[wwmmkk]

tevii s 470 dvb-s/s2

عندى هذا الكارت شغال على بورده gigabyte core 2 p 31 ds3l
الكارت يسخن سخونه غير عاديه جدا
ارجو المساعد الكارت لسه مشتريه
لوفى اى مشكله هقدر ارجعه ارجو الافاده
- افضل برنامج يعمل مع موديل الكارت tevii s470 dvb-s /s2
- هل يلازم تركيب عدسه اتش دى لكى تعمل قنوات اتش دى على الطبق
- طريقه التشغيل الكارت فى مشاكل اظن ارجو المساعده
- وطريقه تظبيط codes

[شوقى نجيب]

بالنسبة لموديل البوردة أخى الكريم
فأنا معرفوش بس المفروض إنها حديثة
بدليل وجود فتحة pci-e اللى بيركب
فيها الكارت فى هذة البوردة لكن كنت عايز
أعرف الرامات و البروسيسور و كارت الشاشة
و بالنسبة لموضوع السخونة حاول تجرب تركب الكارت
فى فتحة تانية و شوفه هيسخن زى الأول و لا لأ

و بالنسبة لأفضل برنامج يشتغل معاه فأكيد البرنامج
المرفق على إسطوانة الجهاز اللى هو ماى تيفى (ماى ثياتر)
لكن من حيث الإمكانيات فالبروج أفضل لكن يحتاج إمكانيات جهاز عالية

و لا يلزم تركيب عدسة إتش دى
لتشغيل القنوات الإتش دى و إن كان الأفضل

و بالنسبة للكودك فدى طريقة تظبيطه
بالنسبة للبرنامج المرفق مع الجهاز



ثم



جرب و متابع معاك إن شاء الله

[wwmmkk]

موصفات الجهاز
intel cpu 2.5 core duo
ram 2.00 g
system 32 - bit
win vista
vag nvida geforce7200gs ram 1023mb

[الحمادوى]

هى كروت الستالايت بتسخن شويه
وقد تكون تبالغ فى حرارة كارتك
واعتقد لو فيه مشكلة فى الكارت كان الجهاز كله هنج او حصل تقطيع فى الصورة
لكن بحيث مفيش حاجة من دى اعتقد مفيش داعى للقلق والمفرض معاك ضمان سنه على الكارت لو حصل حاجة لاقدر الله

[wwmmkk]

افضل برنامج يعمل مع tevii s470
البروج فيه s420 ومش موجود فيه s470
ما الحل

[الطيار]

هل الكرت فى الضمان؟

[الطيار]

البوردة بتعاتك p31 يعنى بوردة بها اكثر من مخرج pci يعنى لو الكرت فى الضمان متقلقشى على البوردة ما دام مفيش اى تهنيج او ريستار فى الويندوز ومن الاخر جرب على جميع البرامج وعيش مع البرنامج اللى يعجبك وبعدين اصلا الجو حر وكل سنه وانت طيب

[الحمادوى]

المشاركة الأصلية كتبت بواسطة wwmmkk

افضل برنامج يعمل مع tevii s470
البروج فيه s420 ومش موجود فيه s470
ما الحل

ممكن تجرب معاه التعريف BDA
او

حمل احدث نسخة من الموقع
http://www.progdvb.com/download_progdvb.html

او تستخدم برنامج اخر مثل الدريم وتختار التعريف BDA

[شوقى نجيب]

تمام بالفعل أخى الكريم
كما قال الأخ الكريم الحمادوى
إختار الخيار الأول كما بالصورة

[wwmmkk]

الكارت طبعا لسه فى الضمان انا جيبه من اسبوع بس ب 390 ج
هو عامل مشكله مع البروج بيقفل وبيحتاج تعريف من تانى
عندى اخر فرجن للبروج
اجرب وارد

[MSINGER]

المشاركة الأصلية كتبت بواسطة wwmmkk

الكارت طبعا لسه فى الضمان انا جيبه من اسبوع بس ب 390 ج
هو عامل مشكله مع البروج بيقفل وبيحتاج تعريف من تانى
عندى اخر فرجن للبروج
اجرب وارد

اخى الكريم حاول تجرب برنامج ال 4.5 DVB Viewer برنامج خفيف وكويس وشغال عند ناس كثيرة ولم يشتكى احد من هذا البرنامج
اما مشكلة السخونة فدة طبيعى فى الصيف و فعلا كل الكروت بتسخن

[wwmmkk]

الكارت اشتغل 100/100 بس فى مشكله فى بكسله ف الصوره مع قنوات اتش دى فقط هل يوجد حل

[الحمادوى]

ممكن تكون من الكود المستخدم جرب كود اخر
وسطب هذه الحزمة
http://www.4shared.com/file/PXD_3aYc/HDPack24.html

لو استمرت المشكلة
حضرتك مشغله على برنامج ايه

والبكسلة موجودة مع البرنامج الاصلى للكارت ام لا