[asyr]

برجاء تحويل للجهاز مع الاحتفاظ بالسيرفر لانه لم يفعل بعد
سوفت الشركة لايقبل اى ملفات قنوات من المنتدى وبه مشاكل اذا اعطيته اى ملف بيدى ارقام فقط بدون اسماء قنوات والجهاز يقف على اى منهم وما بيغيرش واحيانا يقطع اشاره ولما ارجعه تانى لاصله يشتغل
ولكن هل لابد كل يومين اعمل له بحث واعرب له القنوات
صحيح انا اعترف لهم انهم اصلا دارسين تسوق وكيفية امتصاص غضب العميل من غير ما يعملوا له حاجة وده طبعا موش هايغير شىء لان مايهم العميل فى المقام الاول هو خدمة مابعد البيع وكيفية الاصلاح ومعالجة الاخطاء وليس اللسان الحلو فقط لان ده يعتبر ضحك على الذقون وعدم مصداقية
بصراحة جهاز سىء جدا وعقيم وشركة جوست فشلت فشلا ذريعا فى هذا الجهاز لدرجة ان الجهاز ارسلته لهم للتوكيل ورجع بعد 3 اسابيع زى ماهو نفس المشكلة بعد ماكنت كل يومين ثلاثة اذهب اليهم ويقولوا لسه اصل العربية ماجاتش وبعد مخانقة جابوا الجهاز بعد 3 اسابيع بنفس المشكلة
يعنى اثبتوا فشلهم الذريع فى هذا الجهاز ولذلك نصيحة لوجه الله تعالى الى كل من يريد ان يشتريه انصحه بالابتعاد عنه مطلقا وهذا عن تجربة لان اى جهاز الواحد ةممكن ينزل له ملف قنوات متعرب من المنتدى ماعدا هذا الجهاز وطبعا التغيرات فى الترددات والقنوات كتير وموش كل يومين هاتعمل له بحث وتعربه من جديد
ولذلك ارجو من الاخوة المختصين فى التحويلات والتعديل على السوفتات ان يقوموا بتحول للجهاز مع الاحتفاظ بالسيرفر او التعديل على سوفت الشركة مادامت الشركة فاشلة ولا تستطيع ان تحل مشاكل اجهزتها رغم انها تعتبر غالية نسبيا
وعلى الشركة ان تلطم وجهها فى النيل وتغلق ابوابها وكفاية اذى للناس لان الناس موش ناقصة

[عبدالفتاح جابر]

اخي حدث الجهاز اون لاين
والجهاز ده الوحيد في اجهزه 16 ميجا الي بيقبل ملفات الصن بلاص الداكي بدو ن مشاكل ومجرب
جرب الملف ده

[عبدالفتاح جابر]

وده سوفت معدل للاخ مدحت ابوحنين
حمل بالفلاشه في حال ظلت المشكله كما هي
ولاكن يجب التحديث اون لاين افضل

[asyr]

شكرا استاذ عبد الفتاح وسوف احاول بملفات حضر تك لعل وعسى
وسوف اخبرك بالنتيجة لتعم الفائدة

[عبدالفتاح جابر]

ان شاء الله خير

[asyr]

الجهاز قبل الملف القنوات الاول واشتغل كويس جدا على مايبدو ان الملف ده مسحوب من جوست بلاك فعلا
ولكن السؤال هو ليه مابيقبلش ملفات الاخ ابو الشاذلى الجعفرى فى المثبتات وقبل ده وياريت حضرتك تقول لى ملفات الاخ الحبيب دى الاقيها فيت يعنى فى اى قسم بمصراوى بالضبط حتى اتابعها باستمرار وانزل منها بدل ملفات الاخ ابو الشاذلى
واخيرا اكرر شكرى الجزيل لحضرتك لانى فعلا زهقت من الجهاز ده لعدم توافر ملفات له بمنتديات مصراوى سات

[عبدالفتاح جابر]

ياحبيبي حمل ملفات الداكي الي بيرفعها محمد علي البدوي
او اي زميل في قسم الصن بلاص الداكي حيقبلها عادي جدا وعن تجربه
ملفات الذميل
الشاذلي
معموله لنفس الاجهزه بس ستارنت فورس 5G
جولدن HD جامبوا
اجهزه اخري من هذه النوعيه فقط لاغير

[عبدالفتاح جابر]

هذا الملف يصلح
http://www.masrawysat.com/vb/showthread.php?t=3304977
وهذا الملف
http://www.masrawysat.com/vb/showthread.php?t=3303682
وهذا ايضا
http://www.masrawysat.com/vb/showthread.php?t=3299460

[asyr]

شكرا استاذنا الفاضل ولكن الملفات دى امامى فعلا وبااحملها للتايجر معالج 1506 وكذلك للنوفا معالج 1507 وبصراحة خفت انى احملها للجوست لان المعالج مختلف تماما والاخ محمد موش كاتب انها تنفع لل2517 وده اللى خوفنى وحتى لو لاحظت حضرتك هذه كتابة العنوان للاخ محمد على البدوى DK-t-f-g-tv-07g-07a-2507 -1506hvصن بلص
يعنى بعد كده ان شاء الله لو حملت للجوست اى من هذه الملفات للاخ محمد موش هاتحصل مشاكل للجهاز ؟
لان المعالج والرامة والفلاشة مختلفين تماما فالعالج 2517D والرام 2 جيجا والفلاشة 16 يعنى مواصفات اعلى من الاجهزة اللى كاتبها الاستاذ محمد وهو ده اللى خوفنى ومخللينى متردد انى احملها .
طبعا حضرتك اكثر منى خبرة بكثير ونحن نتعلم منك ولكنى اخاف عطب الجهاز فقط وذلك لعدم خبرتى الكافية فى اجهزة الصن بلاص
اكرر شكرى لحضرتك فكل منا له مقامه الاستاذ استاذ والتلميذ تلميذ

[عبدالفتاح جابر]

المشاركة الأصلية كتبت بواسطة asyr

شكرا استاذنا الفاضل ولكن الملفات دى امامى فعلا وبااحملها للتايجر معالج 1506 وكذلك للنوفا معالج 1507 وبصراحة خفت انى احملها للجوست لان المعالج مختلف تماما والاخ محمد موش كاتب انها تنفع لل2517 وده اللى خوفنى وحتى لو لاحظت حضرتك هذه كتابة العنوان للاخ محمد على البدوى DK-t-f-g-tv-07g-07a-2507 -1506hvصن بلص
يعنى بعد كده ان شاء الله لو حملت للجوست اى من هذه الملفات للاخ محمد موش هاتحصل مشاكل للجهاز ؟
لان المعالج والرامة والفلاشة مختلفين تماما فالعالج 2517D والرام 2 جيجا والفلاشة 16 يعنى مواصفات اعلى من الاجهزة اللى كاتبها الاستاذ محمد وهو ده اللى خوفنى ومخللينى متردد انى احملها .
طبعا حضرتك اكثر منى خبرة بكثير ونحن نتعلم منك ولكنى اخاف عطب الجهاز فقط وذلك لعدم خبرتى الكافية فى اجهزة الصن بلاص
اكرر شكرى لحضرتك فكل منا له مقامه الاستاذ استاذ والتلميذ تلميذ

حمل وتوكل علي الله
وعن تجارب كتيره