تنفيذتغييردراعات الطبق على الحواف بطريقه مختلفه وسهولةمعرفةطول الاذرع دون قياس

جوهركامل · #1 2017/12/28, 10:30 PM

بسم الله الرحمن الرحيم
السلام عليكم ورحمةالله وبركاته

تحياتى لجميع محبى المنتدى العريق مصراوى سات
من زائريين واعضاءواداريين

تم عمل تنفيذنقل دراعات الطبق على الحواف
الحقيقه اناجربت الطريقه المتداوله اوالمعروفه عندالبعض وهى طريقه ناجحه
ومشكوركل من جربهااوتحدث عنها
ومش حابب اذكراسماءخوفاانى انسى حد
=============

لكن النهارده طريقه مختلفه وربماالشكل يكون معروف عندالبعض
وانابطبعى اذامريت بتجربه تحدث عنهاغيرى من قبل اعطيه حقه بذكراسمه
لكن الراجل الاوربى ده انالااعرف اسمه كى اعطيه حقه

اعطيه حقه ليس بتصميم الدراعات لانى لااعرف هل هوالمصمم من عدمه
كنت امرعن طريق الانترنت فشاهدت الصوره السالف ذكرها
علماانى شاهدت من قبل احدالاطباق المحليةالصنع وكان طبق مترتقريبا
والحقيقه لن تسعفنى الذاكره لكى اتذكرمااسم نوع اوشركةالطبق المحلى الصنع
عامةجميع الاطباق اياكان نوعهافهى تصمم على حسابات اومعدلات اوربيه
##############

ناتى لمرحلةالتنفيذ ومن اى نوع صممت الدراعات
الحقيقه تقابلت من فتره مع صديقى محمدالديب(الديب الاسمعلاوى)
واعطانى ثلاثةاذرع سمكهارفيع جداليس لتركيبهاعلى الحواف بل اذرع عاديه
وهذه صوره مسبقه وهى راكبه على الطبق

الحقيقه عجبتنى جداوحسيت ان العدسه وكانهامنهاللحله
لكن المشكله نظرالضعف الخامه لاحظت اعوجاج باحدالاذرع
بس لمااشوفك يامحمد هههههه حبيبى تحيه لك
المهم اخوتى انابطبعى لوشكيت بسمارفى الطبق يسبب مشكله اغيره
وكانت التجربه بتقول ان فكرةالدراعات ده ممتازجدا
لذلك عندماعزمت على تنفيذنقل الدراعات على الحواف فكرت انهاتكون رفيعه
ولكن نوع يكون قوى شويه وخفيف وغيرقابل للاعوجاج
%%%%%%%%%%%%%%%%%

نوع خامةالاذرع
حضراتكم عارفين السابليونه
السابليونه ده السيخ اللى فى الشباك الخشب
تباع عندمحلات الحدايدوالبويات
هى والزاويه اللى هتشاهدونها الان بدل تنيات الطبق علشان تتلحم بالسابليونه
وذهبت عندالحداد وطبعا قطع منها اليد والجزءالملتوى من فوق ومن تحت
وتم لحام الزاويتين على حسب الطول والمسافات اللى قلت له عليه
وده الشكل لاحد الاذرع التلاته

وبالنسبه للزاويه فى نوعين واى واحده تفى بالغرض
الاولى كمابالصوره وهى الافضل لانهاعريضه ومحكمه مع الفلانشه
اسمها زاوية تحميل

والتانيه تفى بالغرض ايضا لكن اناافضل الاولى
ومن باب الاطلاع اوالعلم بالشئ
اسمها زاويةرجل كرسى
واليكم الصوره

&&&&&&&&&&&&&&&&&&&&

طريقةحساب اوطول الاذرع
الحقيقه كل اللى اناشاهدته ونفذته طول الدراع
المقياس من عند حافةالطبق الموازيه للاذرع القديمه الى الفلانشه

لكن ساعدنى ربناسبحانه وتعالى بكل بساطه طول الدراع على اى اساس
ركزوامعايافى النقطه ده
اناطبقى طوله من الحواف الداخليه220سم
لماتم قياس الدراع كم قلت كان طول الدراع حوالى104سم
ولماهنضيف التنيات حوالى6سم يبقى كده110سم
وطبعارقم110سم هومقياس نصف الطبق
ويطبق هذالقياس على طبق بنفس مواصفات طبقى العمق 40سم اياكان نوع الطبق وزياده 1او2سم مفيش مشكله نقدرنطلع اوننخفض بالعدس بصاموله

