[إبراهيم داود]

هو ايه الفرق بين مساعدة "تكافل" ومساعدة "كرامة"؟
تكافل مساعدة نقدية مشروطة هو استحقاق اسري ، ويمنح للأسر اللي مستواها المعيشي ضعيف جداً ودخلها قليل ومعندهاش أملاك أو حيازات على شرط أن الأسرة دي تكون عندها أطفال من سن (يوم-18 سنة) ، والأطفال اللي فوق 6 سنين مُسجلين في التعليم ومنتظمين في الحضور بنسبة 80% على الأقل . أما كرامة فهو استحقاق فردي بيستهدف الأفراد المُسنين اللي عندهم 65 سنة أو أكثر وبيستهدف كمان الأشخاص اللي عندهم اعاقة أكتر من 50% بشهادة من القوميسيون الطبي .
1- ايه هي شروط التقديم لبرنامج كرامة؟
أن يـكون الفـرد ذو الاعاقــة عنده عجز يمنعـه عن العمل بشـكل منتظــم مايكفيش مصاريف معيشته أو علاجه . المريض بمرض مُستعصي يعجزه عن العمل،ويثبت درجة العجز من القوميسيون الطبي. لازم يكون الفرد والأسرة اللي هو منها مستواها المعيشي متواضع.. يعني مايكونش عند الأسرة أراضي أكتر من فدان ومايكونش عندها أملاك كبيرة زي سيارات موديل بعد عام 2000 أو بيوت تانية أو جرارات.. الخ.. ولا يعمل بوظيفة حكومية او خاصة بمرتب كبير
2- هل لو فيه معاش تأمينى ممكن يوقف فيزه كرامه ؟
ايوا ممكن لو زاد على ثلاثه اضعاف مبلغ فيزه كرامه
ومبلغ فيزه كرامه 450 جنيه اضربها ف 3 = 1350
لو حضرتك اقل من 1350 ليك الحق لفيزه كرامه ولو واقفه للسبب دا تعمل شكوى
اما لو مبلغ المعاش اكتر من 1350 فملكش حق لفيزه كرامه طبقا للشروط
3- انا عندى فيزه تكافل ممكن توقف فيزه كرامه ؟
هتعمل فصل اجتماعى للشخص المتقدم لفيزه كرامه من الوحده الاجتماعيه او الشؤؤن التابع ليها حضرتك يعنى لو الزوج او الزوجه او احد الابناء هيتم اسقاطهم من الفيزه والا هتقف فيزه كرامه لان الرقم القومى هيكون متكرر على الفيزتين تكافل وكرامه ولذلك هيجمدوا فيزه كرامه لحين عمل الفصل
4- انا اخدت النتيجه من المجلس الطبى مستحق هل كدا خلاص هتصدر الفيزه ؟
ممكن تقف للاسباب السالف ذكرها وهى ان يكون معاشى التأمينى كبير او موجود على فيزه الاسره تكافل ولم تطلب فصل منها للحصول على كرامه
5- بتاخد كام وقت للحصول على فيزه كرامه ؟
حاليا للاسف لاتوجد ميزانيه كافية بوزاره التضامن يغطى كل عدد الفيز المقدمه اليها كما كان فالسابق وكل فتره بيتم طباعه عدد من الفيز