[dedo57]

ازيكم يا شباب، اشتريت شاشة 55 بوصة 4k ومحتاج ريسيفر يكون سعره معقول اشتريه النهاردة، ممكن ترشحولى ريسيفر HD mini

[harby1210]

بصراحه كل الاجهزه ال mini التيونر يتاعها
تعبان وصورته على شاشة بالحجم دا مش ها تعجبك إلا القليل من أجهزة المنى زى ستارسات t14 بس للاسف سعره عالى فوق ال
1000 بشويه راعى عند شراءك ان جودة الصوره مرتبطه بالرسيفر قبل الشاشه

[dedo57]

المشاركة الأصلية كتبت بواسطة harby1210

بصراحه كل الاجهزه ال mini التيونر يتاعها
تعبان وصورته على شاشة بالحجم دا مش ها تعجبك إلا القليل من أجهزة المنى زى ستارسات t14 بس للاسف سعره عالى فوق ال
1000 بشويه راعى عند شراءك ان جودة الصوره مرتبطه بالرسيفر قبل الشاشه

تسلم يا غالى مفيش حاجة فى حدود 300 او 400 جنيه وتفى بالغرض

[harby1210]

لو عايز حاجه بسيرفر خليك فى السيناتور
ما بين 500 إلى 600 تقريبا ولو محتاج أقل يبقا
كيوماكس h6 فى حدود 350 تقريبا
ولو مش عايز حاجه بالنت يبقا اى حاجه تيجى قدامك خدها لأنهم كتير وتحت ال 200
وزى ما قلتلك الصوره مش ها تعجبك اوى
وانتظر رأى الاساتذه الأفاضل يمكن يكون فى الأفضل من كده مع انى بلاحظ أن كله بيشكر
فى الجهاز اللى عنده مهما كان حتى لو به عيوب وياريت اللى يرد يحط فى الاعتبار حجم الشاشه

[dedo57]

المشاركة الأصلية كتبت بواسطة harby1210

لو عايز حاجه بسيرفر خليك فى السيناتور
ما بين 500 إلى 600 تقريبا ولو محتاج أقل يبقا
كيوماكس h6 فى حدود 350 تقريبا
ولو مش عايز حاجه بالنت يبقا اى حاجه تيجى قدامك خدها لأنهم كتير وتحت ال 200
وزى ما قلتلك الصوره مش ها تعجبك اوى
وانتظر رأى الاساتذه الأفاضل يمكن يكون فى الأفضل من كده مع انى بلاحظ أن كله بيشكر
فى الجهاز اللى عنده مهما كان حتى لو به عيوب وياريت اللى يرد يحط فى الاعتبار حجم الشاشه

تسلم يا غالى تعبتك معايا، والله انا عايز صورة معقولة مش لازم حلوة اوى، انا عندى ريسيفير كيوماكس H3 الكبير الاسود وشغال زى الفل بقالوا سنين ومعنديش شكوى منه، بس حبيت اجيب مينى الشاشة هتتعلق، فخلاص هجيب ال H6 او H8 ويارب اسعارهم تكون كويسة فى باب اللوق

[محمد555]

عن تجربه فعلا على شاشه 55 الرسيفر هيفرق معاك جدا فى الصوره ان الاول جبت رسيفر منى نيكست 888صورته معقوله عاديه لكن لما غيرته لرسيفر عبد العال اتش 6 المنى الصوره ممتازه جدا وفعلا فرق جدا فى الصوره فانصحك هات رسيفر شوف صورته انت بنفسك او عن تجربه وانا مش بقول لك اشترى اتش 6 المنى عبد العال لكن بحكيلك تجربتى مع رسيفرين الفرق فى الصوره كبير

[hazzuma]

لو الشاشة سامسونج او LG ،يفضل ريسيفر أعلى من كدة ،لأنه حرام تجيب ريسيفر ب 300 لشاشة سعرها 8000 جنيه (أو أكثر) ،ولا تنسى انك بجميع الأحوال، محتاج ريسيفر داعم لل 4K (لإستغلال إمكانات الشاشة،فى المستقبل القريب)،وأسعاره تبدأ من 2200 جنيه زى ايكون مثلا،،،مرورا بالفيو بلص،و إنتهاء بالدريم بوكس الذى قد يصل الى 12000 !!! ،أما لو الشاشة جاك او جروهى،او اى ماركة مش غالية اوى،يمكن لحضرتك تجربة الريسيفرات رخيصة الثمن،ولو بشكل مؤقت،حتى الإستقرار على جهاز جيد،والف مبروك الشاشة،،،تحياتى

[م/ توفيق النجار]

ريسيفر ستارسات t30 مينى سعره على موقع سوق 800 جنيه .. فيه ***** فورايفر لمده 15 شهر .. ده ممتاز ان شاء الله

[MSINGER]

المشاركة الأصلية كتبت بواسطة م/ توفيق النجار

ريسيفر ستارسات t30 مينى سعره على موقع سوق 800 جنيه .. فيه ***** فورايفر لمده 15 شهر .. ده ممتاز ان شاء الله

اختيار تمام و سعرة كمان على مواقع التواصل وصل 700 جنيه مع اخر سوفت للجهاز اصبح به امكانيه توصيل كابل النت له مش واى فاى و 3G
فقط
و بالتوفيق

[dedo57]

تسلموا يا رجالة والله علي اهتمامكم

[hossam58992001]

زي ما جبت شاشة غالية هات رسيفر غالي علشان تتمتع بمشاهدة وصورة رائعة وشكرا