مشكلة بطئ التنقل بين القنوات والقوائم - ترومان توب بوكس

integralas · #1 2018/09/11, 08:22 PM

الرجاء المساعدة لمن عندة حل لهذة المشكلة
ريسيفر توب بوكس 2 تيونر السوفت وير 1.2.82
التنقل بين القنوات والقوائم بطئ جدا وتم تغيير السوفت وير اكثر من مرة
وايضا تم تغيير الريموت بأخر جديد من التوكيل

م/محمدزيان · #2 2018/09/15, 03:35 PM

ياغالى المشكلة عندك من ملف القنوات
ياريت لو تحمل ملف تانى أو تعمله يدوى بنفسك وتشيل القنوات المشفرة ال مش شغالة يعنى خفف عن الجهاز
وياريت كمان تحذف البلجنات ال ملهاش لازمة عندك
وياريت تعرفنا انت شغال سبارك والا انيجما

integralas · #3 2018/09/15, 03:48 PM

م محمد .. متشكر لرد حضرتك .. انا شغال سبارك وهجرب اشيل الملفات الزيادة واخفف القنوات وهبقى اقلك الاخبار اية

م/محمدزيان · #4 2018/09/15, 04:17 PM

منتظر ردك إن شاء الله اخى بالتوفيق

ibm_ibm35 · #5 2018/09/15, 06:34 PM

ياباشا انا عندي نفس المشكلة بس مش التنقل بين القنوات بس دا فى كل الاوامر و عملت ضبط مصنع ونفس المشكلة ممكن سوفت وملف له او حل للمشكلة

م/محمدزيان · #6 2018/09/16, 02:15 AM

اقتباس:

المشاركة الأصلية كتبت بواسطة ibm_ibm35

ياباشا انا عندي نفس المشكلة بس مش التنقل بين القنوات بس دا فى كل الاوامر و عملت ضبط مصنع ونفس المشكلة ممكن سوفت وملف له او حل للمشكلة

طب حضرتك جربت تشتغل من ازرار الريسيفر ال فى الواجهة وشوفت النتيجة اية ممكن يكون المشكلة من الريموت
جرب وقولى النتيجة وانا معاكم ان شاء الله

integralas · #7 2018/09/16, 10:17 PM

م محمد .. متشكر لاهتمام حضرتك ...
بس تم تجربة مسح جميع القنوات ... والنتيجة نفس المشكلة
تم تجربة 2 سوفت وير جديد spark7162_telran_1.2.81_app
- spark7162_truman_1.2.84_app
- تم تغيير الريموت وشراء أخر من التوكيل فى باب اللوق .. نفس المشكلة ...
عدم استجابة الريسيفر للريموت و بطئ شديد بين التنقل بين القنوات والقوائم ......

م/محمدزيان · #8 2018/09/17, 11:29 PM

طب بص ياغالى انا حبدأ معاك من الاول خطوة خطوة
انت طبعا غيرت السوفت ودى خطوة مهمة
بس كنت عايزك تحدث للسوفت الاعلى علشان نشوف المشكلة فين
اولا اعمل ظبط مصنع الاول علشان ترجع للسوفت القديم للمصنع
وبعدها دا رابط سوفت التوب بوكس رقم 86 من الموقع الرسمى للترومان والخاص بالتوب بوكس
ودا رابط التحميل
http://www.mediafire.com/file/eudfy2...1.2.86_app.rar
وبعدها احذف البلجنات ال عندك على الجهاز كلها بس بعد ما تحتفظ بكل البيانات المهمة ال انت محتاجها زى اى ***** مدفوع سواء سيسكام او **** وبعدها ارفع ملف البلجن دا وهو خاص باخونا الدكتور حازم ومرتب
http://www.mediafire.com/file/4ebg8s...d+Tandberg.rar
وطبعا ممكن يكون الريسيفر محتفظ بالقنوات ال عليه بس وياريت تحذف اى مفضلات فى القنوات عندك
وزى ما قولتلك جرب انك تنزل النايل سات بس الاول
وبعدها حتجرب وتقولى النتيجة لانك كدا حتكون منزل السوفت الاصلى للجهاز مش معدل لان السوفتات ال انت كاتبها دى معدلة من اجهزة اخرى شبيهة
وان شاء الله تتحل المشكلة عندك
ومتنساش ياغالى يكون حجارة الريموت كويسة وشغالة تمام
جرب وقولى النتيجة وان شاء الله كل حاجة تكون تمام
وانا معاك خطوة بخطوة

