[reko4u]

لو سمحت لو حد عنده حل عن تجربه لمشكلة التشويش على قنوات اون سبورت على النايلسات القنوات اشارتها صفر وجبت فنى ومفيش فايدة والسطح كله متشوش عليه ونفس المشكلة مفيش مكان من غير تشويش بعد ما غيرت مكان الطبق
او لو فى حل اشوف بيه اون سبورت غير النايلسات مفيش مشكلة ؟؟؟؟

[اسامه حامد]

اول حاجه جرب لاقط نوع اخر
وايضا ضع لوح خشب لكى يحجب اشعاع شبكات محمول
وفى حل اخر برضو تجيب طبق متر برفيكس
حجم طبق كلما كان اكبر بخفف من تشويش
والحل الاخير تشاهدها عن طريق نت ****

[مح مصطفى مد]

كان عندى نفس المشكلة نزلت الطبق من على السور و خليته قريب جدأ لسطح الارض و فظبط معايه

[ahmad wafa]

المشاركة الأصلية كتبت بواسطة اسامه حامد

اول حاجه جرب لاقط نوع اخر
وايضا ضع لوح خشب لكى يحجب اشعاع شبكات محمول
وفى حل اخر برضو تجيب طبق متر برفيكس
حجم طبق كلما كان اكبر بخفف من تشويش
والحل الاخير تشاهدها عن طريق نت ****

لو تسمح تركيب الطبق مقلوب بيقلل التشويش فعلا ؟

[reko4u]

المشاركة الأصلية كتبت بواسطة اسامه حامد

اول حاجه جرب لاقط نوع اخر
وايضا ضع لوح خشب لكى يحجب اشعاع شبكات محمول
وفى حل اخر برضو تجيب طبق متر برفيكس
حجم طبق كلما كان اكبر بخفف من تشويش
والحل الاخير تشاهدها عن طريق نت ****

جربت 2 لاقط غير اللى فى الطبق نفس الموضوع وكده مش عيب لاقط وبالنسبة لوضع لوح خشب التشويش من كل السطح لانه بدون سور والفنى مش عارف التشويش منين لف حوالين الطبق كله هو طبق 85 بس نايلسات بس
وبالنسبة لموضوع طبق اكبر خايف اكلف واجيب طبق متر واقابل نفس المشكلة
وهل حضرتك شايف ال **** ده كده افضل حل لانى سايبه للاخر على امل الاقى حل للتشويش نفسه من غير ما اركب **** عشان خاطر اون سبورت فقط
وشكرا لحضرتك جداا

[reko4u]

المشاركة الأصلية كتبت بواسطة مح مصطفى مد

كان عندى نفس المشكلة نزلت الطبق من على السور و خليته قريب جدأ لسطح الارض و فظبط معايه

هو الموضوع عندى انه مفيش سور اصلا للسطح عشان انزل الطبق عليه ... الطبق على السطح زى كل العماره والتشويش يعتبر من كل ناحيه فى برج شبكة او اتنين على الاقل جربت انقل الطبق فى اكتر من مكان نفس المشكلة
ونفس المشكلة بيعانى منها جيرانى فى العمارة فكنت بسال على امل الاقى حل للموضوع ده

[ابومختار]

بالنسبة الي موضوع الخشب
هتكون خلف الطبق
و تضع اللوح الخشب من يمين الطبق لو استمر التشويش هتخليه من يسار الطبق
اما موضوع الطبق 100 سم او 120 سم او 180 سم او 240 سم هيكون برضو فيه تشويش وده حل ليه بيكون موضوع وضع حاجز خشبي في المكان اللي بيمنع التشويش وانت خلف الطبق غير كده حاليا مفيش حل وكان من فترة موضوع قلب الطبق وده كان حل كويس فيه ناس جربته ونفع معاهم
.....................................
أهم حاجة في موضوع الستالايت كله الحكمة دي
فيه حاجات تنفع عندي في مكاني ولا تنفع غيري في مكانه
وحاجات تنفع عند غيري في مكانه ولا تنفع عندي في مكاني
...................................
فحضرتك جرب وشوف النتيجة

[ابومختار]

اعمل موضوع في قسم التركيبات للطبق الثابت
هناك هتلاقي الاجابات اللي انت عايزها
اسئل في القسم الصحيح لسؤالك تلاقي الاجابة الصح و بالصور كمان
هناك فيه عمالقة هيردوا عليك

[ابوجنا]

انا اعرف انه فيه اطباق اغلى شوية ضد التشويش للمناطق التى يكثر بها ابراج الضغط العالى وابراج المحمول اسئل واعرف فين بتشتريه وجرب وانشاء الله تكون الحل

[mohamed etreby]

استقبل الاون سبورت رقمى ارضي بدون طبق احسن لك لو الشاشه تدعم الاستقبال الرقمى الارضى او اشترى ريسفر يدعم الاستقبال الارضى بالاريل

[sat info]

منع التشويش فى الآتى :
1- تركيب الطبق مقلوب
2- تركيب الطبق والذراع فى الجهه الشرقية
3- تركيب الطبق والذراع فى الجهة الغربية
4- وضع شريحة معدنية بجوار الـ LNB