[مستر ابراهيم فوزى]

احبابى اعضاء ورواد مصراوى سات الكرام

النهارده موضوع مهم جدا وعايزك ماتحاولش تقراه الا وانت مركز
ممكن يكون فى نقاط مفيده
وكل كلمه انا حقولها بتبقى عن تجربه شخصيه
يعنى قابله للتعديل من زملائى الفنيين وبسعد بأضافتكم

السؤال

حتعمل ايه لو جالك رسيفر السوكت بتاعه طاير بالتراكات والمسارات بتاعته

الاجابه عند معظم الفنيين الجهاز تقريبا انتهى علشان المسارات اتقطعت

اجابتنا هنا فى مصراوى سات

اول حاجه قول بسم الله الرحمن الرحيم

وثق فى نفسك جدا

انا عايزك اقولك انى كنت بصور اصلاح العطل خطوه بخطوه وانا متأكد بفضل الله انى حعمله

عميل جاب رسيفر star live plus 1 v5 سوكت العدسه متهتك
وبالمناسبه راح لاكثر من فنى

المهم

ركزوا معايا كويس الله يباركلكم

انا مش عايزك تصعبها على نفسك المفروض اطراف العدسه 5 اطراف
5cc
g ارضى
data بيانات
clock

ir الريموت

حضرتك القصه دى كلها تتحل لو انت قدرت تجيب طرف ir

طب طرف واحد ir ازاى

الخمسه فولت والارضى خدهم من اى ارضى ومن رجل دخل s15 او من اى مكان على البورده

طب كده العدسه وصلها جهد حقولها اكيد ولو عايز تتأكد قيس الجهد على بورده العدسه

حتقولى لازم تنور لمبه حمره ساعه ما الجهد يوصلها

حقولك لا فى معظم الاجهزه ايلى بتفتح على on مش حتديك بيانات الا لما تركب الداتا والكلوك مظبوطين

سيبك علشان ما تهربش منى

وصلنا الخمسه فولت للعدسه

حنجيب ir ازاى ؟؟؟

فى عدد 4 مقاومات صغيره جدا خلف السوكت عايزك تقيس الجهد عليهم بالافوميتر

طب انا فى الرسيفر ايلى معايا 3 مقاومات قياسهم كان

3.1 .......2.9.......3.1

فى المعتاد معايا فى العدسات ان جهد ir هو اقل جهد حيقابلك
معنى كده ان ir هو 2.9 حقولك تمام علشان كده

عشان كده وعلشان ما اتلخبطش انا لحمت سلكه صفره فى مقاومه ir ايلى ايلى قيمتها 2.9

ولحمت سلكتين ابيض على المقاومات ايلى اعطتنى قيمه 3.1

علشان انا معتبرهم data وclock ولو حبيت اعكسهم لو ماظهرش معايا بيانات ما اتلخبطش علشان المقاومات صغيره وشبه بعضها

نروح بقه للعدسه ونلحم فيها سلك المقاومه ايلى ادتنى قياس 2.9 الرسيفر اخد اوامر من الريموت
طب لو ماكانش اخد اوامر ؟
كنت حجرب الطرفين التانيين لحد ما ياخد اوامر

انت لو وصلت لكده المشكله اتحلت

خد بالك ان انا لحد كده العدسه معايا طافيه نهائى مفيش حتى لمبه حمرا

لما وصلت الطرفين ايلى لونهم ابيض لقيت الرسيفر جاب on وفتح

اهم حاجه تثبت اطراف سلك بحرفنه فى المقاومات ايلى خلف العدسه علشان تعرف تعكس الاطراف وانت بتجرب علشان مش حتعرف تلحم فى المقاومه اكثر من مره لصغر حجمها

ارجوا ان اكون وفقت فى طرح المعلومه
ولو اى حد عنده ملاحظات فرجاء لا يتردد
كلنا نصيب ونخطأ
والسلام عليكم ورحمة الله وبركاته

[م/طه]

ممتاز ممتاز ممتاز
والله الله ينور عليك تسلم ايدك
ماشاء الله ربنا يبارك فيك وفى صحتك

[اسلا م محمد]

[الچــــــــــــــــــوكر ابومازن]

الله ينور عليك كفؤ

[مستر ابراهيم فوزى]

المشاركة الأصلية كتبت بواسطة م/طه

ممتاز ممتاز ممتاز
والله الله ينور عليك تسلم ايدك
ماشاء الله ربنا يبارك فيك وفى صحتك

تسلم بشمهندس طه علي مرورك الجميل
شكرا علي ذوقك
نورتني

[مستر ابراهيم فوزى]

المشاركة الأصلية كتبت بواسطة اسلا م محمد

شكرا لك اخي العزيز علي مرورك الجميل

[مستر ابراهيم فوزى]

المشاركة الأصلية كتبت بواسطة الچــــــــــــــــــوكر ابومازن

الله ينور عليك كفؤ

ربنا يخليك اخي العزيز
شكرا علي ذوقك

[م/ ناصر جمال]

الله ينور عليك يا غالي

[احمد احمد]

الله ينور عليك تسلم ايدك

[M.Y/Abo Karma]

الله ينور عليك تسلم ايدك
ماشاء الله ربنا يبارك فيك وفى صحتك

[kareem gad]

الله ينور عليك
مثبت فترة

[مستر ابراهيم فوزى]

المشاركة الأصلية كتبت بواسطة م/ ناصر جمال

الله ينور عليك يا غالي

وعليك استاذ ناصر ربنا يخليك
وشكرا على مرورك الجميل

[مستر ابراهيم فوزى]

المشاركة الأصلية كتبت بواسطة احمد احمد

الله ينور عليك تسلم ايدك

ربنا يخليك بشمهندس احمد

شكرا على مرورك الجميل وعلى ذوقك

[مستر ابراهيم فوزى]

المشاركة الأصلية كتبت بواسطة م/محمد ياسر

الله ينور عليك تسلم ايدك
ماشاء الله ربنا يبارك فيك وفى صحتك

ربنا يخليك يارب
تسلم على ذوقك مهندس محمد ياسر
ربنا يبارك فيك
مرورك اسعدنى

[مستر ابراهيم فوزى]

المشاركة الأصلية كتبت بواسطة kareem gad

الله ينور عليك
مثبت فترة

استاذنا الكبير بشمهندس كريم
شكرا لحضرتك على ذوقك ومرورك الجميل
ربنا يبارك فيك