integralas · #9 2018/09/18, 02:21 PM

السلام عليكم ورحمة الله
متشكر لحضرتك ولردودك م محمد الزيات
تم حل المشكلة وكانت هارد وير والجهاز الان يعمل بطبيعة والتنقل بين القنوات والقوائم أصبح طبيعى

وجزاك الله خيراً على مساعدتك

م/محمدزيان · #10 2018/09/19, 02:07 AM

اقتباس:

المشاركة الأصلية كتبت بواسطة integralas

السلام عليكم ورحمة الله
متشكر لحضرتك ولردودك م محمد الزيات
تم حل المشكلة وكانت هارد وير والجهاز الان يعمل بطبيعة والتنقل بين القنوات والقوائم أصبح طبيعى
وجزاك الله خيراً على مساعدتك

ياغالى بنسبة 50% بتكون مشاكل هاردوير
بس بنحاول نشوف حل لها عن طريق السوفتوير علشان منخليش الناس تفتح اجهزتها على الفاضى وممكن يروح الجهاز لفنى مش تمام
فياريت حضرتك توضح لنا ازاى تم حل المشكلة ولو امكن بالتفصيل
علشان ان شاء الله قريب حعمل موضوع شامل لجميع مشاكل الجهاز والحل علشان يكون مرجع للاعضاء وممتلكى الجهاز
بالتوفيق

integralas · #11 2018/09/21, 12:06 AM

م محمد زيان .. المشكلة كانت عيب فى الكرستالة ال 8 ميجا الموجودة على كارت الشاشة الامامى والمسئولة عن المعالج بجانب عدسة الاستقبال من الريموت وتم تغييرها بأخرى جديدة وتم حل المشكلة تمام ... مع العلم انة تم تغيير جزء كبير من مكثفات الباور وتغيير عدسة الاستقبال من الريموت ولكن فى النهاية وجد العيب فى الكرستالة ال 8 ميجا ...

وشاكر لحضرتك ردودك ومتبعاتك الى ان تم حل المشكلة

م/محمدزيان · #12 2018/09/22, 01:07 AM

بالتوفيق اخى الكريم
وشكرا على ايضاح طريقة الحل لانها حتفيد الجميع فيما بعد ان شاء الله

adel_2007 · #13 2019/05/09, 01:50 AM

انا عندى نفس المشكلة ياريت تقولى صلحته فين بالظبط لان التوكيل قال لى محتاج تغير الوش كله ومش موجود عندهم جهارى توب بوكس 2 تيونر

Eng/Ahmed Abu El Hasan · #14 2019/05/09, 05:07 AM

الاول جرب سنسيور تاني حاجة جرب باور اخر

Eng/Ahmed Abu El Hasan · #15 2019/05/09, 05:10 AM

واوفيني النتيجة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشكلة التنقل البطئ بين القنوات	drconan	أسبارك	18	2019/05/04 01:27 AM
مشكلة بطء التنقل فى القنوات	عبدة السرحة	كروت الستالايت	3	2015/05/15 10:31 PM
مشكلة بطء التنقل بين القنوات فى هيوماكس f1-ace	غريب عثمان	هيوماكس HUMAX	12	2013/12/20 09:18 PM
مشكلة بطئ التنقل بين القنوات فى ترومان150 اكس الترا	ahmedtarek	ترومان TRUMAN	6	2012/12/27 02:28 PM
مشكلة فى الكيوماكس 999 hd فرجن 2 ثقل فى التنقل بين القنوات	said_ghaber	كيوماكس 999 HD ( V1, V2, V2.2, V3 )	9	2011/04/27 09:13 AM