[bahy_2009]

حاجة تجنن
هو ليه طبق متر ECC مع انه متر إلا أن الناس بتقول أنه أقل من متر فى حين أن الطبق البريفكس بيتقاس انه متر
هو المصنع مش بيعرف يقيس يعنى
والدليل على كده أن مثلا لما تيجى تعمل تركيبه الشيرنج
الأوروبى ويوتلسات 16 واموس والبلغارى والنايل سات واسترا 19 بيقولوا بتيجى على البريفكس للمتر مرتاح
انما لطبق ECC المتر لا
مع انهم هما الاتنين متر
حاجة تخنق فعلا

[احمد محمود عبد العاطي]

طبق متر ECC =
80او 85 سم
اما الطبق البريفكس المتر = 90 سم
الطبقين مختلفين لكن الفني الممتاز هو اللي يجعل من الفسيخ شربات ويجوا في الاتنين مرتاحين بيرجع لعامل خبرته والمساطر اللي راكبه عليهم و الشمبر يعني القفيز اللي علي القطعة وكمان لجمعه للترددات القوية والضعيفة لكن يوجد فنين بيستسهلوا ويرصوا اللي حفظينه باي تردد قوي ويقولك القمر جاب معاك تكتشف بعد ما تنزل انه جاب نصف القمر او تلات ترباعه وترددات كتير مهمه ضايعه

[zedan2]

المشاركة الأصلية كتبت بواسطة احمد محمود عبد العاطي

طبق متر ECC =
80او 85 سم
اما الطبق البريفكس المتر = 90 سم
الطبقين مختلفين لكن الفني الممتاز هو اللي يجعل من الفسيخ شربات ويجوا في الاتنين مرتاحين بيرجع لعامل خبرته والمساطر اللي راكبه عليهم و الشمبر يعني القفيز اللي علي القطعة وكمان لجمعه للترددات القوية والضعيفة لكن يوجد فنين بيستسهلوا ويرصوا اللي حفظينه باي تردد قوي ويقولك القمر جاب معاك تكتشف بعد ما تنزل انه جاب نصف القمر او تلات ترباعه وترددات كتير مهمه ضايعه

مع احترامى لكلام حضرتك مش صح ليه بتجيب العيب على الفنى فعلا فى تركيبات ماتنفعش على ecc ولازم البرفيكس المتر كلامك كده بيقول ان الطبق ال80 يغنى عن المتر طيب حضرتك هاجيبلك طبق ecc 80 تركب عليه ازرى فى اسكندريه خصوصا فى الصيف بشرط تجيب اشارة ايدمان بدون تكسير وشوف هاتعرف تعمل الفسيخ شربات زى ماحضرتك قولت . كان الرد الاحسن تقول انها بتفرق فى مكان المحافظه وان ال10 سم الفرق فى مقاس الطبق يفرق كتير فى الترددات الضعيفه بمعنى انك ماتجيبش ال80 زى المتر ولا المتر زى ال180 الفنى الصح اللى يعرف يفرق بين المقاسات وايه اللى ينفع وايه اللى ماينفعش دى عمليه حسابيه حضرتك. تقبل ردى وتحياتى لحضرتك .كل عام وانتم بخير

[احمد محمود عبد العاطي]

المشاركة الأصلية كتبت بواسطة zedan2

مع احترامى لكلام حضرتك مش صح ليه بتجيب العيب على الفنى فعلا فى تركيبات ماتنفعش على ecc ولازم البرفيكس المتر كلامك كده بيقول ان الطبق ال80 يغنى عن المتر طيب حضرتك هاجيبلك طبق ecc 80 تركب عليه ازرى فى اسكندريه خصوصا فى الصيف بشرط تجيب اشارة ايدمان بدون تكسير وشوف هاتعرف تعمل الفسيخ شربات زى ماحضرتك قولت . كان الرد الاحسن تقول انها بتفرق فى مكان المحافظه وان ال10 سم الفرق فى مقاس الطبق يفرق كتير فى الترددات الضعيفه بمعنى انك ماتجيبش ال80 زى المتر ولا المتر زى ال180 الفنى الصح اللى يعرف يفرق بين المقاسات وايه اللى ينفع وايه اللى ماينفعش دى عمليه حسابيه حضرتك. تقبل ردى وتحياتى لحضرتك .كل عام وانتم بخير

اولا انا مش فني دش

ثانيا لو تقرا ردي اني ذكرت ان الفني الخبرة
وحط تحتها 100 خط
وليس اللي بيرص اقمار وحافظ مكانها

