[السيدعبدالعزيز]

هذه رسالة وصلتنى من صديق لى فى البرازيل.
حبيت انقلها كما هى ..
كلنا زعلانين جدا من الخسارة بس فعلا رغم الهزيمتين الا اننا بقينا مصنفين عالميا و لينا اسم و سمعة ودي حاجة يحسها اللي عايش بره الميدل ايست عموما زي حالاتي و يمكن ده اللي شايف في عزاء شوية ليا كأهلاوي
انا اتفرجت علي كاس العالم للسنة التانية علي التوالي مع اصدقاء برازيلين.. الناس فعلا عارفين الاهلي كويس جدا جدا و عارفين لاعيبة بالاسم سواء عن طريقي او من متابعاتهم للماتشات الكبيرة للاهلي منهم واحد لسه متعرف عليه من شهر كنت رايح العب كورة و لقيته في الفرقة اللي قصادي لابس تيشيرت الاهلي طبعا اتصدمت و رحت له اتعرفت عليه و بقينا اصحاب
الناس شايفة الاهلي كان ممكن جدا يعدي ريال مدريد و كانوا متأكدين امبارح اننا هنكسب فلامنجو حتي بعد ما دخل فينا البلن الاول و لغاية كورة شريف بعدها كلهم قالولي هتخسروا
انا مش حاسس باهانة خالص بالعكس انا فخور و فرحان بالاهلي اللي فعلا عمل بطولة ممتازة و افضل اداء في تاريخنا في كاس العالم بس احنا بنلعب من غير مهاجم و لا صانع لعب و لا حارس مرمي بالاضافة لسوء التوفيق اللي لازمنا اخر ماتشين
لازم نبني علي البطولة دي و نخلص الدوري بدري بدري و نفوق للشامبيونز علشان نرجع البطولة السنة الجاية ان شاء الله و نلعب النهائي

حاجة اخيرة، ربنا يبعد ايد الادارة عن فرقة الكورة و نخلي كولر يتحكم في كل حاجة و لو قصروا معاه يسيبهم و يمشي. مدرب كبير جدا جدا جدا

[ابو محمد 2005]

انا متفق معك فى كلامك انا كاهلاوى حاسس انى الاهلى فريق عالمى يقدر ينافس الفرق الاوروبية لكن بعض التغيرات فى التشكيل والاعبين انشاء الله القادم افضل

[مصراوى2]

طبعا اهلاوى وافتخر.
الأهلى صاحب البسمة والفرحة دائما

[عبده فودة]

بارك الله فيك اخى الكريم