[mahmoud_rs]

السلام عليكم
تجربة البث الرقمى وشوية معلومات
فيه ناس كتير الاريال مبيجبش معاها اشاره ...
بص ياسيدى الحل انك تشوف اقرب محطة بث ليك فين وتعرف التردد بتاعها والتردد بيبقى بالكيلو هرتز هاتقسمو على الف هايبقى بالميجا هرتز وتدخل الموقع ده تحط التردد فى اول خانه واضغط calculate هايحسبلك تقسيمة الاريال اللى هاتعمله وهنستخدم فيها الخانه التالته Half Wavelength in Inches ودى طبعا بالانش هنضربها فى اتنين ونصف هاتتحول لسنتى متر وزود واحد سنتى وخد مقاساتك على كده وان شاء الله يشتغل تمام لكن لو انت بعيد قوى لازم توجه الاريال وتثبته انما لو قريب فبدون توجيه والسلك اللى تستخدمه فى تصنيع الاريال يكون نحاس او المنيوم او قصدير اللحام انا عن نفسى عملته كده بس عشوائى واشتغل تمام وجايب تردد ٣٢ و٣٦ زى ما هتشوفو فى الصور واستخدمت سيخين حديد وتنتهم تنيتين بالمقاس اللى حسبته على الموقع وحطتهم على خشبه ورميته فوق السطح والحمد لله الانالوج شغال تمام والديجتال شغال تمام تردد ٣٢ و ٣٦ ولو حركته وظبطه تردد ٤٢ هايشتغل
معلومات على السريع
قطعة الاستقبال gigabyte u8000 dvb-t&analog
قطعة الاستقبال تعمل عل usb الكمبيوتر او اللاب
السلك المستخدم سلك الدش وجاك
المسافه لمحطة البث حوالى ٦٠ كيلو
شغال ١٣ قناة انالوج
شغال ١١ قناة ديجتال
شغال ٢٩ قناة راديو
البرنامج المستخدم progdvb & presto pvr
الاريال فى الدور الثالث
ملاحظه : تايم سبورت شغاله dvb-t عادى جدا مش شرط dvb-t2
ملحوظه كمان : قطعة الاستقبال تشتغل على الموبيل والاندرويد عموما والكمبيوتر
ملحوظه كمان: لو شغلت قطعة الاستقبال على usb الامامى بتعلق والاشارة بتروح وتيجى وده بسبب ضعف البور للusb الامامى وشغال على الخلفى تمام
ملحوظه كمان : البث الانالوج لم يعمل عند اختيار البلد مصر ولكن يعمل عند اختيار البلد تركيا او قطر ..
ملحوظه رابعه : تردد ٣٢ عالى جدا فى القاهره الكبرى
ملحوظه كمان : التايم سبورت اشتغلت على الانالوج
ملحوظه كمان : قطعة usb شاريها مستعمله ومفيش منها جديد لانها قديمه وبتشتغل عل اى جهاز حتى لو امكانياته مش عاليه
ملحوظه كمان : كل ما ترفع الاريال لاعلى هاتجيب اعلى اشاره
سؤال : ليه القناة بتجيب صوت ومبتجبش صوره على بعض الشاشات طالما بتشتغل dvb-t ؟
الاجابه : القناة شغاله بجودة 1080i يعنى لازم السوفت وير والهارد وير للشاشه او الجهاز يدعم ذالك وقادر على التشغيل وممكن تعمل تحديث لو ينفع
الموقع المستخدم اهو
https://www.qsl.net/kd4sai/antencal.html
منقول ... للمشاركة ونقل الخبرات

[انس رمضان]

ياهندسه تقولي طريقة عمل الاريل بتاعك عشان نعمل زيه