[جون باشا]

الاخوة الافاضل
مشكلة غريبة في رسيفر شارب ستار اتش 3 ميني وهي اني شغلت الجهاز وهو جديد اشتغل عادي . ركبت الفلاشة عشان انزل ملف قنوات راح الجهاز قطع باور مباشرة قبل ما انزل او اعمل اي خطوة.حاولت معاه بتغيير الادابتور مشتغلش . حاولت احمله فلاشة عن طريق اللودر مسحبش . اديته للتاجر وراح اداه لواحد تاني بتاع صيانة وشغله وبعتهولي .
ولما استلمته وجربته لقيته شغال تمام . فصلت الكهربة وركبت انتينا واي فاي فيه وهو مفصول عشان اضمن انه مايعملش زي الاول ووصلت الكهربة لقيته فاصل ومشتغلش وحاولت معاه تاني بتغيير الادابتور او تحميل فلاشة برضه مشتغلش
كدة المشكلة ان الجهاز بمجرد تركيب فلاشة في اليو اس بي بيقطع باور على طول
كدة يبقى المشكلة فين واحلها ازاي بدون ما ارجع لبتاع الصيانة اللي شغله قبل كدة عشان اخد 25 جنيه

[تامر مسعد]

اخى الكريم فى قفله على سوكيت usb

او خط 5 فولت فصل فك الجهاز وراجع القياسات

بالتوفيق ان شاء الله

[جون باشا]

اخي الفاضل مشكور على الاهتمام والمتابعة والرد
ازاي اعرف القفلة في اليو اس بي وقياس 5 فولت وباقي القياسات بتبقى فين في الرسيفر الميني لان شغلي كله في الرسيفرات الكبيرة ولسة بكتشف في الرسيفرات الميني
وانا رفعتلك صور للبوردة عشان تفيدني اكتر
وعلى فكرة لا توجد قياسات داخل البوردة الا على المقاومة المتعلمة بالأحمرعلى اليمين عليها 12 فولت والاي سي اللي جنبها سخن جامد
وشكرا مقدما لحضرتك

[جون باشا]

اخي الفاضل
وجدت بالفعل ريشة مخلوعة وملمسة في كل فتحة يو اس بي وازلت التلميس والجهاز اشتغل بالفعل
وحاولت تظبيط فتحم يو اس بي منهم وركبت فيها فلاشة لكن مشتغلتش ولما هزيتها شوية عملت قفلة كدة فيه حل ولا اعمل ايه ولو مفيش عايز اعرف ازاي افصل الخط المغزي لل2 يو اس بي وابيع الرسيفر على عيبه بدون يو اس بي بس عشان اللي ياخده مايركبش فيه فلاشة والرسيفر يفصل منه

[عضو سابق]

غيرمداخل usb
هى رخيصه

[جون باشا]

المشاركة الأصلية كتبت بواسطة م/أمير2006

غيرمداخل usb
هى رخيصه

اخي الغالي مشكوور على المتابعة
وفكرتك قيمة وممتازة
انا عندي رسيفر ممكن اخلع منه ال2 يو اس بي ولا مش هينفع الفك والتركيب فيهم

[حسام الدين مصطفى]

ينفع وكمان بتتباع ولو مش عارف
روح لاى فنى بتاع موبايلات

[جون باشا]

المشاركة الأصلية كتبت بواسطة حسام الدين مصطفى

ينفع وكمان بتتباع ولو مش عارف
روح لاى فنى بتاع موبايلات

مليون شكر يا غالي