[ahmed abdel azem]

الواحد كان فاكر إن مصر هى الدولة الوحيدة اللى سائق التاكسى فيها بيتفق على حق التوصيلة مقدماً .. أو إنها البلد الوحيد اللى من حقك فيه إنك تعمل مطباً قدام بيتك أو محلك علشان تحس بالأمان ، فبناء المطب هنا حق مكفول لأى مواطن ولا يكلفك أكثر من شيكارتين أسمنت.

لكن طلع الكلام اللى فات ده مش دقيق .. وفيه افتكاسات في بلاد تانية أكتر منا وأغرب ، يعني مثلاً فى الصين هناك اختبارات ذكاء بعد المرحلة الثانوية لمنع الأغبياء دخول الجامعة.. وطبعاً نحمد ربنا إن معندناش الكلام ده ! .

أما فى أيرلندا فقانوناً .. ممنوع شرب الكحوليات قدام البقر .. لكن لو قدام أي بني آدم ماشي مفيش مشكلة ! وفى الدانمرك ممنوع غسل الخنازير يوم الأحد .. ومن يخالف ذلك يتعرض لعقوبة مالية مهما بلغت درجة " عفانة " الخنزير أو حاجته للاستحمام ! .
فى سويسرا ممنوع سحب السيفون بعد العاشرة مساء .. وفى تايلاند يمنع على السيارات الوقوف على العملة الوطنية , اما فى سنغافورة فممنوع بيع أو مضغ اللبان .. وده من باب الأدب ! .
فى استراليا ممنوع التجول ليلا بملابس سوداء وأحذيه مطاطية .. وطبعأً محدش فاهم حاجة لكن أقرب منطق للموضوع ده هو إن ده هو طقم الحرامية في أفلام زمان ،
وفى مدينة تورنتو الكندية ممنوع سحب أى حصان ميت فى شارع يونج ستريت .. لكن ممكن من الشوارع المجاورة ! .
وفى النمسا ممنوع اكل الايس كريم أمام البنوك .. وأيضاً في فيينا ممنوع النوم فى الاسواق مهما كانت الأسباب ، وفى انجلترا ممنوع السير عاريا فى الشارع لمن يزيد عمره عن 10 أعوام ، وفى روسيا ممنوع استعمال الخبز لمسح الفم بعد الاكل ..
على فكرة الكلام اللى فات ده عادى جدا .. لكن الافتكاسة ان الناس فى البلاد الجامدة دى بتحترم القوانين جدا واستحالة انها تخالف أى بند منها حتي لو مش مقتنعة بيها .. لكن احنا مش عارفين حتي نلتزم بأبواب الصعود والنزول فى مترو الانفاق !! .

[عاطف حبيب]

هههههههههههههههه

[ماجد محمد]

ههههههههههههههههههههههه والله عندك حق

[ahmed abdel azem]

المشاركة الأصلية كتبت بواسطة عاطف حبيب

هههههههههههههههه

شكرا جزيلا أخى الحبيب

[سيف ال]

هههههههههههه بارك الله فيك

[@@@ محمد كمبيوتر @@@]

هههههههههههه
تسلم اخى الفالى
بارك الله فيك
تقبل تحياتى

[بكر منطاوى]

تسلم الايادى

[م/مصطفى محمود محمد]

هههههههههههه
تسلم اخى الفالى
بارك الله فيك
تقبل تحياتى