[hammo sat]

الرسيفر قاطع باور نهائي، بعد تجربة أدابتور موثوق منه لسه قاطع، فتحت الجهاز ملقتش 12 فولت على مكثف 100/16 ولا على مدخل الأدابتور، غيرت المكثف وعملت كوبري لأن مكنش فيه إتصال بين مدخل الأدابتور وبين رجل المكثف، ال 12 فولت ظهروا ع المكثف لكن برضة قاطع باور، ومكثف 100/16 اللي جنب التيونر عليه 12 فولت عادي، فياريت الإفادة وحد يقولي إيه المكونات اللي محتاجة تتغير لأني أول مرة أشتغل في الأجهزة الميني بصراحة.

مرفق صورة الجهاز والبوردة

[Abdelrahman Ezzat]

عملت كوبري منين ادام مفيش فولت علي مدخل الادبتر
عموما اتاكد ان مفيش شورت بين الارضي ومدخل الادابتر
لو في شورت ارفع ايسي التقسيم خلف التيونر وجرب بدونه
لواشتغل تمام وزال الشورت غيره

[Abdelrahman Ezzat]

واتاكد من وجود 5 فولت علي الملف اللي بعد جاك الادابتر
لو مفيش شورت
غير ايسي خافض الجهد s47

[hammo sat]

المشاركة الأصلية كتبت بواسطة abdo beda

عملت كوبري منين ادام مفيش فولت علي مدخل الادبتر
عموما اتاكد ان مفيش شورت بين الارضي ومدخل الادابتر
لو في شورت ارفع ايسي التقسيم خلف التيونر وجرب بدونه
لواشتغل تمام وزال الشورت غيره

لما غيرت المكثف ملقتش عليه فولت برضة، كان عندي بوردة جهاز تاني قولت أجرب أقيس ع وضع الصفارة رجول مدخل الأدبتور مع المكثف كان بيديني إتصال، أقيس ع البوردة التانية مفيش إتصال عشان كدا عملت كوبري، أنا عارف إني مش عارف أوصلك المعلومة بس لما عملت الكوبري ال 12 فولت ظهروا.

[hammo sat]

المشاركة الأصلية كتبت بواسطة abdo beda

واتاكد من وجود 5 فولت علي الملف اللي بعد جاك الادابتر
لو مفيش شورت
غير ايسي خافض الجهد s47

طب ممكن تعلملي عليهم من الصور المرفقة معلش هتعبك معايا

[hammo sat]

المشاركة الأصلية كتبت بواسطة abdo beda

عملت كوبري منين ادام مفيش فولت علي مدخل الادبتر
عموما اتاكد ان مفيش شورت بين الارضي ومدخل الادابتر
لو في شورت ارفع ايسي التقسيم خلف التيونر وجرب بدونه
لواشتغل تمام وزال الشورت غيره

بقيس رجول مدخل الأدبتور مع الأرضي بيدي صفارة، بس عندي جهاز شغال بعمل عليه تجربة وبقيس نفس القياس بيدي صفارة برضة بس شغال عادي، أعرف منن ان فيه شورت؟

[Abdelrahman Ezzat]

انت عندك3 رجول في مدخل الادبتور فيهم واحد ارضي ف ممكن تكون بتقيس ارضي مع ارضي عشان كده بيديك صفاره

في ملف خلف التيونر قيسه مع الارضي لو اداك صفاره غير ايسي التقسيم اللي جنبه
مادكش صفاره اتاكد من وجود 5 فولت خلف جاك الادبتر زي ما معلملك في الصوره

[kareem gad]

شيل زي ما قالك مهندس عبده ايسي الاشارة وشوف لسة في شورت في البوردة

[hammo sat]

المشاركة الأصلية كتبت بواسطة abdo beda

انت عندك3 رجول في مدخل الادبتور فيهم واحد ارضي ف ممكن تكون بتقيس ارضي مع ارضي عشان كده بيديك صفاره

في ملف خلف التيونر قيسه مع الارضي لو اداك صفاره غير ايسي التقسيم اللي جنبه
مادكش صفاره اتاكد من وجود 5 فولت خلف جاك الادبتر زي ما معلملك في الصوره

طب ممكن أعرف طريقة قياسة إزاي معلش لأنه مالوش رجول ع البوردة وانا أول مرة أشتغل في الأجهزة دي، معلش هتعب حضرتك.

[hammo sat]

المشاركة الأصلية كتبت بواسطة كريم خميس

شيل زي ما قالك مهندس عبده ايسي الاشارة وشوف لسة في شورت في البوردة

أنا عايز الأول اتأكد من دخول الفولت ع باقي البوردة وبعد كدا هجرب من غيره، طب الأيسي دا ليه رقم معين ولا ممكن اخده من جهاز ميني تاني؟

[Abdelrahman Ezzat]

المشاركة الأصلية كتبت بواسطة hammo sat

أنا عايز الأول اتأكد من دخول الفولت ع باقي البوردة وبعد كدا هجرب من غيره، طب الأيسي دا ليه رقم معين ولا ممكن اخده من جهاز ميني تاني؟

في عندك اتنين رجليتور قيسهم هتعرف في فولت ف البورده
ولا لا

[kareem gad]

وصورة للبوردة كاملة

[hammo sat]

المشاركة الأصلية كتبت بواسطة hammo sat

طب ممكن أعرف طريقة قياسة إزاي معلش لأنه مالوش رجول ع البوردة وانا أول مرة أشتغل في الأجهزة دي، معلش هتعب حضرتك.

ممكن أعرف طريقة قياس الملف الأول!

[تامر مسعد]

المشاركة الأصلية كتبت بواسطة hammo sat

ممكن أعرف طريقة قياس الملف الأول!

اى ملف تقصد وحضرتك لا تتبع ردود الاخوه

ارفع اى سى التيونر ( منظم رفع الفولت يعنى )

وبعد كدا نكمل معاك

واى ملف يقاس على وضع الصفاره والجهاز مفصول كهرباء

[hammo sat]

المشاركة الأصلية كتبت بواسطة تامر مسعد

اى ملف تقصد وحضرتك لا تتبع ردود الاخوه

ارفع اى سى التيونر ( منظم رفع الفولت يعنى )

وبعد كدا نكمل معاك

واى ملف يقاس على وضع الصفاره والجهاز مفصول كهرباء

واضح إن حضرتك ماقرأتش كل الردود، أو إنك مخدتش بالك من الرد رقم 6 المرفق فيه صورة البوردة والملف اللي خلف مدخل الأدبتور مباشرةً، طب الملف لو صفر يكون سليم ولا معطوب.

أنا عايز أقيس الملف الأول قبل ما أشيل ملف التقسيم، لأن مفيش أي دخل ع الريجيليتور.