[سعد بيكهام]

السلام عليكم جانى ريسيفر مينى كان به شورت تم إزالة الشورت الجهاز بيجيب كلمة لود وتهتز بضعف تم تغيير ادابتور موثوق منه وتغيير s47اكتر من مرة بجديد واخر مرة بواحد من ريسيفر شغال وتغيير مكثفات الباور علما بأنى نزعت الملف الخاص بال5 فولت وتجربة خمسة فولت خارجية الجهاز بيشتغل وعند توصيل الملف يوجد سخونة بs47 مع العلم الخمسة فولت بها نقص تعطى حوالى 4.2

[مستر ابراهيم فوزى]

كل ده تمام يا هندسه فاضل بس ترفع صوره للبورده ونحاول نحلها مع بعض أن شاء الله

[Fathymosa]

واذكر كمان خرج
ال s15او10
مخرجين كام

[kareem gad]

وارفع ايسي الاشارة لانك لما بتركب
5 فولت خارجى كدة مفيش فولت على ايسي الاشارة
ممكن يكون فيه مشكلة او اى مكثف طبع واصل على الايسي

[مستر ابراهيم فوزى]

ممكن يكون معاك عنصر تالف علي خط الخمسه فولت بيسبب معاك انخفاض للفولت وسخونه علي الايسي
ال s47 بيطلع 6 فولت يا 5.5 فولت بيدخلوا الملف بيخرجوا 5 ودى معلومه من قياستي أنا شخصيا
لكن لو خرجت 4.2 حتطلع من الملف ممكن أقل من 4 وده جهد ضعيف
عايزك تذكر الجهود علي الريجليتور والمنظمات كما اشار المهندسين بالسابق وتحسس حراره العناصر علي خط الخمسه فولت

[سعد بيكهام]

المشاركة الأصلية كتبت بواسطة مستر ابراهيم فوزى

كل ده تمام يا هندسه فاضل بس ترفع صوره للبورده ونحاول نحلها مع بعض أن شاء الله

جزاكم الله خيرا جميعا على المتابعة ودى صورة لنفس البوردة ولكن من النت لانى أغلقت المحل وغدا أن شاء الله ارفع صورة البوردة الاصلية

[سعد بيكهام]

المشاركة الأصلية كتبت بواسطة kareem gad

وارفع ايسي الاشارة لانك لما بتركب
5 فولت خارجى كدة مفيش فولت على ايسي الاشارة
ممكن يكون فيه مشكلة او اى مكثف طبع واصل على الايسي

نزعت اى سى الإشارة والملف اللى بجواره ونفس المشكلة واقف على كلمة لود مع سخونة الاى سى ودى صورة البوردة

[م/ احمد شومان]

المشاركة الأصلية كتبت بواسطة سعد بيكهام

نزعت اى سى الإشارة والملف اللى بجواره ونفس المشكلة واقف على كلمة لود مع سخونة الاى سى ودى صورة البوردة

ارفع روجوليتور 5 فولت وشوف الفولت
هيسبت 5 فولت ام الا مع وجود سخونة على S47

[مستر ابراهيم فوزى]

المشاركة الأصلية كتبت بواسطة Fathymosa

واذكر كمان خرج
ال s15او10
مخرجين كام

اذكر الجهد الداخل والخارج من المنظم ده كما أشار المهندس فتحي وبالمره تحسس حرارته

[سعد بيكهام]

نزعت الs15 السخونة قلت من الs47 والفلولت الخارج منه وصل ل4.4 قمت بتغيير الs15 من جهاز اخر نفس المشكلة كما هى الفولتيات عليه داخل 4 فولت خارج 1.5 و2.5 والسخونة لا يوجد على s15 ولكن s47 سخونة عالية

[مستر ابراهيم فوزى]

الرسيفر معاك واقف علي load هل بيجيب صوره علي التليفزيون ؟
وكمان اذكر الجهد علي مدخل الاشاره

[سعد بيكهام]

المشاركة الأصلية كتبت بواسطة مستر ابراهيم فوزى

الرسيفر معاك واقف علي load هل بيجيب صوره علي التليفزيون ؟
وكمان اذكر الجهد علي مدخل الاشاره

لا يوجد صورة

[مستر ابراهيم فوزى]

طب اذكر الجهد علي مدخل الاشاره
خلي بالك زى ما أشار المهندس كريم
الايسي إحتمال كبير بيسخن بسبب عنصر تالف في خط ال ١٢ فولت وطبعا ده خط تغذيه ايسي الاشاره والخط المغذي لايسي الباور إيلي بيسخن
ولو حنتعامل مع حاله load
افحص مداخل usb شوف حاجه ملمسه
وافصل العدسه وجرب علي تليفزيون شوف حيجيب صوره ولا لأ

[سعد بيكهام]

المشاركة الأصلية كتبت بواسطة مستر ابراهيم فوزى

طب اذكر الجهد علي مدخل الاشاره
خلي بالك زى ما أشار المهندس كريم
الايسي إحتمال كبير بيسخن بسبب عنصر تالف في خط ال ظ،ظ¢ فولت وطبعا ده خط تغذيه ايسي الاشاره والخط المغذي لايسي الباور إيلي بيسخن
ولو حنتعامل مع حاله load
افحص مداخل usb شوف حاجه ملمسه
وافصل العدسه وجرب علي تليفزيون شوف حيجيب صوره ولا لأ

هندسة فحصت كل العناصر المجاورة للusb وكل دايودات ومكثفات الريسيفر ومداخل usb ولا يوجد شورت أو تلف بشئ وجربت بالعدسة وبدون لا توجد صورة مع اهتزاز ضعيف ف كلمة lood نتيجة ضعف الفولت وركبت اى سى الإشارة وقيست على التوينر بيدينى 12 فولت

[مستر ابراهيم فوزى]

أخي 12 فولت علي التيونر ده جهد مش مظبوط ومنخفض
أذكر الجهد علي الريجليتور بجوار مدخل الإشارة
الدخل والخرج أحيانا بيسبب load لو الخرج اقل من 3.3
وارفع موحدات في منطقة الاشاره وراجع سخونه ايسي الباور
ولم أمكن ارفع غطا علبه الاشاره وافحص المكثفات الطبع
وتحسس سخونه الايسي الشبكي

وحاول تغير الs47 بواحد موثوق منه
أنا كان معايا واحد مابيسخنش بس كان بيعمل رستره للرسيفر وكان جديد