اسهل جزئيه مكان الثلاث ثقوب للدراعات علشان نربطهابالطبق
افضل شئ تعمله طالماهنغيرالدراعات
بالمره فك الحله وتعالج من الفتل
وبعدكده سنفرةالحله على خفيف لازالةالرايش اوالصدا وتنظيفهابسافوومياه

وتشدخيط من منتصف الحله وتعلم مكان الثقبين
ولازم الخيط يمرعلى منتصف الطبق على سنترالطبق
والثقب الثالث مابين الثقبين كمابالصوره بنفس المسافه بينهما
اناعندى المسافه 150سم وطبعاالمسافات تختلف من حجم طبق لاخر

يجب لحام الزوايا بالدراع لحام قوى
لتجدسهوله بثنى الزاويه ان احتاجنالذلك لتركب على الفلانشه والحواف بميل مناسب
ويجب اخذاحدالاذرع الاساسيه للطبق عندالحداد
حتى يتم ثقب الزاويتان للاذراع الجديده مثلهاحسب الابعادوالمواصفات
وثقب الزاويه اللى على الحواف مقاس مسماربصاموله13
وثقب الزاويه اللى هتركب من ناحيةالفلانشه مقاس مسماربصاموله10
????????????????????????

وهذه صوره للدراع على الحواف

وصوره اخرى الدراع على الفلانشه

وهذاهوالشكل النهائى للطبق

وده صورةحازم ابنى ادعوله ربنايهديه ويذاكربدل الدش والكلام الفاضى ده
ههههههههه

تم بحمدالله

ملحوظه اخوتى الكرام
الطريقتين ممتازيين وتم تجربتهم بنجاح الحمدلله
المهم توفيق ربناسبحانه وتعالى بالنتائج

ربناهوالوحيدوالعالم ان هذاالعمل تعبت فى ادايه
وهوعالم ان هذاالعمل مجهودشخصى
انامش طالب نياشين ولااجرعلى هذاالعمل
اناطالب كلمةحق لوجه الله

تحياتى
اخوكم
مسعدجوهرابوحازم
الله وكيلى ونعم المستعان

م /احمد جمال · #2 2017/12/28, 10:37 PM

•اللّـہ̣̥ ينور مشرفنا الغالي
ابو حازم

محمد شعيكه · #3 2017/12/28, 10:40 PM

اللهم صلي علي النبي ماشائ الله عليك حاجه تفرح صحيح تسلم ايدك وتسلم دماغك وموضوعك المتكامل والمصروف عليه بجد الله يبارك فيك اخي جوهر

محمد شعيكه · #4 2017/12/28, 10:43 PM

كمان وضع الدرعات كده مريخ جدا وسهل انك تتحكم في الفلانشه لانك قلبت الدارع العلوي راس المثلث لتحت فاصبح مثلث مقلوب سهل التحكم فيه حتي في الفك والتركيب ماشائ الله عليك

jetlin · #5 2017/12/28, 10:46 PM

والله ربنا يكرمك
ويديك الصحه انت وابنك
ربنا يوفقه باذن الله ويذاكر وينجح بأمر الله

تحياتي لك
وبأنتظار التجربه بعد التعديل

alzahed · #6 2017/12/28, 10:58 PM

بارك الله لولدك ولك
مجهود طيب
ملاحظة هامه
طول الذراع لايعتمد على القطر وحده
مع ثبات القطر يتناسب عكسيا مع العمق
كلما زاد العمق قصر الذراع والعكس

حسين عامر · #7 2017/12/28, 10:58 PM

بارك الله فيك عمل اكثر من ممتاز

محمد شعيكه · #8 2017/12/28, 10:59 PM

طيب انا كده محتاج ازود الدرعات شويه واي حد عنده انفرتو لازم يزود الدرعات كام سنتي يعني حضرتك لو طبقي من الحواف 220 بدل ما اخليه 110 بالتانيه اخليه 115 علشان اعرف اسقط الانفرتو ولا كلامي غلط منتظر ردك

جوهركامل · #9 2017/12/28, 11:40 PM

اقتباس:

المشاركة الأصلية كتبت بواسطة alzahed

بارك الله لولدك ولك
مجهود طيب
ملاحظة هامه
طول الذراع لايعتمد على القطر وحده
مع ثبات القطر يتناسب عكسيا مع العمق
كلما زاد العمق قصر الذراع والعكس

