[youssef165]

بسم الله الرحمن الرحيم
السلام عليكم ورحمة الله وبركاته
DLAN إختصار ل
Digital Living Network Alliance
و ده عبارة عن اتحاد مجموعة شركات على رأسها شركة Intel الشهيرة فى مجال الكمبيوتر و المعالجات تحديداً .. اتجمعوا سنة ٢٠٠٣ عشان يشتغلوا على تقنية يكون استخدامها سهل لمشاركة الوسائط ( ڤيديوهات .. صور .. موسيقى ) بين الأجهزة
و المشاركة هنا مش بفكرة ال share it اللى بتبعت فيه ملف من جهاز لجهاز .. دى مشاركة حية زى مراية كده .. فى حالتنا مثلاً هتعرض ڤيديو أو صورة أو أغنية من موبايلك على الشاشة عن طريق ان الموبايل و الريسيڤر يكونوا على نفس شبكة الواى فاى
اقولك انا بستخدم ٣ تطبيقات فى القصة دى .. جربهم و اختار اللى يريحك فيهم

١ - التطبيق الأول .. XCAST
بتنزله من هنا https://play.google.com/store/apps/d...S3EEpqXfRa5nHU
تدوس من ريموت الريسيڤر زرار source أو تدخل على الوسائط المتعددة Multimedia و تختار DLNA و بعدين DMR
أو هتلاقيها داخل قائمة apps فى الأجهزة الجديدة
بعد كده بتروح لموبايلك و تفتح البرنامج هتلاقيه لوحده بيعمل بحث عن الأجهزة اللى ممكن يتصل بيها و هيظهرلك الريسيڤر بإسم Sunplus xxx .. بمجرد ما تختاره هتلاقى شاشة التليفزيون قلبت على لوجو البرنامج و موبايلك اتقسم فولدرات تختار منها اللى انت عايز تعرضه على الشاشة.

٢ - التطبيق التانى .. Bubble
بتنزله من هنا https://play.google.com/store/apps/d...Epbj5Y0B3Rwmmk
تدوس من ريموت الريسيڤر زرار source أو تدخل على الوسائط المتعددة Multimedia و تختار DLNA و بعدين DMR
أو هتلاقيها داخل قائمة apps فى الأجهزة الجديدة
بعد كده بتروح لموبايلك و تفتح البرنامج هتلاقى علامة شاشة فيها واى فاى هتدوس عليها و تختار برضه Sunplus xxx .. و بعدين على شمال البرنامج تحت هتلاقى كلمة more تدوس عليها و هتلاقى تقسيمة ملفاتك فى الموبايل هتختار منها اللى عايز تعرضه و لو قالك عايز تضيفه لل playlist دوس ok و روح ل playlist تحت فى القائمة جنب more و اختار الملف هيظهرلك على الشاشة.

٣ - التطبيق التالت .. Tubio
بتنزله من هنا https://play.google.com/store/apps/d...YaZxYj1Bx3ouMY
تدوس من ريموت الريسيڤر زرار source أو تدخل على الوسائط المتعددة Multimedia و تختار DLNA و بعدين DMR
أو هتلاقيها داخل قائمة apps فى الأجهزة الجديدة
بعد كده بتروح لموبايلك و تفتح البرنامج هتلاقيه لوحده بيعمل بحث عن الأجهزة اللى ممكن يتصل بيها و هيظهرلك الريسيڤر بإسم Sunplus xxx .. بمجرد ما تختاره هتلاقى تقسيمة ملفاتك فى الموبايل بشكل حلو .. هتختار منها اللى عايز تعرضه و هيظهرلك على الشاشة.

✔ بالنسبة لأجهزة Apple
نزل برنامج iMediaShare من هنا ⬅ https://apple.co/2LZYi1W
أو برنامج Tubio من هنا ⬅ https://apple.co/39Sb7TT
👈 فيه حتة حلوة كده ممكن تكون الناس مش عارفاها
لو عايز تشغل من ابليكشن اليوتيوب نفسه على الريسيڤر .. بتشارك الڤيديو ( Share )
هيجيبلك البرامج اللى ممكن تشير منها زى الفيس بوك و كده .. ساعتها اختار برنامج ال DLNA اللى بتستخدمه و هتلاقى الڤيديو اشتغل معاك على الريسيڤر 😉 👍
الميزة هنا التحكم السهل من الموبايل عكس الريسيڤر و كمان مش لازم تفضل فاتح اليوتيوب على موبايلك عشان يفضل شغال على الشاشة .. لأ عادى استمتع و عيش حياتك براحتك على الموبايل و كده كده الفيديو شغال معاك على شاشتك 👌

👈 حاولت أكون بسيط فى الشرح و يارب اكون وُفقت و المعلومة وصلت بسهولة 💛