[elantill007]

بسم الله الرحمن الرحيم

ان شاء الله انهارده انا جايب طريق ازاله اللمبة الحمرا من اجهزه star 1 5000 بعد ما كتير منا مش لاقى حل ليها والمشكله دى سببها وانته بتنزل سوفت مثلا راح النور قاطع او منزل سوفت غلط ( الله اعلم ) المهم انا بعد عناء كبير وتقليب على النت لقيت فى المنتدى هنا استاذ محترم رافع برنامج اللودر بتاع الجهاز ومعاه السوفت بتاعه بس لاسف انا مش فاكر اسمه فاتمنى انه يسمحلى استخدم البرنامج واشرح للناس ازاى تخرج من مشكله اللمبه الحمراء دى المهم الادوات المهمه علشان نصلح الجهاز وهى :


1- كابل سوفت rs 232


2- فلاشه اى مساحه


ودول اهم حاجات علشان نعرف نشتغل صح المهم دلوقتى نروح نحط السوفت اللى مع برنامج اللودر على الفلاشه دى وطبعا الفلاشه تبقى فاضيه وبعدها نشيل الفلاشه ونحطها فى الرسيفر نوصل كابل ال rs 232 بالجهاز وبرضه نوصله بالرسيفر ونوصل الفلاشه بالرسيفر بالمنظر ده


وبعد ماتعمل زى اللى فى الصوره بالظبط اهم حاجه نكون قافلين الكهرباء عن الرسيفر وبعد كده نروح على الكمبيوتر ونشغل البرنامج المرفق فى المحتويات وندوس على open

ونختار الملف بتاع السوفت

وندوس start

وبعد كده نرجع للرسيفر ونديله كهرباء ونستنى بتاع دقيقتين مثلا هنلاقى الجهاز قام وظهرلك رساله
sw is wrong please download again 2
فى اللحظه دى نروح شايلين الفلاشه هنلاقى البرنامج بداء يبعت السوفت للجهاز هنستنى بتاع 10 دقايق مثلا ومبروك عليك الجهاز رجع شغال زى الاول ويارب اكون افدتكم

ملحوظه:

بعد ما الرسيفر هيشتغل هتلاقى السوفت بتاع الاستاذ اللى اخدته منه هو حاطط صور وكده المهم فى سوفت تانى بلينكات بعد ما تخلص تنزيل السوفت بالودر ممكن تحط السوفت ده وهو سوفت الاصلى بتاع الجهاز وكمان فى ملف قنوات لوحدها مترتب ب 27 قمر جاهز للتشغيل

اللودر + السوفت

السوفت الاصلى بعد التفليش



ملف القنوات

[Ana Ayesh]

رائع ياغالي
دام أبداعك

[elantill007]

المشاركة الأصلية كتبت بواسطة ana ayesh

رائع ياغالي
دام أبداعك

جزاك الله خير ويارب افيد الاعضاء اللى عندهم العطل ده

[م/فؤادرفعت]

بارك الله فيك اخى الحبيب
وفى انتظار من عندهم العيب للتجريب

[elantill007]

المشاركة الأصلية كتبت بواسطة م/فؤادرفعت

بارك الله فيك اخى الحبيب
وفى انتظار من عندهم العيب للتجريب

ربنا يخليك وانا كنت واحد من اللى كان عندهم العيب وبعد تصليحه حبيت افيد الاعضاء بالطريقه الصح :)

[ibrahemsalah]

المشاركة الأصلية كتبت بواسطة elantill007

ربنا يخليك وانا كنت واحد من اللى كان عندهم العيب وبعد تصليحه حبيت افيد الاعضاء بالطريقه الصح :)

افادك الله ياغالى
هم دول رجالة مصراوى سات لايبخلون بعلمهم على بعضهم ابدا
ارجو ان تحل مشكلة اللمبة الحمراء فى هذا الجهاز بصفة نهائية بهذة الطريقة
وجزاك الله خيرا
ونفع بك دائما .

