[السيدعبدالعزيز]

محمود أشرف


اثناء فترة موسيماني كان اي حد بيجيب سيرة فايلر او يذكر نتايجه كان بيتهموه بـ الإحداث وبيصفوه بـ ارملة فايلر عشان خلاص فترته انتهت وحالياً معانا مدرب، بس نفس الناس دي حالياً بتعمل النقيض تماماً ومع اي تعثر لـ كولر بيتحط صورة موسيماني ويتكتب كابشنز من عينة بعدك يابا انا شوفت الويل ..الخ

موسيماني في مجموعات السنة اللي فاتت خد نقطة واحدة برضوا من اول ماتشين وخسر من صن داونز رايح جاي وتأهل بخدمة ماتشات المنافسين ولعب المريخ ماتشينه في مصر يعني حتى المقارنة ما بين المدرب السابق والحالي هي هي نفس نتائج اول ماتشين ومفيش حاجه تدعوا للولوله على المدرب السابق!

خلال فترة موسيماني مع الأهلي لعب مع صن داونز 4 ماتشات مكسبش غير ماتش!

موسيماني اللي مسك الأهلي من فايلر وهو حاسم الدوري ومتأهل على حسابه هو شخصياً لـ نصف نهائي البطولة لعب معاه 3 ماتشات في افريقيا خد البطولة لعب معاه ماتشين في كاس مصر خد البطولة !

وده الفارق مابين كولر وموسيماني، كولر ماسك فريق مهلهل مكنش فيه اي بوادر امل في بداية الموسم فريق خسران كل البطولات اللي دخلها من افريقيا لـ كاس لـ دوري اخر موسمين ورغم كده حاول بنفس الأسكواد وبنفس العناصر تقريباً وحالياً معاه بطولة سوبر ومتصدر الدوري ولسه عنده امل في التأهل من افريقيا !

مدربنا السابق اللي بنولول عليه مرحش يدرب بعدنا مانشستر يونايتد زي ما بيحلم راح يدرب ف دوري الدرجة الثانية السعودي!

عموماً هي دي نفس العناصر اللي عندك ونفس اللاعيبة ونفس الادارة اللي مبتتفذش طلبات المدير الفني فـ اللوم على مدير فني وآفة المقارنة بالمدربين السابقين دي المفروض تنتهي اصلاً عشان عرفنا ان لو المدرب عنده خطأ واحد فـ الادارة والاسكواد عليهم مليون خطأ

ورغم اخطاء كولر الناتج عن قلة خبرة افريقية، برضوا هيفضل هو الأمل الوحيد للأهلي بجانب تيشيرت وجمهور الأهلي