(لاني زهقت من اللي معندهمش خبرة ولا ضمير كل حاجه لا متنفعش لا متجيش امال امثال الاخ احمد انور والاخ طارق السقا -الناس ديه عندهم خبرة -صور اعمالهم وتركيباتهم تدل علي ذالك وهما متواجدين بالمنتدي بيدخلوا علي اوقات يردوا علي كلامي انا واحد من الناس عاصرة اعمالهم هنا بالمنتدي ناس خبرة لابد من ان يحتذي بهم والناس اللي بتستسهل تتعلم منهم )

واللي بيفرق كمان نوع القطع يعني في قطع تجيب اشارة للترددات الضعيفة وقطع متجبش اشارة

واخيرا كل عام وانت بخير ورمضان مبارك عليك وعلي الامة الاسلامية

[الفارس الاوحد]

قطر الطبق مهم جدا فى اقمار معينه فى الاسكندرية لابد من متر صافى لاستقبال الياه سات التردد 11785 اما فى الصعيد فيكفى 70 سم لاستقبال القمر والاطباق اللى ممكن تستقبلها فى الاسكندرية باطباق صيعيرة لا يمكن ان تستقبلها فى الصعيد باطباق صعيرة اذا قطر الطبق مهم جدا بسب اختلاف نطاق تعطية القمر

[عصام رجبو]

المشاركة الأصلية كتبت بواسطة احمد محمود عبد العاطي

اولا انا مش فني دش

ثانيا لو تقرا ردي اني ذكرت ان الفني الخبرة
وحط تحتها 100 خط
وليس اللي بيرص اقمار وحافظ مكانها

(لاني زهقت من اللي معندهمش خبرة ولا ضمير كل حاجه لا متنفعش لا متجيش امال امثال الاخ احمد انور والاخ طارق السقا -الناس ديه عندهم خبرة -صور اعمالهم وتركيباتهم تدل علي ذالك وهما متواجدين بالمنتدي بيدخلوا علي اوقات يردوا علي كلامي انا واحد من الناس عاصرة اعمالهم هنا بالمنتدي ناس خبرة لابد من ان يحتذي بهم والناس اللي بتستسهل تتعلم منهم )

واللي بيفرق كمان نوع القطع يعني في قطع تجيب اشارة للترددات الضعيفة وقطع متجبش اشارة

واخيرا كل عام وانت بخير ورمضان مبارك عليك وعلي الامة الاسلامية

على فكرة كلا جميل وحقيقة
انا عضو قديم وبفضل الله ثم السادة القائمين على المنتدى تعلمت منهم تركيب الأطباق
وبارك الله فى السادة القائمين على المنتدى
فيما يقدمونه لنا من خبرتهم

[المهندس/احمد جمال]

من خلال تجاربى
الاهم مكان طبق ثم حجم الطبق
انا ركبت طبق ecc 80 فى ابو قير عمرى ما هشوف اشاره زيه
وبالرغم ركبت اطباق اكبر منه حجم فى نوعيه eccواشاره اقل
مكان اولا

[bahy_2009]

شكرا لكل من رد ولكن سؤالى كان واضح
ليه الطبق ECC طوله مش زى طول البريفكس مع انهم الاتنين متر مش بيعرفوا يقيسوا يعنى ولا مكنش معاهم متر طاب كانوا قاسو بمسطرة حتى
حاجة مستفزة بصراحة

[المهندس/احمد جمال]

المشاركة الأصلية كتبت بواسطة bahy_2009

شكرا لكل من رد ولكن سؤالى كان واضح
ليه الطبق ECC طوله مش زى طول البريفكس مع انهم الاتنين متر مش بيعرفوا يقيسوا يعنى ولا مكنش معاهم متر طاب كانوا قاسو بمسطرة حتى
حاجة مستفزة بصراحة

بص ياغالى
طبق متر بريفكس مش متر صافى
طبق ecc مش متر صافى
مفيش حاجه مش بيعرفو يقيسو الطبق
القياس اى حد بيعرف يقيس قصه انها توفير مش اكثر توفير فى حجم الطبق وتوفير فى سمك الخامه
وكذلك نفس الكلام فى الاطباق متحركه مفيش طبق ecc اوبريفكس قطره صافى 180سم او240 صافى حتى لو تم اضافه القطر الخارجى لطبق اللى هو فائده منه تقويه الطبق فقط وليس عكس الاشاره دى سياسه تصنيع مش اكثر
تركيبه على طبق ECC
http://www.masrawysat.com/vb/showthread.php?t=3173925