تحياتى لك اخى
كلامك سليم 100%مشكورعليه
لكن هى تتماشى مع اى طبق مواصفاته مثل طبقى بطول العمق والحواف
وربمابمواصفات اعلى اواقل وليكن5سم ربماتنفع
لكن علشان مفيش حديتلخبط تم الغاءهذه الجزئيه بالموضوع
مره اخرى بحييك للاضافه الصحيحه
تقبل تحياتى

جوهركامل · #10 2017/12/28, 11:44 PM

اقتباس:

المشاركة الأصلية كتبت بواسطة doka star

•اللّـہ̣̥ ينور مشرفنا الغالي
ابو حازم

تحياتى لك ابوحميدياغالى
ازداد الموضوع بريقالاهتمامك ومرورك
تقبل تحياتى

خالد الغمراوى · #11 2017/12/28, 11:51 PM

الله ينور ياحبيبي المصري في ايدك بقي امريكي يازملكاوي يامعلم خلي الاهلاوي يتجنن

شعوان الحربى · #12 2017/12/28, 11:52 PM

تحياتى استاذ جوهر و انا بحب الانسان اللى بيفكر و يشغل مخه

بس انا فى اعتراض على الشكل الجديد للدرعات

هوا بالنسبه للطبق ابو تلات درعات فى الصوره فدا طبق بيضاوى مش برايم فوكس مدور

وكل الاطباق البيضاوى الصغيره دراع واحد فى النص

و الاطباق البيضاوى الكبيره اكبر من متر بتبقى غالبا دراع واحد فى النص و دراعين فى الجمب يثبتوا اكتر دراع النص

الدرعات و الفلانشه مش بتضلل على الطبق و مش بتقلل اشاره الطبق البيضاوى لان الطبق مكفى لادام و القمر فوق

زى البرودلين 180 البيضوى بتاع زمان و التشنل ماستر 180 القديم

دى صور من الكتلوج الاصلى بتعهم هتلاقى هما برضو دراع واحد فالنص و درعين على الجمب

بخصوص الطبق البيضاوى فمينفعش اعمل 3 درعات او 4 زى طبق بريم فوكس المدور لانو مفيش منها فيده و تانى حاجه هتضلل على الطبق و تقلل الاشاره

الطبق بريم فوكس المدور بيبقى 3 درعات زى البركلبس 240 او 4 درعات زى dh 320

فى اى طبق بريم فوكس مدور الدرعات و الفلانشه بتضلل على الطبق و بتقلل الاشاره

الفكره كلها مبين 3 درعات او 4 درعات ان العدسه تكون فى البؤره سنتر صح من غير اى غلط

لما يكونوا 3 او 4 درعات العدسه فى اى اتجاه فى دراع قصدها يمنعها تبعد عن البؤره

عشن كده المفروض تكون المسافات بين الدرعات واحده من غير اختلاف

لما يكون دراع تحت و درعين فى الجمب ممكن العدسه تروح لفوق بعيد عن البؤره و نفس الحكيه الدرعات و الفلانشه هتضلل على الطبق و تقلل الاشاره

متهايلى عشن الفلانشه تثبت فى البؤره محتاجه دراع رابع من النحيه التنيه بس كدا هيضلل على الطبق دراع زياده

جوهركامل · #13 2017/12/28, 11:57 PM

اقتباس:

المشاركة الأصلية كتبت بواسطة محمد شعيكه

اللهم صلي علي النبي ماشائ الله عليك حاجه تفرح صحيح تسلم ايدك وتسلم دماغك وموضوعك المتكامل والمصروف عليه بجد الله يبارك فيك اخي جوهر

هههههه
مفيش مصروف عليه ولاحاجه بس ممنوع ذكراسعار
لكن للسهوله وتقريب المسافات الزاويه متقاربه مع سعرتذكرةالمترو
والسيخ 8تذاكر ههههههه

اقتباس:

المشاركة الأصلية كتبت بواسطة محمد شعيكه

كمان وضع الدرعات كده مريخ جدا وسهل انك تتحكم في الفلانشه لانك قلبت الدارع العلوي راس المثلث لتحت فاصبح مثلث مقلوب سهل التحكم فيه حتي في الفك والتركيب ماشائ الله عليك

