[البلعوطي]

انا عندي كارت ستالايت TVII S662
واوقات بجي ابحث عن الفيد بيجيب معايا اشاره واجي اعمل بحث القنوات مش بتنزل
ياريت حد يقولي العيب فين
متشكر جدا

[ABOZIAD@AHMAD]

ممكن تكون الاشارة ضعيفة او الفيد انتهت مدته

[البلعوطي]

شكرا اخي ابو زياد علي الرد بس الفيد كان جايب معايا اشاره وكانت موجوده ولما جيت ابحث منزلتش قنوات ولما شلت السلك وحطيته في الريسيفير بحثت والقناه نزلت عادي
طيب انا عندي برنامج Dvbdream
ممكن تقولي لازم الفيد يجيب اشاره كام عليه مثلا عشان اعرف الاشاره ضعيفه ولا لاء
شاكر جدا ليك

[البلعوطي]

معلش اخي ابو زياد
ده الفيد اللي بكلم حضرتك عليه
Eutelsat 7A (7.0°E)
11127 V 7500 8PSK/3/4 4:2:2
GCUK Enc 1 / GlobeCast UK
ارجو من حضرتك انك تجربه عنده عشان اعرف المشكله في الفيد ولا عندي
جزاك الله خيرا اخي

[ABOZIAD@AHMAD]

المشاركة الأصلية كتبت بواسطة البلعوطي

معلش اخي ابو زياد
ده الفيد اللي بكلم حضرتك عليه
Eutelsat 7A (7.0°E)
11127 V 7500 8PSK/3/4 4:2:2
GCUK Enc 1 / GlobeCast UK
ارجو من حضرتك انك تجربه عنده عشان اعرف المشكله في الفيد ولا عندي
جزاك الله خيرا اخي

ليس لدى غير النايل سات فقط اخى الكريم فى انتظار اى زميل لك من لديهم القمر للتجريب

[الإســناوى]

انا جربته
جايب اشارة كويسة 57%
والقناة اسمها Atp World Feed
بس شاشة سودة تقريبا وقت الفيد منتهى علشان مفيش بث عليه حاليا

[البلعوطي]

تمام اخي الاسناوي يعني القناه نزلت معاك
انا بيجيب معايا اشاره ولما بجي ابحث القناه مش بتنزل وبيقولي مفيش قنوات
ومش عارف السبب بصراحه ونفسي حد يقولي المشكله فين عشان احاول اظبها مع العلم ان فيدات الدوري الاسباني علي 10 شرق بتنزل معايا
شكرا ليك اخي

[البلعوطي]

اخي الاسناوي وياريت تقولي انت بتستخدم برنامج ايه للعرض

[الإســناوى]

المشاركة الأصلية كتبت بواسطة البلعوطي

اخي الاسناوي وياريت تقولي انت بتستخدم برنامج ايه للعرض

بصراحة انا باستخدم dvbdream وانا باعتبره افضل برامج المشاهدة علي الاطلاق وكنت غاوى البروج لكن مشاكله كتير وبالذات مع الاقمار والمشفر
بالتجربة الدريم وبس

[البلعوطي]

طيب حضرتك انا بستخدم الدريم والفيد اللي بكلمك عليه انت بتقول انه نزل عندك ومنزلش عندي ممكن اعرف السبب ايه ولو انت عندك ملف قنوات ياريت تحطهولي وحاول تساعدني معلش في اني اعرف السبب ان الفيد جايب اشاره والقناه مش بتنزل
شكرا لحضرتك

[الإســناوى]

عموما ممكن يكون العيب فى العسة او اي شىء تانى
وهاهو ملف القنوات الخاص بى

[♥MR.IbRaHiM♥]

تم تعديل العنوان

عند عمل موضوع جديد يجب ان يكون العنوان دال ع محتواه
حتي لا تتعرض للمخالفه

[البلعوطي]

اوك يا استاذ ابراهيم اسف جدا لحضرتك
انا بس اول مره اعمل موضوع وكنت بس عاوز مساعده مش اكتر فمكنتش واخد بالي
شكرا لحضرتك

[♥MR.IbRaHiM♥]

حضرتك بتستخدم برنامج عرض ايه
وانت بتستقبل الفيدات ؟؟

[البلعوطي]

اهلا بحضرتك يا استاذ ابراهيم انا كنت بستخدم برنامج dvb dream وبعدين مكنش بيظبط معايا خالص والفيد حاولت القطه اكتر من مره وملقطش في نفس الوقت اللي انا لما قولت المشكله في اخ فاضل هنا بحث عن الفيد ونزله بسهوله وكان بيستخدم نفس البرنامج
بس حاليا انا بستخدم برنامج progdvb والحمدلله شغال معايا كويس الي حد ما وقدرت القط فيد التنس بتاع بطوله مدريد علي قمر 7 شرق
بس انا لاحظت حاجه ومش متاكد اذا كانت صح ولا غلط ان انا لما بيكون معدل الترميز 5 ارقام يعني مثلا 14400 القناه بتلقط وبتنزل
لكن لما بيكون معدل الترميز 4 ارقام مثلا 7500 حتي لو لقط معايا اشاره وجيت ابحث مفيش قنوات بتنزل بعمل سكان ومش بيجبلي ولا قناه
شكرا لحضرتك وعلي مجهودك وجزاك الله خيرا