[ادهم محمود يوسف]

السلام عليكم ورحمة الله وبركاته

عندي ريسيفر ترومان بريمير +1 كنت مشغله بسلك نت من يوم ماجيبته من حوالي 3 سنين واكتر وكان شغال تمام

من فترة ماوقفوا الكورة وكدا قفلت الجهاز ومافتحتوش تقريباً حوالي شهر
جيت افتحه بعدها لاقيته مش راضي يقرا سلك النت ولا كأنه راكب فيه قولت يمكن ار جي السلك وغيرته برضه نفس الكلام وجربت سلك جديد تماماً برضو نفس المشكلة (السلك سليم وجربته علي لابتوب وشغال تمام) عملت ضبط مصنع اكتر من مرة مافيش برضو غيرت صورة الانيجما برضو مافييش فايدة والنت شغال بالواي فاي عادي بس مش راضي يقرا السلك ( لما بوصل السلك فيه لمبة الراوتر بتاعة مدخل السلك بتنور ) بس احاول مع الجهاز مابياخدش اي بي من الراوتر ولا كأنه متوصل فيه سلك وعملت ضبط مصنع للراوتر وغيرت اكتر من راوتر وخدت الريسيفر وروحت بيه عند واحد صاحبي علي شبكة تانية خالص وبرضو نفس الكلام
وروحت بيه لفني صيانه انهاردة قالي المكثف اللي عليه السهم ده ممكن يكون فيه رطوبة حط الجهاز في الشمس شوية او سخنه بسيشوار وهو شغال ( وبص عالمكثف قالي مش منفوخ ولا فيه حاجه وسليم)


ف انا احتارت ودماغي فصلت ومش عارف اعمل ايه

[اسامه حامد]

وعليكم السلام
ده عيب شائع فى هذه العائله يا غالى
كرت لان نفسه فيه العطل
حصلت عندى كثير فى كرت لان ده
وكنت اروح عند فنى واشترى كرت لوحده مستعمل وهوا سهل فكه وتركيبه

والحل الثانى يا غالى
ركب انتينا واى فاى للرسيفر يوفى بالغرض لو ما وجدت كرت لان

[تامر مسعد]

الى حضرتك محدد عليه ليس مكثف

هذه اى سى اللان

بس اتبع ما اشا به اخى اسامه

ولا تعبث بالجهاز بالتوفيق ان شاء الله

[ادهم محمود يوسف]

تمام استاذ اسامة الف شكر
بس هل لازم نفس النوع زي اللي راكب فيه ولا ممكن الاقي نوع تاني
وهل متوافر ف السوق ولا هاغلب ومش هلاقيه وسعره في حدود كام بالمصري تقريباً ؟
والف شكر لمساعدة حضرتك

[اسامه حامد]

بتلاقيه برضو فى رسيفر اسمه
vision net hammer 5400

[ادهم محمود يوسف]

انا روحت توكيل ترومان في باب اللوق وجيبت كارت لان جديد وركبته وبرضو نفس الكلام
ايه اللي ممكن يتعمل تاني

[تامر مسعد]

المشاركة الأصلية كتبت بواسطة ادهم محمود يوسف

انا روحت توكيل ترومان في باب اللوق وجيبت كارت لان جديد وركبته وبرضو نفس الكلام
ايه اللي ممكن يتعمل تاني

و التوكيل قالك ايه فى حلقه مفقوده ( توضيح ناقص )

او الى حضرتك جايه من التوكيل به مشكله ايضا

[ادهم محمود يوسف]

ماهو انا ماخدتش الجهاز معايا التوكيل لأني روحت مفاجأة وماكنتش عامل حسابي اروح
والقطعه اللي انا اخدتها جربناها شغالة علي جهاز تاني هناك في التوكيل
وزي ماحضرتك قولت الاسود اللي انا مشاور عليه ده اي سي لان (انفرتر مكبر اشارة وظيفته ياخد IP للجهاز زي ماهو قالي)
وصديق ليا قاللي ان صعب يبوظ وان اللي بايظ احتمال كبير اي سي الطبع الي قصاده (ماعرفش مكانه ولا اعرف قصده علي اييه) ف لو ممكن حضرتك واجهتك المشكلة دي او تعرف الايسي الطبع المقصود لأن انا ف الصيانه مش قد كدا وحضرتك تعرف اكتر مني

[فني صيانة سابق]

المشاركة الأصلية كتبت بواسطة ادهم محمود يوسف

ماهو انا ماخدتش الجهاز معايا التوكيل لأني روحت مفاجأة وماكنتش عامل حسابي اروح
والقطعه اللي انا اخدتها جربناها شغالة علي جهاز تاني هناك في التوكيل
وزي ماحضرتك قولت الاسود اللي انا مشاور عليه ده اي سي لان (انفرتر مكبر اشارة وظيفته ياخد IP للجهاز زي ماهو قالي)
وصديق ليا قاللي ان صعب يبوظ وان اللي بايظ احتمال كبير اي سي الطبع الي قصاده (ماعرفش مكانه ولا اعرف قصده علي اييه) ف لو ممكن حضرتك واجهتك المشكلة دي او تعرف الايسي الطبع المقصود لأن انا ف الصيانه مش قد كدا وحضرتك تعرف اكتر مني

دا الايس اللى حضرتك سالت عليه

ومن الأفضل اذهب بالجهاز والكارت القديم التوكيل لعمل اللازم

[ادهم محمود يوسف]

هحاول اروح التوكيل ان شاء الله بس المشكلة انه مشوار من الشرقية عشان اروح بيه التوكيل هاشوف الايسي ده عند واحد صاحبي هنا لو مالقيتهوش هاروح بيه التوكيل بقا ان شاء اللله

[تامر مسعد]

المشاركة الأصلية كتبت بواسطة م/عبدالله مدكور

دا الايس اللى حضرتك سالت عليه

ومن الأفضل اذهب بالجهاز والكارت القديم التوكيل لعمل اللازم

تسلم يا هندسه
وبالتوفيق لصاحب الموضوع ان شاء الله

[ادهم محمود يوسف]

تقريباً وصلت لأسم الايسي ببعد معاناة
8710A
ودي صورة من جوجل لنفس الايسي

نفس البايانات من حيث الشركة المنتجة (تقريباً) اللي هي smsc
ونفس ال8710A بس بإختلاف السطر التالت عندي B1201 مش زي الصورة
ف هل تفرق ولا ده رقم اصدار ولا ايه ؟