[جرجس اسعد]

التليفزيون لمبة البور مضيئة لكن مفيش خرج لاين وال110 موجودة على ترانزستور اللاين وموجود الفولت على ايسى الفيرتكال وتم نزع ايسى الفيرتكال من الجهاز وبرده مفيش خرج لاين وبالقياس لا يوجد فولت على درايفر النبضة ولا ترانزستور النبضة وتم تغيير جميع مكثفات خرج الشوبر ومفيش فايدة فارجو المساعدة وارقام ايسيهاته البروسيسور NN5198K والعمليات MN1873287 والفيرتكال AN5522 والبور STR W5753 وترانزستور اللاين D2627 وايسى الصوت AN5265

[محسن اللبان]

اخي جرجس قيس المقومات الفيوزية الموصلة لاطراف اللاين
من المحتمل مقومة منهم فصلة

[جرجس اسعد]

المقاومات كلها سليمة

[محسن اللبان]

قيس الفولت علي اطراف اللاين

[جرجس اسعد]

اطراف اللاين عليها 110 فولت وفى فولت مكتوب عليه 40 فولت وطالعين منه برده ورجل الفيرتكال مكتوب عليها 25 فولت دى اوقات بيكون عليها فولت واوقات يفصل وطبعا درايفر النبضة مفيش عليه فولت خالص

[جرجس اسعد]

اين انت يا استاذ حافظ ؟

[حافظ السويد]

ابدل المكثفين
C946
C948
وجرب

[جرجس اسعد]

غيرتهم يا استاذ حافظ اللاين بيخرج والفتيلة بتنور بس لحظ واحدة ويفصل تانى يعنى حتى قبل ما يجيب اضاءة

[حافظ السويد]

ركب ايسي فريتكال جديد
وجرب

[جرجس اسعد]

طب هل LA7804 ينفع بدل لهذا الرقم AN5522

[جرجس اسعد]

اسف اقصد LA78040 بديل AN5522

[حافظ السويد]

ينفع

[جرجس اسعد]

رجع زى الاول يا استاذ حافظ مفيش خرج خالص من اللاين هو بحالات مرة اللاين يخرج ويفصل على طول زى ما قولت لحضرتك ومرة زى كده مفيش خرج من اللاين خالص ولا فى فولت على درايفر النبضة

[حافظ السويد]

جهد دريفر النبضة يصل اليه عند اعطاء الامر
علي طرف 46 من ic = NN5198K
يوجد مقاومةR401 قيمتها10 كيلو
تاكد منها واعيد اللحام عليها وجرب

[جرجس اسعد]

انا رفعت المقاومة وقيستها وجدتها سليمة وركبتها وجربت اشتغل والاضاءة ظهرت وفصلت وشغلت تانى مشتغلش برده فشكيت فى البريسات الامامية لان حركتها اثناء الضغط عليها غير مريحة فنزعت البريسات كلها من الجهاز اشتغل تمام وافصله واشغله تانى بقى تمام والف شكر يا استاذ حافظ للمتابعة والف شكر للاستاذ محسن اللبان لمتابعته ايضا