[وحيد العشرى]

استفسار كذا رسيفر صينى بيجينى فيه عطل يبقى الرسيفر جايب قنوات الريموت بيقلب عادى بس الرسيفر جايب لمبة حمراء بس
غيرت الكرستالة نفس المشكلة
هل العيب ده عيب اللوحة الأمامية
الرجاء الرد ولكم منى جزيل الشكر

[وحيد العشرى]

الرسيفر شغال زى الفل
بس المشكلة لمبة حمراء والأرقام مش ظاهرة
مع العلم الصورة والصوت تمام على التليفزيون

[وحيد العشرى]

سبب عدم ظهور الأرقام على شاشة الرسيفر
مع العلم ان الصورة والصوت على التليفزيون تمام
المشكلة لمبة حمراء والأرقام مش ظاهرة على شاشة الرسيفر
والرسيفر شغال كويس وجايب قنوات على التليفزيون
الرجاء المساعدة ولكم جزيل الشكر

[Fathymosa]

ممكن الشاشه الرقميه تكون اتحرقت
لو فى بانل اخر جرب بى
وشوف المقاومات حوالين سوكت البانل يكون أحد منهم تالفه
وسخن عليهم برفق جدااا


الا لو كان عيب سوفت من البدايه
عند احد غيرك قبل ما يجيلك

[مستر ابراهيم فوزى]

علشان تحصر المشكلة
اعمل للرسيفر سوفت برقم البورده
لو الأرقام ما اشتغلتش معاك ممكن يكون البورده مش خاصه بالرسيفر ومنقوله من رسيفر اخر
أو عيب بانل
المهم أعمل سوفت برقم البورده مش بأسم الرسيفر
واسحب دامب من الرسيفر قبل أي حاجة

[م/ ناصر جمال]

فيه برضوا ايسي موجود علي اللوحه الاماميه بيعمل برضو المشكله دي غيرو بنفس الرقم حصلت معايا اكتر من مره

[Fathymosa]

المشاركة الأصلية كتبت بواسطة م/ ناصر جمال

فيه برضوا ايسي موجود علي اللوحه الاماميه بيعمل برضو المشكله دي غيرو بنفس الرقم حصلت معايا اكتر من مره

تمااام
وارد برضوا
حاول تسخن عليه أو تعيد لحام عليه
يمكن يظهر معاك الارقام
او تتأكد أنه تالف

[وحيد العشرى]

ممكن خرج فولتيات أى سى البانل
هو بيخرج ٣ فولت وبعد كده بيقسمهم
لو أمكن خرج الفولت الخاص بأى سى البانل
ممكن صورة للإيضاح ولكم منى جزيل الشكر

[وحيد العشرى]

أى سى البانل رقم ثابت فى أى بوردة ولا بيختلف حسب نوع الرسيفر يعنى ممكن أخده من بوردة تقطيع
وهل يباع فى السوق ولا غير متوفر

[مستر ابراهيم فوزى]

المشاركة الأصلية كتبت بواسطة وحيد العشرى

أى سى البانل رقم ثابت فى أى بوردة ولا بيختلف حسب نوع الرسيفر يعنى ممكن أخده من بوردة تقطيع
وهل يباع فى السوق ولا غير متوفر

لازم يكون نفس الرقم ايلى على الايسى
بس قبل ما تدخل فى القصه
لو ماعملتش سوفت برقم البورده
ابعت صوره للبورده او اكتب رقمها وانا حرفع لك سوفت تجربه الاول
انا عندى رسيفرات كتير معالج ali لما بنقل بورده فى علبه تانيه احيانا تجيب ارقام وفى الغالب تشتغل ريموت ومابتجيبش ارقام على اللوحه بتبقى لوحه بايسى مختلف حتى لو عملت سوفت برقم البورده ممكن تجيب ارقام وممكن لا
بس لازم ابدأ بالسوفت قبل الصيانه

[وحيد العشرى]

شكرا جزيلا لحضرتك يبشمهندس

[kareem gad]

بالتوفيق باذن الله