[حسام مشعل]

نصائح للآباء فى بداية العام الدراسى الجديد

1.. ضبط مواعيد النوم قبل الدراسة بكام يوم ، الطفل يشرب وياكل اى حاجة قبل ما ينزل ننشط الدورة الدموية حتى لو تمرة ...
والطفل ياخد غفوة بعد المدرسة ساعة كفاية هتعلى التركيز وتنشط المخ ، ويكون البيت مترتب والغدا جاهز.
2.. بلاش نسلم أولادنا للمدرسين تسليم أهالى ( كسر وأنا أجبس !!! ) ابنك حبيبك مش عدوك على فكرة ، امدح ابنك بمميزاته للمدرس وعرفه انك بتحبه وفخور به وعلى ثقته بنفسه .
3.. المتابعة المستمرة بين الآباء والمدرسة والمدرسين ،متابعة المستوى الدراسى ومتابعة السلوك ، سواء عن طريق كراسة التواصل لو الابن صغير او التليفون او الذهاب للمدرسة من وقت للتانى.
4.. تشجيع المواهب المختلفة وتدعيمها ، لأن الموهبة بتشجع الطفل انه يكون واثق من نفسه وفخور بها ،لكن كبت المواهب و إهمالها يؤدى للاحباط وفقدان الرغبة فى المذاكرة .
5.. توجيه النصائح بطريقة مباشرة ، بالاضافة إلى التوجيه الممتع ويكون بربط المهام بألفاظ ممتعة مثل (يلا نتسلى بمسألتين قسمة _ تعالى تأزأز جملة ونعربها …إلخ)
6.. توفير بيئة للمذاكرة ،بيئة هادئة خالية من المشاكل والعصبية والأصوات المرتفعة حتى الروائح الكريهة تؤثر سلبيا على التركيز والعكس طبعا ، بيئة تحفز الحواس وتنشط الذاكرة سواء بالروائح الطيبة أو الألوان المنشطة كالأصفر .
7.. كافئ المجهود وليس النتيجة ، قدر تعب ابنك حتى لو اخفق لسبب ما فى الدرجة النهائية لأنك عارف أنه تعب وذاكر..( أنا عارف أنك تعبت فى المادة دى وعارف أنك شاطر وإن شاء الله المرة الجاية هتجيب أحسن من كده أنا واثق فيك. )
8..مدة المذاكرة 45 دقيقة بعدها 10 دقايق راحة ، الطفل المتحرك 1/2 ساعة كفاية ، الراحة تكون فى لعب ومرح بلاش تليفزيون أو تليفون أو ما شابه ،المكتب فى وجه الحيط لتقليل المشتتات واللون الاصفر مهم طبعا ، نبدأ بالمادة القوى فيها ونعمل عملية تمتين وندخل على المادة الأقل يدخلها وهو قوى وواثق من نفسه .
9.. قبل المذاكرة تكون كل احتياجات الطفل الفسيولوجية تمااام (شبعان اكل وميه _ نظيف _الجو مناسب _ وأهم حجة أنتم عارفينها )
10.. سيب ابنك يحلم لنفسه .. حلمك حققه أنت أو ليه أصلا محققتوش لنفسك ؟؟!!!! ابنك هو ابنك مش نسخة منك ، مهمتك تشجعه وتدعمه وتسانده يحقق حلمه.
وكل عام وحضراتكم بخير