الحقيقه اناعملت كده علشان العدسه ضخمه وبتخبط فى دراع الفلانشه
لذلك نزلت تحت بصاموله لاريحييةالعدسه بالبعدالمناسب

اقتباس:

المشاركة الأصلية كتبت بواسطة محمد شعيكه

طيب انا كده محتاج ازود الدرعات شويه واي حد عنده انفرتو لازم يزود الدرعات كام سنتي يعني حضرتك لو طبقي من الحواف 220 بدل ما اخليه 110 بالتانيه اخليه 115 علشان اعرف اسقط الانفرتو ولا كلامي غلط منتظر ردك

لااخى محمد
فى نقطه اناعدلتها فى الموضوع
طول الدراع ينطبق على اى طبق بمواصفات طبقى
العمق عندى40سم والطول من الداخل220سم
لوطبقك نفس مواصفات طبقى والعدسه انفرتو ممكن عادى تزود من3ل4سم

امالوطبقك متوافق مع طبقى فى الحجم الداخلى للحواف ومختلف فى العمق
غالباالطول هيكون متغير

لكن بسيطه قولى عمق طبقك كام واقولك طول الدراعات المناسب

محمد شعيكه · #14 2017/12/29, 12:09 AM

اقتباس:

المشاركة الأصلية كتبت بواسطة جوهركامل

هههههه
مفيش مصروف عليه ولاحاجه بس ممنوع ذكراسعار
لكن للسهوله وتقريب المسافات الزاويه متقاربه مع سعرتذكرةالمترو
والسيخ 8تذاكر ههههههه

الحقيقه اناعملت كده علشان العدسه ضخمه وبتخبط فى دراع الفلانشه
لذلك نزلت تحت بصاموله لاريحييةالعدسه بالبعدالمناسب

لااخى محمد
فى نقطه اناعدلتها فى الموضوع
طول الدراع ينطبق على اى طبق بمواصفات طبقى
العمق عندى40سم والطول من الداخل220سم
لوطبقك نفس مواصفات طبقى والعدسه انفرتو ممكن عادى تزود من3ل4سم

امالوطبقك متوافق مع طبقى فى الحجم الداخلى للحواف ومختلف فى العمق
غالباالطول هيكون متغير

لكن بسيطه قولى عمق طبقك كام واقولك طول الدراعات المناسب

طبقي برفيكس مسطح من الحواف 220 العمق تفريبا زيك 40 او 38 سم وياريت تقولي الاخبار عندك ايه بعد ما عملت كدا في طبقك

جوهركامل · #15 2017/12/29, 12:16 AM

تحياتى لك استاذشعوان وشكراليك على الاضافه
لكن
انا عملت الشكل فقط للاخ اللى فى الصوره الاجنبى وليس بمواصفات طبقه
وعندى طول الدراعات هو هو نفس طول الدراعات بالطريقه الاخرى
والعدسه فى البؤره وبنفس طول الابعاد اللى كان عندى على الدراعات العاديه
الاول كان افضل مسافةبعدبؤرى عندى72سم من سنترالطبق لحافة الحلقات
وحالياافضل مسافه عندى73سم بعدتنفيذها
والنتائج الحمدلله افضل من الدراعات بالطريقه العاديه
ولوكانت النتائج غيرمرضيه ماكنت هعمل موضوع
وفى جزئيه اناعدلتهافى الموضوع ارجوقرائته مره اخرى
تحياتى لك استاذشعوان

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربة باقةسونى الهنديهالقمرIntelsat 17 66eوتم عمل فلانشه بطريقه مختلفه وسهله	جوهركامل	سي باند	94	2024/03/31 02:32 PM
ارجو معادلة قياس البعد البورى للطبق طول الاذرع طبق ecc 180	alaasat1	تركيب و صيانة الدش المتحرك ( الموتور و البوزيشنر )	1	2022/10/21 12:16 AM
بخصوص قياس طول الاذرع للطبق	krem12012	تركيبات الدش و الدش المركزي	7	2017/04/01 01:18 PM
عند قياس قطر الطبق من الحواف الداخلية المتر لازم يكون المتر عدل ولا لازم المتر اطبعه على الطبق من جوا	ARAFAH	تركيبات الدش و الدش المركزي	2	2017/03/16 09:48 PM
يا جماعة انا الطبق بتاعي 170 بالحواف و 162 من غير الحواف يببقى كام البعد البؤري	smrslams	تركيبات الدش و الدش المركزي	10	2015/01/31 04:01 AM