[elantill007]

المشاركة الأصلية كتبت بواسطة hemasalahwins

افادك الله ياغالى
هم دول رجالة مصراوى سات لايبخلون بعلمهم على بعضهم ابدا
ارجو ان تحل مشكلة اللمبة الحمراء فى هذا الجهاز بصفة نهائية بهذة الطريقة
وجزاك الله خيرا
ونفع بك دائما .

ان شاء الله ده هيبقى الحل النهائى لمشكله اللمبه الحمراء علشان من امبارح منمتش بسببها لحد ماصلحت الرسيفر

[Cairo Sat]

شكرا لك اخى الكريم
جزاك الله خيرا

[م/فؤادرفعت]

المشاركة الأصلية كتبت بواسطة elantill007

ربنا يخليك وانا كنت واحد من اللى كان عندهم العيب وبعد تصليحه حبيت افيد الاعضاء بالطريقه الصح :)

مثبت لعيونك يا غالى

[elantill007]

م/فؤادرفعت

بالنسبه لموضوع انى اضفت لينك الموضوع بتاعى لمواضيع قديمه وده بسبب انى بحاول احل المشكله لاعضاء فى موضعها مباشره لان فى كتير منهم بيعتمد على الرد فى مواضيعه واتمنى ميكنش فى سوء تصرف منى

[elantill007]

المشاركة الأصلية كتبت بواسطة cairo sat

شكرا لك اخى الكريم
جزاك الله خيرا

الشكر الله وجزاك الله خير :)

[elantill007]

المشاركة الأصلية كتبت بواسطة م/فؤادرفعت

مثبت لعيونك يا غالى

جزاك الله خير ويارب يفيد الجميع :)

[م/فؤادرفعت]

المشاركة الأصلية كتبت بواسطة elantill007

م/فؤادرفعت

بالنسبه لموضوع انى اضفت لينك الموضوع بتاعى لمواضيع قديمه وده بسبب انى بحاول احل المشكله لاعضاء فى موضعها مباشره لان فى كتير منهم بيعتمد على الرد فى مواضيعه واتمنى ميكنش فى سوء تصرف منى

انا عارف وجة نظرك يا غالى
ولكن لتنسيق القسم
كان لابد من غلق المواضيع القديمة
ومعروف يا غالى
ان اللى عندة مشكلة بيدور ليها على حل
ولا ينظر لمواضيعة القديمة
واكيد كل اللى عندة المشكلة
ها يبحث عن حلها

[elantill007]

المشاركة الأصلية كتبت بواسطة م/فؤادرفعت

انا عارف وجة نظرك يا غالى
ولكن لتنسيق القسم
كان لابد من غلق المواضيع القديمة
ومعروف يا غالى
ان اللى عندة مشكلة بيدور ليها على حل
ولا ينظر لمواضيعة القديمة
واكيد كل اللى عندة المشكلة
ها يبحث عن حلها

الحمد الله وشكرا لتفهمك وجهة نظرى وان شاء الله يبقى ده الحل النهائى وشكرا لتثبيت الموضوع :)

[محسن المصرى]

يجب زكر ان السوفت لعلاج مشكلة اللمبة الحمرااء
منقوللللللللللل

ومثبت هنااااااااااا

http://www.masrawysat.com/vb/showthread.php?t=918246

وهذا التحديث مجهود شخصى ليس لة علاقة بموقع رسمى
لان الجهاز اساسا ملوش موقع رسمى
ويجب الا تضيع مجهود احد وتنسبة لنفسك

يجب كلمة منقولل لو كل واحد عمل زيك كداا
كان اى حد وصل لمعلومة كان وفرهاا لنفسة
مدام حتنسب لغيرة صح ولا اية وسيبك من حكاية
الخلفية الموجودة لانك انتة ايضا رفعة بدون
متغير الخلفية ايضا الخلفية موجودة فى مشاركتك
يعنى للاسف لم تضيف جديد
فى السوفت خش منتدى الجولد
وشوف من حق اى شخص يرفع عمل يضع بصمتة
وال عايز يغير الخلفية يحمل سوفت اخر مدام الجهاز
عاد للعمل