[Teeky]

السلام عليكم اعضاء المنتدي الكرام
دلوقتي انا عندي رسيفر رويال 5050 HD ومفعل عليه سرفــر نوفا، اثناء تشغيل البث المباشر للقنوات على جوده 4K بيحصل تقطيع مستمر ده
اولا هل التقطيع ده بسبب النت ولا بسبب السيرفر، اققدر اعرف منين؟
فرضا بسبب النت, حاليا انا فالأمارات والنت عندي سرعته بتعدي ال 500 ميجابت لكنها سرعه موجوده فقط على بث الوايفاي ال 5g و من سلك اللان، لكن الريسيفر يستقبل بث الواي فاي من الراوتر على تردد 2.4 والسرعه على التردد ده متوسطها 34 ميجابت،
انا بفكر ف حلين، الاول اني افعل سرفــر بالانس واشوفه هيشتغل كويس بالوضع الحالي ولا لأ (فتكون المشكله فسيرفر نوفا مش فالنت)
أو اني اجيب اللان كونفرتر 9700 واجربه على الريسيفر واوصله بالراوتر مباشره بالسرعه ال500 ميجابت، هل حد جرب قطعه اللان دي USB To Ethernet 9700 converter ؟ ولا هشتريها عالفاضي لانها هنا غاليه ب 22 درهم حوالي 300 جنيه مصري.

او حتى اركبله انتينا واي فاي خارجيه تستقبل 5ghz بدل مالانتينا الداخليه فالريسيفر بتستقبل 2.4ghz بس من الراوتر

وشكرا جزيلا مقدماً

[Teeky]

السلام عليكم
تحديث: جربت اوصل الموبايل بالريسيفر عن طريق اليو اس بي وخليت الريسيفر يسحب نت من الموبايل وبالفعل التقطيع راح ف كده المشكله فالنت اللي واصل للريسيفر من الواي فاي ضعيف لازم توصيل من سلك لان السؤال دلوقتي هل القطعه 9700 عن تجربه شغاله على الريسيفر 5050 HD ولا لا
نظرا لان مفيش حد متفاعل من الموضوع هسأل بشكل خاص عن القطعه دي ف موضوع جديد

[م/ احمد شومان]

حضرتك تاخد الجهاز الى فنى يشوف لحضرتك
المشكلة التقطيع

اما بالنسبة للقطعة
قطعة تحويل ايثرنت لان 9700 LAN to USB
على حسب سوفت جهازك فية الخاصية ام لا

[Teeky]

المشاركة الأصلية كتبت بواسطة م/ احمد شومان

حضرتك تاخد الجهاز الى فنى يشوف لحضرتك
المشكلة التقطيع

اما بالنسبة للقطعة
قطعة تحويل ايثرنت لان 9700 LAN to USB
على حسب سوفت جهازك فية الخاصية ام لا

شكرا م/احمد شومان
الموضوع صعب اخده لفني لان انا ذكرت لحضرتك ان انا فالامارات، انا حددت المشكله فالتقطيع ومتأكد انها من النت الضعيف وبالتالي الحل اني اوصل سلك لان

الجهاز عندي فيه خاصيه الشبكه المحليه للانترنت فهل كده هيقبل على ال 9700، هل هي متوافقه مع الريسيفر بتاعي ولا لأ وشكراً

[م/ احمد شومان]

الخاصية دى المفروض تشتغل
بس الافضل تاخد الجهاز معاك وحضرتك بتشترى يجربة

[Teeky]

للاسف مش متاح اني اخد الجهاز وانا بشتري الادابتور لاني هشتريه عالنت بس عامه اول ما اشتريه هجربه وهشارك النتيجه هنا علشان تعم الفايده