[م / وليد هانى]

حصريا على منتديات
مصراوى سات
وصلات تحديث جميع الريسيفرات على طريقة مصراوى سات

أولاً : معلومات عامة عن وصلات التحديث مهمة
1- وصلات التحديث هى عبارة عن أداة ربط بين مرسل ومستقبل
ومتمثلة فى مهنتنا على هيئة الكمبيوتر ( اللودر ) والريسيفر وبيتحدد وضع كل واحد فيهم
حسب الامر اللى انته بتعطيه للودر سواء كان بالسحب او التمرير .
2- مخارج وصلات التحديث فى الكمبيوتر لها اشكال كثيرة
( LPT كابل الطباعة - USB - مخرج التحديث العادى RS232 ) .
3- اشهر مخرج تحديث هو RS232 ويتكون من 9 بن وده اللى هنشرح عليه فى موضوعنا بإذن الله .
4- تشريح مخرج RS232 ( أنظر الصورة التالية ) :

[م / وليد هانى]

ثانياً : أشهر وصلات التحديث فى الأسواق
1- الوصلة العدلة ( أنظر الصورة التالية ) :



2- الوصلة المعكوسة ( أنظر الصورة التالية ) :



3- فيجا 555 كوم نتاية ( أنظر الصورة التالية ) :



4- aux عدلة ( أنظر الصورة التالية ) :



5- aux معكوسة ( أنظر الصورة التالية ) :


6- كابل MP4 ( أنظر الصورة التالية ) :

[م / وليد هانى]

ثالثاً : وصلة الترومان 250

1- وصلة الترومان يوجد منها نوعين فقط وهم :
وصلة ترومان 250 بايسى RS232 ( أنظرالصورة التالية )


وصلة ترومان 250 بترانزستورات ( أنظرالصورة التالية )


وصلة ترومان 250 الشاملة ودى لا تعتبر نوع ثالث لانها تعمل بترانزستورات
ولكن بها اكثر من ترتيب لمخارجها وبيجى معاها كاتلوج
بيشرح هذا تم ارفاقه بواسطة مصممها ( أنظرالصورة التالية )


2- وظيفة وصلة الترومان 250 هى مساعدة البروسيسور واللودر فى تنظيم عملية ارسال
وإستقبال البيانات بينهم عن طريقة بوابات بتفتح وتغلق بتأثير نبضات ( فنين الصيانة فاهمين الجزء ده )
متمثلة فى الترانزستورات وايسى rs232 .

3- امتى نعرف ان الريسيفر ده محتاج وصلة ترومان 250 ؟
اغلب الفنين بيعرفوها عن طريق الحفظ والخبرة مع تكرار الشغل
ولكن هناك طريقة بسيطة جدا للمبتدائين وهى ان نقوم بفك
غطاء الريسيفر سواء كان مينى او كبير وننظر خلف مخرج التحديث
اذا وجدت ايسى rs232 او عدد 2 ترانزستور طبع ورقمهم 1AM
يبقى الجهاز لا يحتاج وصلة ترومان 250
اما إذا لم تجد اى منهم يبقى الجهاز محتاج وصلة ترومان 250 .

4- رقم ترانزستورات وصلة الترومان 250 الاصلية
هو S8050 وفى حالة عدم العثور على ترانزستور بنفس الرقم
بديله هو 2N3904 .

5- أسباب إحتراق ايسى او ترانزستورات وصلة التحديث هى :
وصلات الترومان 250 بجميع انواعها صممت انها تعمل من 3 إلى 7 فولت كحد أقصى
وليس عليها اى حماية ضدد اى فولت أعلى من السابق ذكره
والطبيعى ان اغلب الاجهزة ذات مخرج التحديث 3 او 4 بن بتخرج 3.3 فولت
ولكن يوجد بعض الاجهزة بتخرج 15 او 20 فولت وده سبب تلفها
والحل تم ابتكار فكرة لحمايتها وهو عدم تغذيتها من الريسيفر نهائياً
ويتم تغذيتها خارجياً عن طريق ترنس 3:5 فولت او حجرين ريموت ...الخ
المهم اى مصدر يكون فولته من 3:5 واليكم مخطط توضيحى ( أنظر الصورة التالية )

[م / وليد هانى]

رابعاً : طريقة ترتيب أطراف سوكت تحديث الريسيفرات
التى تحتوى على مخرج تحديث ترومان 250

1- تختلف الريسيفرات التى تحتوى على سوكت تحديث ترومان 250 فى الشكل ( سوكت واسع - سوكت ضيق )
وفى عدد البن ( 3 بن - 4 بن - 5 بن ) وفى ترتيب الاطراف نفسها .
2- تعتمد هذه الريسيفرات جميعاً على 3 أطراف رئيسية وهو
GND - RXD - TXD
واحياناً بيكون فى بن رابع وهو خاص الفولت
وكما شرحنا سابقاً هيتم تعويضه خارجياً
GND = بن رقم 5 فى كوم rs الكمبيوتر وهو خاص الارضى
RXD = بن رقم 2 فى كوم rs الكمبيوتر وهو خاص إستقبال البيانات
TXD = بن رقم 3 فى كوم rs الكمبيوتر وهو إرسال البيانات
3- عشان نحدد كل طرف من الثلاث اطراف السابق ذكرها
هيتم استخدام الافوميتر كالاتى :
GND = نضبط الافوميتر على وضع الصفارة ويتم وضع
طرف السالب على جسم الريسيفر والطرف الاخر يتم تمريره
على بن تحديث الريسيفر واحد تلو الاخر حتى يعطينى الأفوميتر صفارة
وهنا يتم توصيله بـ GND وصلة الترومان 250
TXD و RXD = هيتم توصيلهم بشكل عشوائى مع طرفين
RXD و TXD اللى فى وصلة الترومان 250 ويتم تجربة
تمرير السوفت واذا الجهاز لم يتعرف على الوصلة يتم
تبديل توصيل هذين الطرفين مكان بعض .

خامساً : مخطط وصلة الترومان 250

لهواة صناعة وصلة الترومان بأنفسهم ( أنظر الصورة التالية ) :

[ELSAYED 3ATEF]

احسنت بارك الله فيك

تسلم ايدك

[۩‏۩‏۩ Mr.Mohamed Gad ۩‏۩‏۩]

عمل اكثر من رائع
مهندس وليــــــــــــــــــــد

[المايسترو]

وهما دول رجالة مصراوى سات العباقرة المبدعين
عمل رائع وتنسيق ممتاااز
استاذ وليد الدعم الفنى للقسم الصينى

تسلم ايدك بجد
الله ينور عليك

[م/آحـمـد رضــا]

استـــاذ ورئيـــس قســم

[mostafa yousssef]

عمل اكثر من رائع تسلم ايدك وعيونك

[ابو صلاح للدش]

عمل اكثر من رائع

[مصطفي تايجر]

تسلم ايدك الله اكبر عليك يا ابو نور شغل عالى
لازم يخرج من فنان

[mhamoed]

مشكوررررررررررررررررررررررر

[محمد احمد فرج]

تسلم يا ابو نور

[م/ ناصر جمال]

الله ينوور عليك استاذ وليد شغل رائع و شرح اروع

[تامر مسعد]

جزاك الله خيرا وفى انتظار المزيد