتحياتي لحضرتك...

[$$ELLAMIRSAT$$]

بارك الله فيك

[hamdy1959]

مشكور على النقل ... بارك الله فيك

[eslamshehata]

شكرا علي المعلومات القيمة دي