[متعلم مبتدئ]

السلام عليكم و رحمة الله
أسأل الله لكم دوام الصحة و العافية
المشكلة ان الرسيفر كان شغل كويس و بعد فترة بقت الشاشة تطفي و تفتح (بتختفي البيانات مع وجود صوت) لحد ما شاشة قفلت خالص
شغلته على شاشة LG بتاع الكمبيوتر بكونفرتر اتش دي لفيجا و اشتغل 10ق و بدأ يعمل نفس المشكلة مع الشاشة القديمة بيفصل داتا من الشاشة لمدة 30-40 ثانية و يشتغل دقيقة و هكذا
المهم جبت رسيفر من جاري و شغلت الشاشة عليه بنفس الكونفرتر من ساعتين حتى الآن شغال تمام الحمد لله مفيش مشكلة

الوقتي هل الرسيفر قابل للصيانة؟ و الشك المبدئي هتكون ايه المشكلة؟
و لو غير قابل للصيانة، ايه الـ موجود في السوق (مع السعر إن أمكن و سمحت الإدارة) به وصلات HDMI & USB و ياريت لو فيه واي فاي داخل أو لو حد يعرف طريقة لتفعيل مستقبل الواي فاي عليه ( USB 802.11n) و ياريت لو ماركة معروفة لسهولة التوصل لملفات السوفت و القنوات لها من هذا المنتدى الرائع

شكراً لكم و اعذروا إطالتي

[kareem gad]

لو بيفتح دقيقة جرب الاول اعمل ضبط مصنع ولو بتعرف تعمل سوفت وير الاول جرب قبل ما تشتغل هاردوير

[متعلم مبتدئ]

عملت الاتنين دول يا ا/ كريم و مفيش نتيجة برضو

[kareem gad]

الاول لازم ننظف الجهاز كويس بالتنر ونجرب بوردة باور موثوق منها عشان نقدر نحد العيب باور ولا مين بورد لو من المين بورد يجب التسخين بحظر على الجانب الاعلى من البروسيسور مع تغير مكثفات قبل الاديو فيديو

[متعلم مبتدئ]

تمام تسلم يا أ/كريم

[Mr.Mohamed Fatthy]

المشاركة الأصلية كتبت بواسطة كريم خميس

الاول لازم ننظف الجهاز كويس بالتنر ونجرب بوردة باور موثوق منها عشان نقدر نحد العيب باور ولا مين بورد لو من المين بورد يجب التسخين بحظر على الجانب الاعلى من البروسيسور مع تغير مكثفات قبل الاديو فيديو

الله ينور يا غآلى
مع فحص الرجيوليتور و المكثفات
داخل المربع الاحمر

[متعلم مبتدئ]

شكراً جداً يا ا/ محمد
هجرب اقتراحات حضراتكم و أوافيكم بالنتيجة حال عودتي للمنزل في غضون يومين بإذن الله

[متعلم مبتدئ]

خرج الباور 12 قارئ 13.3 انما الباقي كله تمام